EZRA 10:5 - KITAB NU TUMPU ALLA LELE MA'IMAI'

⁵ Jadi i Ezra nompalentahmo. Pinalentahnyomo na to kapa-kapala nu imam, to mia-mian nu Lewi ka' to mia-mian nu Israel sangga'at da basumpa' salaku tanda saba' apaa na anu tinaloakonmo i Sekhanya nubaumo nu aha.

EZRA 10:5 ပူးပေါင်းရင်းမြစ်များ

EZRA 10:3

Imbo' da kita basumpa' hi Tumpu Allah, ka' olaa'tomo na boune haha aijo' iwi-iwi' tiba to ana-anak nu aha. Otulutimo mami na pokinde' nu belento iwi-iwi' ka' pokinde' nu mian haha aijo' sangga'at anu mompajuli palentah nu Tumpu Allah. Kami montulutimo Atulan nu Tumpu Allah.

NEHEMIA 10:29

Kami iwi-iwi' mosa'angu'mo tiba to pola-polaya' mami ka' basumpa'mo da montulutimo atulan nu Tumpu Allah anu binee'-Nyomo hi Musa, posaihonnyo aijo'. O'amalakon mami da Tumpu Allah mongkutuki mae kami de kami madi'mo mombau apaa na anu jinanji'mo mami aiya. Kami basumpa'mo da montulutimo totu-totu'u palentah iwi-iwi'; atulan ka' apaa na anu ingatunmo nu Tumpu, Tumpu Allah mami.

NEHEMIA 13:25

Pinokinde'ankumo na aha ka' kinutukankumo. Daagi' ko anu dinokengkumo ka' kiniiskumo na ubak nu aha. Lapas aijo' pinalentangkumo na aha da basumpa' i sanggo nu Tumpu Allah da aha ka' to ana-anak nu aha madi'mo mo'osoa mogogalo'an tiba bansa sangga'at.

NEHEMIA 5:12

To pola-polaya' nu aha haha aijo' nontaami, “Pokinde' haha itina' otulutimo mami. Osule'akonmo mami iwi-iwi' ka' madi'mo otuntut mami na aha mombayan.” Lantas ilagangkumo na to ima-imam ka' pinalentangkumo na to pola-polaya' haha aijo' da basumpa' i ahop nu to ima-imam haha aijo', da apaa na anu tinaloakonmo nu aha aijo', totu-totu'u tionyo ahi' nubau nu aha.

AMSAL 1:5

Tiba pokinde' haha aijo' miana nu pande mompaka panjoo'mo na ilimu'nyo ka' mian anu nosikolahmo mohumpakmo to poki-pokinde' anu ma'ima'.

AMSAL 15:23

Potatae anu otaeakon kona memang itempo'nyo mompotoka mae kasanangan nu kinyonyoa,

AMSAL 27:9

Susumo minya-minya' anu manohong ka' anu to noho-nohong moposanang kinyonyoa, sumo aitu mule' na kanonongan nu sangalu mompolumu santuu'.

AMSAL 9:9

Demian anu pande na nu pokinde'i, ia mompakamo pande. Ka' de mian anu tulu-tulutan hi Tumpu Allah na nu pogulu', ilimu'nyo mompaka pintuangmo.

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”