EZRA 2:2 - KITAB NU TUMPU ALLA LELE MA'IMAI'

² To pola-polaya' nu aha aijo'mo, i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum tiba i Ba'ana. Aiyamo na daputan nu aha sa'anakan mae bansa Israel ka' konjoo'nyo nu mian toto sa'angu' na tulunan anu ninsusule'mo lengkat mae i Babel pinomboan aha:

EZRA 2:2 ပူးပေါင်းရင်းမြစ်များ

EZRA 1:11

Ka' daagi' mule' ko mangko' mosoni' ka' salaka tiba to bala-balang sangga'at konjoo'nyo 5.400 na angu'annyo. Iwi-iwi' aijo' binoamo i Sesbazar salatan ia tiba to mia-mian sangga'at anu binoa i Babel u'uka mae nambamo lengkat i Babel ninsusule'mo i Yerusalem.

EZRA 1:8

Anu mongulus balang haha aijo' i Mitredat na binee'an i Kores kalaja, ia kapala anu mongulus kakaya'an nu kalaja'an. Lantas i Mitredat nondaputanakonmo balang haha aijo' da opakatu hi Sesbazar, gubernur nu Yehuda.

EZRA 2:1

Manjoo' na to mia-mian anu binoa i Babel nompala'imo da'erah Babel lantas ninsusule'mo i Yerusalem ka' Yehuda, toto samian ninsusule'mo i posi kota'nyo. Aha tinumuu'mo i Babel anu pinomboan aha salatanmo pe'e aha ingato i tomundo Nebukadnezar.

EZRA 2:3

Aha sa'anakan mae i Paros – 2.172 i Sefaca – 372 i Arah – 775 i Pahat-Moab (lee' mae i Yesua ka' i Yoab) – 2.812 i Elam – 1.254 i Zatu – 945 i Zakai – 760 i Bani – 642 i Bebai – 623 i Azgad – 1.222 i Adonikam – 666 i Bigwai – 2.056 i Adin – 454 i Ater (anu osanggohi suele i Hizkia) – 98 i Bezai – 323 i Yora – 112 i Hasum – 223 i Gibar – 95

EZRA 3:2

lantas i Yesua anak i Yozadak ka' to sanga-sangalunyo aijo'mo to ima-imam ka' i Zerubabel anak i Sealtiel tiba to utu-utusnyo, nombaumo mule' mezbah bau ponsomban Tumpu Allah nu aha Israel. Tiba jalan anu sumo aijo' aha timbalimo nompotunu koloban i mezbah aijo', susumo anu tinulismo i kitab Atulan i Musa, posaihon nu Tumpu Allaha aijo'.

EZRA 4:3

Panyo i Zerubabel, i Yosua tiba to pola-polaya' nu aha toto sa'anakan haha aijo' nontaami, “Kami madi' pilenje otulungi nu belemiu na mombau Laigan nu Tumpu Allah mami. Posi kamimo na mombau susumo anu pinalentahkonmo i Kores, tomundo nu Persia, hi kami.”

EZRA 4:8

I Arthasasta suele nohumpakmo sulat anu soa'nyo aijo'mo mongkona han Yerusalem. Sulat aijo' pinakatu i gubernur Rehum ka' i Simsai gulu tulis nu Propinsi ka' singaja'an nu to sanga-sangalunyo nu aha, aijo'mo to mia-mian kopian ka' mian iwi-iwi' sangga'at anu bapangkat hi pamalentah Persia, anu nolengkat mae i Erekh, i Babel, ka' i Susan anu i lipu' Elam,

EZRA 5:2

Nohongo apaa na anu pinoto'i nu nabi ua'aha aijo', i Zerubabel anak i Sealtiel ka' i Yosua anak i Yozadak lia-lia' na aha nontampu'uni po'ule'mo nombau Laigan nu Tumpu kiijo' i Yerusalem, ua'aha na nabi aijo' na nontulungi.

EZRA 8:1

Aiya na daputan nu to kapa-kapala nu aha toto sa'anakan mae anu binoa i Babel ka' ninsusule'mo mae tiba aku, i Ezra, nambamo i Yerusalem salatan i Artahsasta nompalentahmo salaku tomundo:

NEHEMIA 12:47

Tempo'nyo daagi' i Zerubabel ka' suele mule' tempo'nyo daagi' i Nehemia, iwi-iwi' na mian da'isan Israel mombee' palasombahkon bau pomposukup anu opalalui sansina-sinaa nu to panya-panyanyi ka' anu monjagai Sabatan Daka' Laigan nu Tumpu. Mian da'isan nombee'mo palasombahan samata-mata kona hi to mia-mian nu Lewi ka' to mia-mian nu Lewi suele mombee'i to ima-imam bahagian anu tinantukanmo.

NEHEMIA 7:7

To pola-polaya' nu aha aijo'mo, i Zerubabel, i Yesua, i Nehemia, i Azarya, i Raamya, i Nahamani, i Mordekhai, i Bilsan, i Misperet, i Bigwai tiba i Baana.

HAGAI 1:1

I taun kino ohua'nyomo na i Tomundo' Darius nompalentah Persia i tanggan sa'angu' bitu'on ko anomnyomo Tumpu notataemo nonggunakon i Nabi Hagai. Potuunon nu Tumpu aijo' tinujukannyo hi Zerubabel anak i Sealtiel, gubernur nu Yehuda tiba mule' hi Imam Daka' Yosua anak i Yosadak.

HAGAI 1:12

Lapas aijo' i Zerubabel tiba Yosua ka' iwi-iwi' na mian Israel anu ninsusule'mo mae lengkat itampat pinomboan ka' pinompojoongan kiijo' mae i Babel nontulutimo potatae i Hagai posaihon nu Tumpu aijo'. Aha nombaumo apaa na anu pinalentahkonmo nu Tumpu hi aha kalana nabuhukmo hi Tumpu.

HAGAI 1:14

Sumo aijo' na Tumpu nongkakeha' kinyonyoa i Gubernur Zerubabel, tiba i Imam Daka' Yosua ka' mule' iwi-iwi' na mian anu ninsusule'mo mae lengkat itampat pinomboan ka' pinompojoongan aha da iwi-iwi' mokalajamo mombau Laigan nu Tumpu Anu Daka' Na-Kuasanyo, Tumpu Allah nu aha.

HAGAI 2:2

Tumpu nonsaimo i Hagai da mompoto'i hi Gubernur i Zerubabel, i Imam Daka' Yosua ka' hi mian da'isan da opoto'i na potuunon sumo uuka,

HAGAI 2:21

Da opotokakon hi Gubernur Zerubabel. Koonyo nu Tumpu, “Madi'mo daagi pin langit ka' tano' Ku tenenggohimo,

HAGAI 2:4

Maumo sumo aijo' boli ahi' hente na kinyonyoa nu belemiu iwi-iwi'! Lausakonmo na kalaja aijo' kalana Aku tataap montulungi belemiu.

ZAKHARIA 3:1

Anu tinoa mule' sangga'at, Tumpu nompotoamo mule' hi belengku i Imam Daka' Yosua tinjo-tinjo i ahop nu malaekat nu Tumpu. Sasu hi Yosua tinuminjomo na Setan anu kahanda'mo mongkalak ia.

ZAKHARIA 3:3

I Yosua tinjo-tinjo ikiijo' nompusok baju' anu kinotonmo hondo.