ESTER 9:21 - KITAB NU TUMPU ALLA LELE MA'IMAI'

²¹ Onyi'nyo nu sulat aijo' mompalentahkon da olame'akon na tanggan sampulu' ka' opat ka' sampulu' ka' olima', bitu'on Adar sataun toka sataun.

ESTER 9:21 ပူးပေါင်းရင်းမြစ်များ

EZRA 6:15

Laigan nu Tumpu aijo' tinimbalimo kinonamo i tanggan kototolu'nyona bitu'on Adar i taun ko anomnyomo na i Tomundo Darius nompalentah.

ESTER 3:7

I taun kinosampulu'nyomo ka' ohua' na i Tomundo Ahasyweros nompalentah, i bitu'onnyomo anu momona, aijo'mo bitu'on Nisan, i Haman nompalentahmo da obuangakon onde anu osa-osanggohi “Purim” da osumbu' na sinaa ka' bitu'onnyo anu ma'ima' bau pompokonannyo niatnyo anu ma'i-ma'idek aijo'. Jadi pinotantumo i tanggan sampulu' ka' totolu', bitu'on anu ko sampulu'nyomo ka' ohua', aijo'mo bitu'on Adar.

ESTER 9:17

Han aijo' jinadi i tanggan sampulu' ka' totolu' bitu'on Adar. Dodododopnyo mule' i tangga kinosampulu'nyomo ka' opat, aha sabenannyo madi'mo timbali mompatei, panyo molame'akonmo ahi' sinaa aijo'.

ESTER 9:18

Panyo mian nu Yahudi anu jojoong i Susan nolame'akonje i tanggan sampulu' ka' olima' binaumo sumo sinaa daka', kalana aha nompateimo sampobali' nu aha i tanggan sampulu' ka' totolu', ka' i tanggan sampulu' ka' opat, lantas madi'mo aha nompahampateakon i tanggan kinosampulu'nyomo ka' olima'.

ESTER 9:20

Lapas aijo' i Mordekhai nontulismo iwi-iwi' na anu jinadimo aijo' ka' nompakatumo sulat hi iwi-iwi' na mian nu Yahudi anu jojoong i songko-songko na kalaja'an nu Persia, mau anu majo'on, mau anu ohani.

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

ESTER 9:27

nonsaduakon da aha nosi baumo atulan anu kona hi posi butong nu aha, kona hi lee' nu aha ka' kona hi iwi-iwi' mian anu ninsoopmo bansa Yahudi. Koonyo nu atulan aijo' sataun toka sataun aha tionyo ahi' molame'akon ohu-ohua' na sinaa aijo' anu pinoto'imo i Mordekhai.

ESTER 9:29

Ka' mule', hingga-hinggat tiba sulat i Mordekhai; i Ester Bengkele' nu tomundo anak i Abihail nontulismo suele sulat ko ohua'nyo anu lebe mompokeemakon isi nu sulat i Mordekhai mongkona Purim aijo'.