ESTER 9:27 - KITAB NU TUMPU ALLA LELE MA'IMAI'

²⁷ nonsaduakon da aha nosi baumo atulan anu kona hi posi butong nu aha, kona hi lee' nu aha ka' kona hi iwi-iwi' mian anu ninsoopmo bansa Yahudi. Koonyo nu atulan aijo' sataun toka sataun aha tionyo ahi' molame'akon ohu-ohua' na sinaa aijo' anu pinoto'imo i Mordekhai.

ESTER 9:27 ပူးပေါင်းရင်းမြစ်များ

ESTER 8:17

Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

ESTER 9:20

Lapas aijo' i Mordekhai nontulismo iwi-iwi' na anu jinadimo aijo' ka' nompakatumo sulat hi iwi-iwi' na mian nu Yahudi anu jojoong i songko-songko na kalaja'an nu Persia, mau anu majo'on, mau anu ohani.

ESTER 9:21

Onyi'nyo nu sulat aijo' mompalentahkon da olame'akon na tanggan sampulu' ka' opat ka' sampulu' ka' olima', bitu'on Adar sataun toka sataun.

ESTER 9:28

Ka' mule' pinotataapmo da sampe toka sidu-sidutu' sinaa polame'akonan Purim aijo' saja' o'inau' ka' olame'akon nu batu-batu auwan nu Yahudi tulunan toka tulunan mae sa'angu' hi toto sa'angu' na propinsi ka' kota.

MAZMUR 78:7

Tiba jalan anu sumo aijo' aha singkonaje mule' ahi' ola samata-mata taha'iman hi Tumpu, ka' madi' nukolilimi nu aha na palabuatan-Nyo, panyo saja' ahi' tulu-tulutan hi palentah-Nyo,

YESAYA 2:3

aha iwi-iwi' motatae, “Imbo' da kita mokiita' mindako i ‘Bungkutnyo nu Tumpu,’ ilaigan nu Tumpu Israel. Laje na mongajan mae kita apaa na anu tionyo ahi' obaunto. Kita mombatukimo kajalanan-Nyo kalana ajalan nu Tumpu molengkat mae i Yerusalem, Ia motatae lengkat mae i Sion.”

YESAYA 56:3

Mian anu isalipu'an mae mogalumo tiba mian anu palesayamo hi Tumpu madi' timbali motatae, “Tumpu madi' mompoloas aku monsombah Ia hingga-hinggat tiba mian anu palesayamo hi Ia.” Miana nu tinoku'imo madi' timbali bapikin “Aku madi'mo timbali sangalu nu mian anu palesayamo hi Tumpu, kalana aku madi' timbali mohumpak lee'.”

YESAYA 56:6

Tumpu notatae hi mian anu isalipu'an mae, anu ninsoopmo lekengan nu mian anu palesayamo hi Tumpu, anu mongka'ima'imo Tumpu ka' saja' monsombah Ia, anu mongangga'i sinaa nu Sabat, ka' tulu-tulutan hi palajanjian-Nyo,

YEHEZKIEL 16:61

Beleyum saidi' mae tonginau'mo i palabuatan-palabuatan nu beleyum ka' ma ambangmo de to utu-utus nu beleyum Ku sule'akonmo mae hi beleyum. Aha saidi' mae' Ku pojadimo susumo to ana-anak nu beleyum, maumo ahi' han aijo' madi' ninsoop i uno nu palajanjian-Ku tiba beleyum.

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

NOMBILANGMO 15:15

Iwi-iwi' na atulan tiba palentah pokakana na mompojalan hi belemiu tiba hi mian anu lengkat mae i salipu'an anu jinojoongmo i lipu nu belemiu, kalana belemiu tiba aha pokakana i ahop nu Tumpu. Ka' han aijo' obau sampe toka sidu-sidutu'.

PO'ULE' INGULIT 5:3

panyo tiba hi kita iwi-iwi' anu i aiya.

YOSUA 9:15

I Yosua nombaumo palajanjian da mobela'mo tiba mian nu Gibeon haha aijo', ka' nojanji'mo madi'mo daagi' mompatei aha. To pola-polaya' nu aha mian Israel suele binasumpa'mo da boli okolilimi na palajanjian aijo'.

TO MIA-MIAN KOPIAN 11:40

na to ana-anak langkoyang mamba i bungkutnyo patonsinaa na kopinnyo sataun toka sataun mongkalibosakon kinyonyoa monginau' anak i Yefta naipuan mae kiijo' i Gilead.

1 SAMUEL 30:25

Lapas aijo' binauakonmo i Daud sa'angu' na atulannyo ka' saja'mo tinulutan nu aha Israel sangkut tempo uuka aiya.