ESTER 9:25 - KITAB NU TUMPU ALLA LELE MA'IMAI'

²⁵ Panyo i Ester na nangadapmo hi tomundo, ka' pinalentahkonmo i tomundo, palentahnyo aijo' tinulis anu nonsaduakonmo tanga'an ma'idek anu binau i Haman nosi konamo posi butongnyo, sahingga ia ka' to ana-anaknyo pinokalayo'mo i ohi' anu binau da pompokalayo'an.

ESTER 9:25 ပူးပေါင်းရင်းမြစ်များ

1 TOMU-TOMUNDO' 8:32

o Tumpu, tionyo ahi' Belento mompotombihing mae kiita' i Suluga' ka' momputusi palakala nu to posa-posaihon nu Belento aiya. O hukum na anu ko sala'nyo tiba anu binaunyomo ka' opobebas na anu madi' ko sala'nyo.

ESTER 3:6

Ka' salatan sinumbu'nyomo taalu' i Mordekhai mian nu Yahudi, ia nongalamo kaputusan mohukum i Mordekhai, ka' misa' ola ia, panyo iwi-iwi' suele na bansa Yahudi anu i kalaja'an Persia nu pateimo.

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

ESTER 7:4

Kalana aku tiba bansangku pinobalukmo da opatei. De kami ola ahi' pinobaluk ka' obau posa-posaihon yo aku ola ahi' momohokot, ka' madi' mompoposia belento Tomundo. Panyo uuka aiya kami opateimo ka' ohopu'imo ingko-ingkot!”

ESTER 7:5

Lantas pinokilawamo i Tomundo Ahasyweros hi Bengkele'nyo i Ester, “Ihe na baani kahanda'mo mombau anu sumo itina'? Mian itina' iyamae?”

MAZMUR 140:8

O, Tumpu, Tumpungku, anu momposalamat aku ka' mahoson Belento nonjagaimo mae aku tempo'nyo nahampate.

MAZMUR 140:9

Boli ositujui na tanga'an nu mian anu ma'idek na kinyonyoanyo, O, Tumpu, boli opobee' tongala na tanga'an nu aha.

MAZMUR 141:10

Bakas da posi so'o nu aha na mongkona aha, panyo o' amalakon da aku na salamat ahi'.

MAZMUR 7:16

Ia nongkekemo bolo' da manabu' na mian sangga'at, panyo posi iamo ahi' na nanabu' i unonyo.

MAZMUR 7:17

Jadi posi kalakuannyomo ma'i-ma'idek aijo' na nohukum ia ka' ia sinakisamo nu posi kasinggiannyo.

MAZMUR 94:23

Ia mohukumo mian anu ma'idek na kinyonyoanyo sitimbang tiba palabuatan ma'idek anu binaunyomo, ka' mompomomo'mo nganga' nu aha kalana dosa' nu aha. Tumpunto mompomomo'mo nganga' nu aha.

AMSAL 26:27

Ihe na mongkeke bolo' da bau panabu'an nu mian sangga'at aijo' baumo panabu'annyo. Ihe na molingginakon batu da nu kona na mian sangga'at, posi ia na nu tuda' nu batu aijo'.

AMSAL 5:22

Dosa' nu mian ma'idek susumo totumban anu nongkonamo posi mian aijo'.

YESAYA 22:25

De bisuanyo aijo' jadimo saba' sapa anu pinokonamo hoso-hoson aijo' tonggautmo ka' manabu'mo. Ka' aijo'mo na kamingkotannyo nu to utu-utusnyo ka' iwi-iwi' na mian anu mompasehakon butong nu aha hi ia. Aku, Tumpu, notataemo.”

OBAJA 1:15

“Totu-totu'u ohanimo mae na sinaanyo, Aku Tumpu momputusimo to bansa-bansa. Apaa na anu binaumo nu Edom aijo'mo na bau pombalosingku ia. Ia suele mongoa'imo apaa na anu binaunyomo.

MATIUS 21:44

Mian anu manabu' i batu aijo', tionyo hansun; ka' mian anu nu tuda' nu batu aijo' nu diodos tinimbali abu'.]”

1 SAMUEL 25:39

Salatan i hongomo i Daud na i Nabal sinilakamo notataemo na ia, “O puji' na Tumpu! Ia nombalosakonmo i Nabal anu saja' mongambangi aku, ka' nontewa'mo posaihon-Nyo aiya da bolimo mombau anu ma'idek. Tumpu nohukumo i Nabal kalana ia saja' mombau anu ma'idek.” Lapas aijo' i Daud nonsaimo mian da mamba hi Abigail mondutakon de timbali da baumo bengkele'nyo.