EZRA 10:9 - KITAB NU TUMPU ALLA LELE MA'IMAI'

⁹ Salatan tinolunsinaamo kinakonamo i tanggan uampulu'mo, bitu'on ko osio'nyomo, iwi-iwi' na to momo'ane anu jojoong i da'erah Yehuda ka' Benyamin tinokamo i Yerusalem ka' sinihukmo i popasan nu Laigan nu Tumpu. Tempo'nyo aitu tinudunmo na ujan mabohos hondo. Iwi-iwi' na mian ilangkungkunanmo kalana mobakin hondo, panyo kalana penting hondo na aha sihuk aijo'.

EZRA 10:9 ပူးပေါင်းရင်းမြစ်များ

EZRA 10:10

Lantas i Ezra tinuminjomo ka' notataemo hi aha. Ia notatae, “belemiu binaladosa'mo ka' nompaka sala'mo na Israel kalana nongosoaimo boune bansa anu i salipu'an.

EZRA 10:3

Imbo' da kita basumpa' hi Tumpu Allah, ka' olaa'tomo na boune haha aijo' iwi-iwi' tiba to ana-anak nu aha. Otulutimo mami na pokinde' nu belento iwi-iwi' ka' pokinde' nu mian haha aijo' sangga'at anu mompajuli palentah nu Tumpu Allah. Kami montulutimo Atulan nu Tumpu Allah.

EZRA 10:8

De ihe na madi' toka i uno nu tolunsinaa aiya, o'ala na halata'nyo iwi-iwi' ka' ia madi'mo oposoop bubuu' sangko gampa. Apaa na anu binebakonmo aijo' tinekengmo nu to polo-polaya' nu aha mian da'isan.

EZRA 9:4

Aku sinainsuhangmo susumo aijo' sampe malom ponsombahkonanmo koloban. Lantas tinokamo na to mia-mian nontikubi aku. Aha nabuhukmo hondo kalana nonginau'mo apaa na anu pinokemakon nu Tumpu Allah Israel mongkona dosa' nu to mia-mian anu ninsusule'mo mae lengkat i pinomboan aha.

ESTER 2:16

Sumo aitu mule' i taun ko popitu'nyomo na i Ahasyweros nompalentah kakonamo i bitu'on kino sampulu'nyomo, aijo'mo i bitu'on Tebet. I Ester binoamo nangadap hi Tomundo Ahasyweros kiijo' i laigan nu tomundo kajo-kajojoongannyo.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

YEREMIA 10:13

Ola pinalentah-Nyo binuhokanmo na uee aita' ilanga Lengkat mae ipuusnyo nu tano' pinotoka-Nyomo mae na kundom, ka' pinojadi-Nyomo na kilat pojingkalap i uno nu ujan, ka' sinai-Nyomo mae na mombun lengkat itampat pinompo una'an-Nyo.

YEREMIA 36:22

Tempo'nyo aijo' bitu'onmo kino osio'nyo, ka' itomundo' hau-haunyo suha-suhang koko pinjohuan anu kiijo' ilaigan nu tomundo' kalana tempo'mo nu bakin.