EZRA 2:68 - KITAB NU TUMPU ALLA LELE MA'IMAI'

⁶⁸ Salatan mian haha aijo' anu binoa i Babel tinokamo mae i Laigan nu Tumpu kiijo' i Yerusalem, pa' aha tino pia-piangkuka na to pola-polaya' nu aha nombee'mo anu osombahkon kalana kasanangan nu aha da po'ule' obau na Laigan nu Tumpu.

EZRA 2:68 ပူးပေါင်းရင်းမြစ်များ

1 TAWARIKH 21:18

Lapas aijo malaikat nu Tumpu nompokaumo i Gad mompotoiakon hi Daud da ia moliba mokita i tampat pongututan gandum i Arauna, mompotinjo mezbah hi Tumpu.

1 TAWARIKH 22:1

Sahingga notataemo na i Daud, “I tampatmo aiya na tionyo ahi pompopontinjoan Laigan nu Tumpu Allah. Ka' i Mezbahmo aiya na mian nu Israel tionyo ahi' monsombahkon koloban nu aha hi Tumpu.”

2 TAWARIKH 3:1

I Tomundo Daud nontantukan tukoonyo Laigan nu Tumpu tionyomo ahi' obau i Yerusalem, i Bungkutnyo nu Moria i tampat pongututan gandum anu i Arauna mian nu Yebus. Mombau Laigan nu Tumpu aijo' tinampu'unanmo i Tomundo Salomo.

EZRA 2:69

Aha nombee'mo bau pombantu i yayamo pa'sangkuka na anu pinoko ala nu aha toto samian sahingga anu i humpak 500 na kg, mosoni', 2.800 na kg, salaka, ka' 100 na baju' jubah anu bau baju' nu to ima-imam.

EZRA 3:3

Mau mule' aha mabuhuk hi mian tumpu nu lipu' aijo', panyo aha nombaumo ahi' mezbah i tampatnyo anu momona naipuan mae. Lantas nontampu'unimo na aha po'ule' nonsombahkon koloban anu opotunu, de subu-subumo ka' de malomo.

EZRA 9:9

Tempo'nyo kami daagi' binotuanan, belento madi' nompojohok kami. Belentomo na nontulungi kami da kinalibosanmo nu to tomu-tomundo Persia ka' pinobee'mo tumuu' ka' po'ule'mo mombau Laigan nu belento anu ohunyo na daagi' aijo'. Belento nonjagaimo kami aiya i Yehuda ka' i Yerusalem.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

NOSABATMO 25:2

“Pokau na aha mian nu Israel momboa anu osombahkon hi beleng-Ku. Ihe na anu tolotuka' na kinyonyoanyo, tionyo ahi' momboa anu osombahkon

NOSABATMO 35:21

ka' maumo pa' ihe na anu ko kinyonyoamo, momboa anu osombahkon hi Tumpu da sukupmo na talakonan nu Kemah nu Tumpu. Aha suele momboa iwi-iwi' na anu opalalui de monsombahmo ka' anu bau baju' nu imam.

NOSABATMO 35:29

Iwi-iwi' na aha mian nu Israel sanang hondo na kinyonyoa nu aha momboa anu osombahkon hi Tumpu bau kapalaluan nu pakalaja'an anu pinalentahkonmo nu Tumpu hi Musa da nubau nu aha.

NOSABATMO 36:3

I Musa nombee'mo hi aha iwi-iwi' na anu i limu'mo nu aha mian Israel anu opake mokalaja mombau Kemah nu Tumpu. Panyo aha bansa Israel daagi' saja' sabole-bole momboa anu osombahkon hi Musa sansina-sinaa daagi' subu.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

2 KORINTUS 8:3

Aku timbali montantukan aha mombee'i apaa na anu nupoko ala nu aha, sadang aijo' pe'e pa' nolabi. Madi' pilenje ko anu nompokau,

2 KORINTUS 9:7

Batu-batu mian tionyo mombee' iya na kasanangan nu kinyonyoanyo. Boli ia mombee' bata-bata kabai kalana opakisa, kalana Tumpu mongkalibosi mian anu mombee' nu kinyonyoa sanang.