EZRA 2:1 - KITAB NU TUMPU ALLA LELE MA'IMAI'

¹ Manjoo' na to mia-mian anu binoa i Babel nompala'imo da'erah Babel lantas ninsusule'mo i Yerusalem ka' Yehuda, toto samian ninsusule'mo i posi kota'nyo. Aha tinumuu'mo i Babel anu pinomboan aha salatanmo pe'e aha ingato i tomundo Nebukadnezar.

EZRA 2:1 ပူးပေါင်းရင်းမြစ်များ

2 TOMU-TOMUNDO' 25:11

Lantas mian anu daagi' i kota' aijo', aijo'mo mian anu pande na mokalaja, tuha'nyo nu aha anu i hakopmo ka' binoamo, ka' to mia-mian kasiasi, ka' to mia-mian anu nambamo natihapa' ka' nosangaja' hi aha mian nu Babel, iwi-iwi' binoamo i Nebuzaradan i Babel.

1 TAWARIKH 9:1

Iwi-iwi' na mian nu Israel tinulis toto sa'angu' na auwan. Daputan aijo' tinulis i kitab nu to Tomu-tomundo' Israel. Salaku bau pinohukum kalana aha nombaumo dosa', aha mian da'isan nu Yehuda binoamo i lipu' pinompojoongan.

1 TAWARIKH 9:2

Aha anu momona ninsusule' mae po'ule' namba i posi tano' nu aha i kota' haha aijo', to tu'a-tu'anyo, to ima-imam, aha mian nu Lewi ka' anu mokalaja i Laigan nu Tumpu.

EZRA 1:11

Ka' daagi' mule' ko mangko' mosoni' ka' salaka tiba to bala-balang sangga'at konjoo'nyo 5.400 na angu'annyo. Iwi-iwi' aijo' binoamo i Sesbazar salatan ia tiba to mia-mian sangga'at anu binoa i Babel u'uka mae nambamo lengkat i Babel ninsusule'mo i Yerusalem.

EZRA 2:2

To pola-polaya' nu aha aijo'mo, i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum tiba i Ba'ana. Aiyamo na daputan nu aha sa'anakan mae bansa Israel ka' konjoo'nyo nu mian toto sa'angu' na tulunan anu ninsusule'mo lengkat mae i Babel pinomboan aha:

EZRA 2:70

To ima-imam, to mia-mian nu Lewi ka' sambahagian na mian da'isan anu jinojoongmo i Yerusalem ka' i iwi-iwi' na kota' anu madi' majo'on i Yerusalem. To mia-mian anu lewa' manyanyi, to mia-mian anu monjagai sabatan i Laigan nu Tumpu ka' to mia-mian Israel sangga'at jinojoongmo i iwi-iwi' na kota' anu kinajojoongan nu mompolee' nu aha naipuan mae.

EZRA 5:8

Da osumbu' nu belento Tomundo, taalu' kami nambamo i Propinsi Yehuda ka' nontoamo Laigan nu Tumpu, Tumpu Allah Anu Daka' na kuasanyo, hau-haunyo po'ule'mo binau nompake batu toto daka-daka' ka' pagannyo mesen i lapisan nu kau'. Talalo ahi' pinopokopianan na nombau, ka' saja' sakala-kalajanyo madi' toho' opo'idok.

EZRA 6:2

Panyo tulisan anu i humpakmo mongkona han aijo' misa i Babel, panyo i kota' ahi' Ahmeta i da'erah Media. Tulisan aijo' tinulis i sulat anu i lulun ka' onyi'nyo sumo uuka,

EZRA 8:35

I sinaamo aijo' suele na mian iwi-iwi' anu ninsusule'mo mae i pinomboan aha, nonsombahkonmo koloban hi Tumpu Allah Israel aijo' mokoloban anu opotunu. Aha iwi-iwi' na mian Israel nonsombahkonmo 12 na sapi' lakinyo, 96 na domba lakinyo ka' 77 na anak nu domba; ka' mule' suele 12 na mee' bau koloban pongampuni dosa' nu aha. Iwi-iwi' na binatang haha aijo' tinunuanmo salaku koloban anu osombahkon hi Tumpu.

NEHEMIA 12:1

Aiya na to ima-imam ka' to mia-mian nu Lewi anu ninsusule'mo mae lengkat i Babel pinomboan aha tiba i Zerubabel anak i Sealtiel ka' suele tiba i Imam Daka' Yesua.

