EZRA 3:11 - KITAB NU TUMPU ALLA LELE MA'IMAI'

¹¹ Mian da'isan nonyanyiakonmo pompuji-puji' Tumpu, ka' nonguli-ulit anu mongohanimo kapupusan nu nyanyian, sumo uuka na onyi'nyo, “Tumpu aijo' ma'ima'; ka' kalibosan-Nyo hi aha Israel sampe toka sidu-sidutu'.” Iwi-iwi' na mian da'isan suele nontaligalaimo ka' nompuji'mo Tumpu, kalana mesen bau pompotinjoan Laigan nu Tumpu binaumo.

EZRA 3:11 ပူးပေါင်းရင်းမြစ်များ

1 TAWARIKH 16:34

Montalima kase hi Tumpu, kalana Ia manonong; kalibosan-Nyo sampe toka sidu-sidutu'.

1 TAWARIKH 16:41

I Imam Zadok tiba imam haha aijo' nu tulungi i Heman tiba i Yedutun tiba to mia-mian sangga'at anu pinile'anmo samata-mata manyanyi anu bau pompuji' Tumpu kalana kalibosan-Nyo anu sampe toka sidu-sidutu'.

2 TAWARIKH 7:3

Salatan mian da'isan aha Israel nontoamo apu nintatau'mo lengkat mae i langit ka' jingka salaku tanda Tumpu tinokamo ka' nonjingkaimo Laigan nu Tumpu songko-songko, aha tinolodadupumo i salo lantas nonsombah ka' nompuji' Tumpu Allah, kalana ia manonong ka' kalibosannyo sampe toka sidu-sidutu'.

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

NEHEMIA 12:40

Jadi aha ohu-ohua' na tompukan nu panyanyi haha aijo' tinokamo koko Laigan nu Tumpu. Ka' sangga'at mule' anu misa' polaya' na naninggalum i tompukanku,

MAZMUR 100:5

Kalana Tumpu aijo' manonong; kalibosannyo sampe toka sidu-sidutu' ka' kanonongannyo aijo' sampe molundu-lundu na tulunan.

MAZMUR 103:17

Panyo Tumpu sabole-boleh mongkalibosi mian anu tulu-tulutan hi Ia, kanonongan-Nyo saja' sabole-boleh sampe molundu-lundu na tulunan

MAZMUR 106:1

O puji' na Tumpu! Montalima kaseh hi Tumpu, kalana ia manonong; kalibosannyo madi' kokamingkotannyo sampe toka sidu-sidutu'.

MAZMUR 107:1

“Montalima kaseh hi Tumpu kalana Ia manonong, kalibosan-Nyo sampe toka sidu-sidutu'.”

MAZMUR 118:1

Pontalima kaseh hi Tumpu kalana Ia manonong, kalibosan-Nyo sampe toka sidu-sidutu'.

MAZMUR 131:1

Nyanyian i Daud mamba i tampat anu ko balakatnyo. O, Tumpu, aku madi' mindaka-daka', ka' madi' kobubuun. Aku madi' lewa' pagala molio anu talalo daka', kabai anu talalo mahan ohumpak nu belengku.

MAZMUR 135:3

O puji' na Tumpu, kalana Ia manonong, o puji' na sanggo-Nyo, kalana Ia madi'.

MAZMUR 47:1

Mazmur nu aha sa'anakan i Korah. Anu mongkapalai panyanyi.

MAZMUR 47:5

Ia nompile'iakonmo mae tano' bau baginto da bau pusaka'to, da bau katalasanggoan nu bansa anu Nu kalibosi.

NOSABATMO 15:21

I Miryam nonyanyi imo aha, “Panyanyimo bau pompuji' Tumpu kalana Ia nohungku'imo ka' binilahimo. Iwi-iwi' na ajahan ka' anu monsake'i ingalinnyomo nokaiyong i ambai.”

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

HAGAI 2:3

“Pa' daagi ko anu aiya hi belemiu na monsumbu' mosia na ko ima'nyo nu Laigan-Ku u'utu mae? Uuka aiya mosiamo na ka'ada'annyo de o'ala hi pikilan nu belemiu? Temisa' madi'mo ahi' ma'ima' na otoa?

ZAKHARIA 4:7

Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

LUKAS 1:50

Mompolee' toka mompolee' Tumpu mongkalibosi mian anu mabuhuk hi bele-Nyo.

YOSUA 6:10

Iwi-iwi' na suludadu pinalentahmo da bolimo mojiji ka' bolimo montaloakon apa-apaa de ma'isa nubee'i i Yosua tanda.

YOSUA 6:16

Anu ko pimpitunnyomo, salatan pinuhanmo nu to ima-imam na tolompet binee'anmo i Yosua tanda na suludadu iwi-iwi' da molo'aismo daka-daka'. I Yosua notataemo, “Binee'mo nu Tumpu na kota aiya hi belemiu!

YOSUA 6:5

Lapas aijo' to ima-imam mompuhimo tolompetnyo ka' opomantanmo na mompuhi. Salatan beleyum mohongomo onyi'nyo anu pinomantanmo aijo' iwi-iwi' na suludadu aijo' lewa'mo molo'ais daka-daka', sahingga pagan mesen haha aijo' i kota; mohobo'mo. Lantas belemiu iwi-iwi' tionyo ahi' mompinsoopimo kota aijo'.”