EZRA 1:5 - KITAB NU TUMPU ALLA LELE MA'IMAI'

⁵ Lapas aijo' to kapa-kapala nu aha toto sa'anakan mae nu tulunan Yehuda ka' Benyamin, to ima-imam ka' to mia-mian nu aha Lewi, ka' toto samian anu pinotuka'mo nu Tumpu Allah na kinyonyoanyo, mosadiamo ninsusule' i Yerusalem ka' po'ule'mo mombau Laigan nu Tumpu.

EZRA 1:5 ပူးပေါင်းရင်းမြစ်များ

2 TAWARIKH 36:22

Taun anu momonanyo salatan i Kores nompalentahmo, tomundo nu Persia, Tumpu nombaumo apaa na anu pinoto'inyomo hi Nabi Yeremia. Tumpu nompotuka'mo hi kinyonyoa i Kores da ia mombebakonmo palentah anu obasa'akon toka hi songko-songko na kalaja'annyo. Onyi'nyo sumo uuka:

EZRA 1:1

Taun momonanyo salatan i Kores tomundo nu Persia nompalentahmo. Tumpu nombaumo apaa na anu pinoto'i-Nyomo hi Nabi Yeremia. Kinakeha'mo nu Tumpu na kinyonyoa i Kores da nombee'mo sulat palentah anu binasa'akonmo hi songko-songko na kalaja'an. Onyi'nyo sumo uuka:

EZRA 1:2

“Aiya na palentah i Kores tomundo nu Persia. Tumpu, Tumpu Allah anu mongkuasai suluga' nompotimbalimo aku tomundo mompalentah songko-songko na dunia ka' nombee'imo aku kalaja mombau laigannyo i Yerusalem i da'erah Yehuda.

EZRA 1:4

De daagi' ko mian anu pinalesayamo hi Ia i tampat pinomboan mae aiya mompalalui pontulungi da moko ala minsusule' saba' to au-auwan anu mompaha ohani ia tionyo ahi' mombee'i bau pontulungi. Aha tionyo ahi' mombee'i ia salaka ka' mosoni', ka' anu bau mantu i jalan ka' binatang anu pomposake'an boaon ka' mule' apa-apaa na anu osombahkon i Laigan nu Tumpu kiijo' i Yerusalem.”

NEHEMIA 2:12

Pa' piniansinaamo i kiijo' madi' pinoto'ingku maumo pa' hi he na Tumpu Allah nonsaimo aku. Da po'ule'mo mombau kota' Yerusalem. Dodododopnyo pihi-pihi aku nobulamo ka' nongende pa' aha sangkuka na mian bau sangalungku mamba i sambiha' nu kota'. Keledai na kinasake'anku misa' binatang sangga'at na sinake'an.

AMSAL 16:1

Manusia timbali mombau sa'angu' na tanga'an panyo Tumpu Allah na mombee'i kaputusan.

HAGAI 1:14

Sumo aijo' na Tumpu nongkakeha' kinyonyoa i Gubernur Zerubabel, tiba i Imam Daka' Yosua ka' mule' iwi-iwi' na mian anu ninsusule'mo mae lengkat itampat pinomboan ka' pinompojoongan aha da iwi-iwi' mokalajamo mombau Laigan nu Tumpu Anu Daka' Na-Kuasanyo, Tumpu Allah nu aha.

2 KORINTUS 8:16

Tahahumo hondo na kami montalima kase hi Tumpu, kalana Ia nompotimbalimo i Titus nakekemo sumo kami da montulungi komiu!

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.