EZRA 10:6 - KITAB NU TUMPU ALLA LELE MA'IMAI'

⁶ Noko basumpa' na aha, nambamo na i Ezra lengkat aijo' i ahop nu Laigan nu Tumpu ka' nambamo nokiijo' i i tampat kajojoongan i Yohanan anak i Elyasib ka' i nale'mo pihi-pihi i kiijo'. Ia madi'mo nongka'oho' nongkaan ka' nonginum kalana talalomo hondo sinusa' na nompo'inau'akon kalakuan ma'idek anu binaumo nu aha to mia-mian anu toho'mo binoa i Babel.

EZRA 10:6 ပူးပေါင်းရင်းမြစ်များ

EZRA 10:1

Hau-haunyo i Ezra binalado'a ka' i humangmo ka' nongakuimo dosa' i ahop nu Laigan nu Tumpu, manjoo' hondo na mian nu Israel tinokamo sinihuk mau to momo'ane, kabai to boboune, ka' to ana-anak. Tinikubanmo nu aha na ia ka' singkapmo nolotando' na i humang.

EZRA 10:7

Lapas aijo' pinaha polelemo hi songko-songko na Yerusalem ka' Yehuda da opoto'i hi iwi-iwi' na mian anu ninsusule'mo mae lengkat i Babel pinomboan aha, da sihuk mae i Yerusalem.

EZRA 9:4

Aku sinainsuhangmo susumo aijo' sampe malom ponsombahkonanmo koloban. Lantas tinokamo na to mia-mian nontikubi aku. Aha nabuhukmo hondo kalana nonginau'mo apaa na anu pinokemakon nu Tumpu Allah Israel mongkona dosa' nu to mia-mian anu ninsusule'mo mae lengkat i pinomboan aha.

NEHEMIA 12:10

Aiya na tatu-tatusannyo nu lee' i Imam Daka' Yesua: i Yesua, i Yoyakim, i Elyasib, i Yoyada,

NEHEMIA 12:22

Daputan nu sanggo, nu to tu'a-tu'anyo nu auwan, kona hi aha mian nu Lewi ka' auwan nu aha to ima-imam tinulismo daagi' tempo'nyo to Ima-imam Daka' haha aiya: i Elyasib, i Yoyada, i Yohanan tiba i Yadua. Nontulis aijo' ola tinoka hi Darius tempo'nyo ia daagi' nompalentah salaku tomundo' nu Persia.

NEHEMIA 13:28

I Yoyada anak i Imam Daka' Elyasib, panyo sala'samian na anak i Yoyada tinimbalimo monian i Sanbalat mian nu kota' Bet-Horon. Kalana aijo' i Yoyada i laa'kumo madi'mo timbali jojoong i Yerusalem.

NEHEMIA 13:5

I Elyasib nombee'mo hi Tobia sa'angu' na salipi' anu daka' anu sabenannyo oposadia samata-mata pongisian gandum anu sinombahkonmo hi Tumpu, ka' mule' kamangian, pakakas anu opake i Laigan nu Tumpu, ka' mule' palasombahan mo da obee' hi to ima-imam, anu ingalana sambahagian na gandum, anggur, ka' i sampulu' na lanya' nu zaitun bahagian ka' obee' hi to mia-mian nu Lewi, to mia-mian anu mompahaikakon musik ka' anu monjagai Sabatan Daka' Laigan nu Tumpu.

NEHEMIA 3:1

Aiyamo na lelenyo mosia na mesen nu kota' Yerusalem pinokoima'anmo. I Imam Daka' Elyasib ka' to sanga-sangalunyo po'ule'mo nombau Sabatan Daka' Domba, nompokonamo tumbannyo ka' sinombahkonmo nu aha hi Tumpu. Aha nompoko'ima'imo ka' sinombahkonmo nu aha na pagan mesen toka-toka i Laigan tangka-tangkas sa'atu ka' toka-toka i Laigan tangka-tangkas Hananeel.

AYUB 23:12

iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

MAZMUR 102:4

Kantumuu'anku ola saimpotulu madi'mo otoa-toa sumomo tibuk; bukungku iwi-iwi' sumomo oba nu apu.

NOSABATMO 34:28

Patompulu' na sinaa ka' patompulu' na pihi na i Musa jinojoongmo ikiijo' tiba Tumpu, ka' tempo'nyo aijo' ia madi'mo nongkaan ka' madi'mo nonginum. Onyi' nu potatae nu palajanjian aijo', aijo'mo Sampulu' na Palentah nu Tumpu Allah anu tinulisnyomo i kobakan nu batu.

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

PO'ULE' INGULIT 9:18

Lantas daagi' minsan na aku dinumaladupu i ahop nu Tumpu aita' i bungkutnyo kinopinnyo pinatompulu' na sinaa ka' pinatompulu' na pihi, madi' nongkaan kabai nonginum. Aijo' binaungku kalana belemiu nombaumo dosa' hi Tumpu, kalana nombaumo apaa na anu moko pa'idek Ia sahingga Ia notambuha'mo.