EZRA 10:8 - KITAB NU TUMPU ALLA LELE MA'IMAI'

⁸ De ihe na madi' toka i uno nu tolunsinaa aiya, o'ala na halata'nyo iwi-iwi' ka' ia madi'mo oposoop bubuu' sangko gampa. Apaa na anu binebakonmo aijo' tinekengmo nu to polo-polaya' nu aha mian da'isan.

EZRA 10:8 ပူးပေါင်းရင်းမြစ်များ

EZRA 10:7

Lapas aijo' pinaha polelemo hi songko-songko na Yerusalem ka' Yehuda da opoto'i hi iwi-iwi' na mian anu ninsusule'mo mae lengkat i Babel pinomboan aha, da sihuk mae i Yerusalem.

EZRA 10:9

Salatan tinolunsinaamo kinakonamo i tanggan uampulu'mo, bitu'on ko osio'nyomo, iwi-iwi' na to momo'ane anu jojoong i da'erah Yehuda ka' Benyamin tinokamo i Yerusalem ka' sinihukmo i popasan nu Laigan nu Tumpu. Tempo'nyo aitu tinudunmo na ujan mabohos hondo. Iwi-iwi' na mian ilangkungkunanmo kalana mobakin hondo, panyo kalana penting hondo na aha sihuk aijo'.

EZRA 7:26

Batu-batu mian anu madi' montuluti Atulan nu Tumpu Allah nu Beleyum utus, kabai to atu-atulan nu kalaja'an, sampa lia-lia' opokonai hukuman silaka, kabai oboa i tano' majo'on, kabai o'ala na halata'nyo, kabai otalungku.’ ”

NEHEMIA 13:28

I Yoyada anak i Imam Daka' Elyasib, panyo sala'samian na anak i Yoyada tinimbalimo monian i Sanbalat mian nu kota' Bet-Horon. Kalana aijo' i Yoyada i laa'kumo madi'mo timbali jojoong i Yerusalem.

NEHEMIA 13:3

Salatan bansa Israel nohongomo aijo', aha nompo'iwi'mo iwi-iwi' na mian anu i salipu'an da madi'mo maninggalo' tiba aha mian Israel.

IMAMAT 27:28

Madi' ko samian pe'e na timbali mompobaluk kabai montobus apaa na anu samata-mata obee'mo hi Tumpu, pa' aijo' manusia, binatang kabai tano'. Aijo' anumo nu Tumpu sampe toka sidu-sidutu'.

MATIUS 18:17

De ia madi' montalima pokinde' nu to mia-mian aijo', poto'i na han aijo' hi jama'at. Ka' kahimpusannyo de ia madi' mongka'oho' montalima pokinde' nu jama'at, anggapmo na ia sumomo anu montage hasin, ka' samian anu madi' monsumbu' Tumpu Allah.”

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

YOHANES 9:22

Tina Tuuma nu mian aijo' notatae sumo aijo', kalana aha mabuhuk hi to pola-polaya' nu Yahudi; kalana aha aijo' sinambukumo, tukoonyo mian anu mongakui Yesus Tomundo anu Momposalamat, madi'mo daagi' timbali minsoop i laigan pogalejaan.

YOHANES 9:34

Tinaaman nu aha, “Apaa? Beleyum anu nobuke'mo nu dosa' salatanmo pe'e i hampe, beleyumo na mongka'oho' mompogulu' kami?” Sahingga lengkat i aitu ia tinewa'mo minsoop i laigan pogalejaan.

YOSUA 6:19

Iwi-iwi' na pakakas, salaka, mosoni', tambaga ka' besak aijo' bau bagi nu Tumpu ka' opo'una' i tampat pompo'una'an halata' nu Tumpu.”

TO MIA-MIAN KOPIAN 21:5

Lapas aijo' pinaha pokilawamo nu aha na to tulu-tulunan nu bansa Israel pa' daagi ko anu madi' namba sinihuk i ahop nu Tumpu kiijo' i Mizpa u'utu mae. (Tempo'nyo aitu aha binasumpa'mo tukoonyo nu aha mian anu nohongo-hongo polaga namba i Mizpa hukumannyo tionyo ahi' opatei.)

1 SAMUEL 11:7

Kalana ia pinusamo hondo ingalanyomo na sapi' ohua' lantas kinolotnyomo ka' pinado-padotnyomo tinimbali nanjoo' na padotannyo. Lantas padotan haha aijo' pinakatunyomo hi aha mian anu isongko-songko na daerah nu aha Israel, ka' pinalentahnyomo sumo uuka, “Ihe na anu madi' mamba mombatuki i Saul tiba i Samuel mamba mahampate, sapi'nyo iwi-iwi' okolotmo ka' opado-padotmo susumo aiya suele!”