ESTER 9:22 - KITAB NU TUMPU ALLA LELE MA'IMAI'

²² Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

ESTER 9:22 ပူးပေါင်းရင်းမြစ်များ

ESTER 9:19

Kalana aijo' mian nu Yahudi anu jojoong i kota toto ise-ise' saja' molame'akan i tanggan sampulu' ka' opat bitu'on Adar salaku sinaa kalame'an, sinaa pombauan bau-bauon ka' balame-lame', ka' mompaha bagi-bagii anu okaan.

ESTER 9:21

Onyi'nyo nu sulat aijo' mompalentahkon da olame'akon na tanggan sampulu' ka' opat ka' sampulu' ka' olima', bitu'on Adar sataun toka sataun.

ESTER 9:23

Mian nu Yahudi nohongo-hongomo hondo palentah i Mordekhai ka' mule' lamean aijo' tinimbalimo adat saja' obau sataun toka sataun.

MAZMUR 103:2

O, puji' na Tumpu, o santuu'ku boli okolilimi na kanonongan-Nyo iwi-iwi'!

MAZMUR 149:7

bau pombalosi to bansa-bansa, ka' pohukum tulunan nu to bansa-bansa;

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

MAZMUR 30:12

Haangku pinojadimo nu Belento tarian anu lame' Ingalamo nu Belento na kasusa'an nu kinyonyoangku ka' pinobuke'anmo nu Belento na aku nu kalame'an.

MAZMUR 37:15

Panyo mian anu ma'idek na palabuatannyo nu posi jalo'je nu bajaknyo, pelet nu aha saidi' mae opaha pato'imo.

YESAYA 14:3

Tumpu mompobebasmo Israel lewa-lewa'mo sinakisa ka' mule' i kasansala'annyo, ka' lewa-lewa' nokalaja maboat opa-opakisakon hi aha.

ZAKHARIA 8:19

“Puasa' anu obau nu belemiu toka i bitu'on ko opatnyo, ko olima'nyo, ko popitu'nyo tiba ko sampulu'nyomo timbalimo sinaa anu olame'akon ka' obau bila-bilahi, ka' timbali kasanangan nu mian anu jojoong i Yehuda. Ka'ima'i na kahondoan tiba kadamean!”

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

GALATIA 2:10

Sala'sa'angu' na poitaon nu aha aijo' da kami mompalahatikan mian anu kasiasi. Ka' aku mule' sanang na mombau han aijo'.

PO'ULE' INGULIT 15:7

De saidi' mae belemiu jojoongmo i lipu' anu binee'mo nu Tumpu Allah nu belemiu hi belemiu, lantas i sala'sa'angu' na kota nu belemiu daagi' ko mian anu sangko bansa nu belemiu kasusa'anmo, boli mosi tutugi kapentingan nu belemiu, ka' madi' mongka'oho' montulungi ia.

PO'ULE' INGULIT 16:14

Balasana-sanang hingga-hinggat tiba to ana-anak nu belemiu, to posa-posaihon miu, aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo ka' to balu-balu anu jojoong i songko-songko na kota nu belemiu iwi-iwi'.

PO'ULE' INGULIT 16:15

Pitun sinaa na kopinnyo belemiu tionyo ahi' molame'akon lamean aijo' bau pongadati Tumpu Allah nu belemiu i tampat anu pinile'anmo nu Tumpu. Bau bila-bilahi kalana Tumpu Allah nu belemiu nombalakatimo hasin nu tano' tiba kalaja nu belemiu.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.

1 SAMUEL 25:8

Soba pokilawa hi aha tantu nu pototu'uje nu aha. Kalana aijo' ku kakaase da suludadungku timbali otalima na toka i laigan nu belento boli opoposia kalana kakona i sinaa daka' aiya na kami tinoka mae aiya. Bee'i mae na to posa-posaihon nu belento aiya ka' suele hi belengku, i Daud, sangalu nu belento anu mompahakona hondo tiba belento, yayamo pa' apaa na anu ohalala'akon mae nu belento.”