ESTER 9:18 - KITAB NU TUMPU ALLA LELE MA'IMAI'

¹⁸ Panyo mian nu Yahudi anu jojoong i Susan nolame'akonje i tanggan sampulu' ka' olima' binaumo sumo sinaa daka', kalana aha nompateimo sampobali' nu aha i tanggan sampulu' ka' totolu', ka' i tanggan sampulu' ka' opat, lantas madi'mo aha nompahampateakon i tanggan kinosampulu'nyomo ka' olima'.

ESTER 9:18 ပူးပေါင်းရင်းမြစ်များ

ESTER 8:11

Sulat haha aijo' mompoto'i tukoonyo, i tomundo mompoloas mian nu Yahudi anu jojoong i to kota-kota' da mosa'angu' da timbali mongewa. De aha otumbuhi nu to mia-mian anu ko toongon, pa' bansa kabai pa' propinsi iyayamae, aha timbali mongewa ka' mompatei aha anu montumbuhi aijo' tiba to bengke-bengkele' nu aha tiba to ana-anaknyo; aha timbali mompahantotokakon sampobali' nu aha sampe mingkot ka' mompahuhuakon halata' nu aha.

ESTER 9:1

Ahennyo tinokamo i tanggan sampulu' ka' totolu' bitu'on Adar, aijo'mo na sinaa anu sinanggomo da pomposidanmo palentah i tomundo kona hi aha to mia-mian Yahudi. Sinaamo ai-aijo' na anu titinanda'anmo nu aha sampobali' nu bansa Yahudi da opatundu'mo na bansa aijo'. Padahan ola mule' ahi' bansa nu Yahudi na nompatundu'mo aha.

ESTER 9:11

I sinaamo aijo' na mian nompoto'i hi tomundo konjoo'nyo nu mian anu pinatean i kota' Susan.

ESTER 9:13

Tinaaman i Ester, “De sanang na belento Tomundo da mian nu Yahudi anu jojoong i Susan dodop daagi' subu mompaka bau mule' susumo anu binaumo nu aha sinaa aiya. Ka' mule' to ana-anak i Haman anu sinilakamo aijo' tionyo ahi' opaha pokalayo' i ohi' pompokalayo'an haha aijo'.”

ESTER 9:15

Jadi i tanggan sampulu' ka' opat bitu'on Adar, to mia-mian nu Yahudi i kota' Susan sinihuk nosa'angu' mule' ka' nompateimo aha 300 na mian i kota' aijo. Ka' mule' aha tempo'nyo aitu madi' ahi' nontololangi anu nu mian.

ESTER 9:2

I toto sa'angu' na kota', to mia-mian nu Yahudi sinihukmo ka' nosa'angu'mo ka' nontumbuhimo iwi-iwi' mian anu ko niat ma'idek hi aha. Bansa-bansa sangga'at iyayamae nabuhukmo hi aha, sahingga madi'mo ko samian na anu baani mongahopi aha.

ESTER 9:21

Onyi'nyo nu sulat aijo' mompalentahkon da olame'akon na tanggan sampulu' ka' opat ka' sampulu' ka' olima', bitu'on Adar sataun toka sataun.