EZRA 3:6 - KITAB NU TUMPU ALLA LELE MA'IMAI'

⁶ Mau mule' Laigan nu Tumpu ma'isa tinampu'unan na po'ule' mombau, panyo i tanggan sa'angu' bitu'on anu ko popitu'nyomo mian da'isan nontampu'unimo nompotunu koloban anu osombahkon hi Tumpu.

EZRA 3:6 ပူးပေါင်းရင်းမြစ်များ

EZRA 3:5

Ka' mule' aha nonsombahkonmo koloban anu opotunu ka' koloban i Sinaa Molame'akon Koloa, anu bete'je mae, ka' iwi-iwi' na sinaa polame'akonan sangga'at bau ponsomban Tumpu. Aha suele nonsombahkonmo hi Tumpu apa-apaa na anu osombahkon, iya na kasanangan nu kinyonyoa nu aha.

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

IMAMAT 23:25

Osombahkon na koloban kaanon hi Tumpu ka' madi'mo timbali mombau kalaja anu maboat i sinaa aijo'.

NOMBILANGMO 29:1

Itanggan sa'angu' bitu'on kopopitu'nyo belemiu tionyo ahi' sihukmo da monsombahmo Aku, ka' madi'mo timbali mokalaja anu maboat. Isinaa aijo' tionyo ahi' tolompet iwi-iwi' opo'onyi'mo.

NOMBILANGMO 29:2

Sombahkonmo hi Tumpu koloban anu opotunu aijo'mo sa'angu' na sapi lakinyo anu daagi bata'nyo, sa'angu' na domba lakinyo, ka' popitu na anak nu domba lakinyo anu umunnyo sataunmo, bubuu' anu madi' ko panyakitnyo. Hongohisnyo nu koloban aijo' momposanangmo kinyonyoa nu Tumpu.