EZRA 10:11 - KITAB NU TUMPU ALLA LELE MA'IMAI'

¹¹ Kalana aijo' akuimo na dosa' nu belemiu hi Tumpu, Tumpu Allah anu nusombah nu mompolee' to ka' obau apaa na anu momposanang kinyonyoa nu Tumpu. Opimpali na mian nu aha salipu'an anu jojoong i lipu'to, ka' laa'mo na to bengke-bengkele' nu belemiu haha atina' anu ingosoan nu belemiu hi bansa sangga'at.”

EZRA 10:11 ပူးပေါင်းရင်းမြစ်များ

2 TAWARIKH 30:22

To mia-mian nu Lewi haha aijo' pande hondo na mongatun mosia na monsombah Tumpu, sahingga i Hizkia nompuji'mo aha. Salatan pinitunsinaamo na kinopinnyo na aha lewa' nongkaan i lamean aijo' ka' mule' nonsombahkonmo koloban bau pontalima kase hi Tumpu, Tumpu Allah mompolee' nu aha,

EZRA 10:10

Lantas i Ezra tinuminjomo ka' notataemo hi aha. Ia notatae, “belemiu binaladosa'mo ka' nompaka sala'mo na Israel kalana nongosoaimo boune bansa anu i salipu'an.

EZRA 10:12

Mian haha aijo' nontaamimo hoso-hoson, “Otulutimo mami na pokinde' nu Belento.”

EZRA 10:3

Imbo' da kita basumpa' hi Tumpu Allah, ka' olaa'tomo na boune haha aijo' iwi-iwi' tiba to ana-anak nu aha. Otulutimo mami na pokinde' nu belento iwi-iwi' ka' pokinde' nu mian haha aijo' sangga'at anu mompajuli palentah nu Tumpu Allah. Kami montulutimo Atulan nu Tumpu Allah.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

NEHEMIA 13:3

Salatan bansa Israel nohongomo aijo', aha nompo'iwi'mo iwi-iwi' na mian anu i salipu'an da madi'mo maninggalo' tiba aha mian Israel.

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YESAYA 56:4

Tumpu notatae hi aha, “De belemiu mompahatikan sinaa nu Sabat, de belemiu tulu-tulutan ahi' i palajanjian-Ku ka' mombau apaa na anu moko sanang kinyonyoang-Ku,

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEHEZKIEL 18:30

Tumpu Anu Matangkas na Kuasanyo notataemo, “O, to mia-mian nu Israel, Aku mombee'imo kaputusan hi toto samian sitimbang tiba palabuatannyo. Bolimo daagi' mombau iwi-iwi na dosa' nu beleyum. Boli opojohok na dosa' nu beleyum mohansunimo butong nu beleyum.

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

YOSUA 7:19

I Yosua notataemo hi Akhan, “Anaku, pangakumo ka' poto'imo totu-totu'u aiya i ahop nu Tumpu, Tumpu Allah nu Israel, apaa na anu binaumo nu beleyum. Poto'imo mae hi belengku boli oposuluk.”