ESTER 1:1

Kiijo' i Susan puso nu kota' Persia, i Ahasyweros na nompalentah salaku tomundo'. Kalaja'annyo 127 na propinsi, lengkat mae i India toka-toka i Sudan.

ESTER 1:11

Pinalentahnyo na aha aitu da mamba mompoboa mae i Wasti Bengkele'nyo ka' momposongko' mae songko' nu kalaja'an. Bengkele' nu tomundo aijo' handa hondo, i tomundo kahanda' mompotoa kahandanyo aijo' hi to mia-mian anu kopangkat matangkas ka' hi to mia-mian anu i laganyomo i bau-bauon aijo'.

ESTER 1:3

I taun kototolu'nyomo na ia nompalentah, i Tomundo' Ahasyweros nombaumo bau-bauon anu daka' hondo, da molaga iwi-iwi' na anu ko pangkatnyo matangkas tiba to pega-pegawenyo. To tale-talenga' nu Persia tiba Media suele tinoka i bau-bauon aijo', sumo aijo' mule' to gubernur-gubernur tiba to mia-mian anu talasanggo na pangkatnyo kiijo' i propinsi.

ESTER 1:8

To mia-mian anu tinaang aijo' madi'mo ola inganggalan na nontawa'i anggur panyo memang pinagalamo lewa' tinawa'an da o inum. Pinalentahmo i tomundo' na to posa-posaihon anu aijo' ilaigan nu tomundo' da toto samian na anu ka nolaga aijo' osilolongani yayamo pa'apaa na anu nu ka'ima'i nu aha toto samian.

ESTER 8:9

Lantas sinaamo aijo', aijo'mo i tanggan 23 bitu'on kototolu'nyomo, bitu'on Siwan, i Mordekhai nolagamo to gulu-gulutulis i tomundo ka' pinalentahnyo na aha da montulis sulat ka' opakatu hi to gubernur-gubernur, hi to kapa-kapala da'erah ka' hi to mia-mian anu matangkas na pangkatnyo i uno nu propinsi anu 127 na propinsi lengkat pe'e mae i India to-toka i Susan. Sulat haha aijo' otulisi o basa' ka' tulisan anu osumbu' nu propinsi toto sa'angu' Ia suele nompakatumo sulat hi mian nu Yahudi i basa' ka' tulisan nu aha Yahudi.

YESAYA 48:20

Lako'mo popalai ka' bolimo jojoong i Babel, ka' bebakonmo na lele aiya toka-toka iyaya mae. Poto'imo ka' pontaligalaimo lame-lame': “Tumpu nomposalamatmo posaihon-Nyo aha Israel!

YEREMIA 50:19

Aku po ule'mo monsule'akon mian nu Israel ilipu' nu aha. Aha mongkaanmo isi nu ale' anu itano' nu Bungkutnyo Karmel tiba anu idaerah Basan. Aha mobosumo nu isi nu tano' anu i daerah Efraim tiba Gilead.

MOHAANGI 1:3

Mian anu jojoong i Yehuda nompala'imo lipu'nyo kalana binotuananmo ka' talalomo sinansala. Uuka aiya aha jijojoongmo i to bansa-bansa madi'mo ko tampat anu pohumpakan kadamean ka' kasanangan. Sampobali' nontumbuhimo aha tempo'nyo aha sinansalamo.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

MOHAANGI 4:22

Sion nonta'upmo hukumannyo kalana iwi-iwi na dosa' anu binaumo nu aha; uuka aiya kami madi' ola nupojohok nu Tumpu ka' madi'mo daagi' oboa mamba i tampat pompojoongan. Panyo beleyum, o Edom, nuhukumje nu Tumpu. Iwi-iwi' na dosa' nu beleyum oponyata'mo.

ZEFANYA 2:7

Mian anu jojoong i Yehuda anu moko ala mopalai saidi' mae monjojoongimo daerah nu belemiu aijo'. Aha saidi' mae molaya'mo potuu'on itano' aijo' ka' de pihimo aha hoyotmo ilaigan nu aha mian Askelon. Kalana Tumpu, Tumpu nu aha na monjagai aha ka' mule' da aha po ule' sanang na kantumuu'an nu aha.

SISIKON NU TO RASUL-RASUL 23:34

Noko basa' na i gubernur sulat aijo' ia nompokilawamo hi Paulus, lengkat mae iya na pinolengkatanum. Salatan sinumbu'nyo taalu' i Paulus nolengkat mae i Kilikia,