ESTER 8:17 - KITAB NU TUMPU ALLA LELE MA'IMAI'

¹⁷ Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

ESTER 8:17 ပူးပေါင်းရင်းမြစ်များ

KAJADIAN 35:5

Salatan i Yakub ka' aha iwi-iwi' sa'anakan nambamo, Tumpu Allah nompobuhukmo anu jojoong i kota haha aijo' iwi-iwi', sahingga aha nabuhukmo, jadi aha madi'mo nololoi' i Yakub ka' sangalunyo iwi-iwi'.

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

ESTER 9:17

Han aijo' jinadi i tanggan sampulu' ka' totolu' bitu'on Adar. Dodododopnyo mule' i tangga kinosampulu'nyomo ka' opat, aha sabenannyo madi'mo timbali mompatei, panyo molame'akonmo ahi' sinaa aijo'.

ESTER 9:19

Kalana aijo' mian nu Yahudi anu jojoong i kota toto ise-ise' saja' molame'akan i tanggan sampulu' ka' opat bitu'on Adar salaku sinaa kalame'an, sinaa pombauan bau-bauon ka' balame-lame', ka' mompaha bagi-bagii anu okaan.

ESTER 9:2

I toto sa'angu' na kota', to mia-mian nu Yahudi sinihukmo ka' nosa'angu'mo ka' nontumbuhimo iwi-iwi' mian anu ko niat ma'idek hi aha. Bansa-bansa sangga'at iyayamae nabuhukmo hi aha, sahingga madi'mo ko samian na anu baani mongahopi aha.

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

ESTER 9:27

nonsaduakon da aha nosi baumo atulan anu kona hi posi butong nu aha, kona hi lee' nu aha ka' kona hi iwi-iwi' mian anu ninsoopmo bansa Yahudi. Koonyo nu atulan aijo' sataun toka sataun aha tionyo ahi' molame'akon ohu-ohua' na sinaa aijo' anu pinoto'imo i Mordekhai.

ESTER 9:3

Pakalaus iwi-iwi' na to mia-mian anu matangkas na pangkatnyo i propinsi, to gubernur-gubernur, to kapa-kapala da'erah, ka' anu ko pangkatnyo i kalaja'an nonsangaja'imo mian nu Yahudi kalana iwi-iwi' nabuhukmo hi Mordekhai.

MAZMUR 105:38

Mian nu Mesir nongkabuhukmo ha' nansihimo na bulu na montoa aha, jadi aha sinanangmo na nontoa mian nu Israel nambamo.

MAZMUR 18:43

Aha i tinutukumo susumo abu' anu sinagakonmo, ka' sinautankumo susumo hensek ijalan.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

PO'ULE' INGULIT 11:25

Songko-songko na lipu' haha aijo' nupotimbalije nu Tumpu Allah nu belemiu na to mia-mian mabuhuk hi belemiu susumo anu jinanji'-Nyomo hi belemiu, sahingga madi' ko samian pe'e na moko ala mompoliwa' belemiu.

PO'ULE' INGULIT 2:25

Otampu'uni i sinaa aiya Ku potimbalimo na to bansa-bansa da mongkabuhukmo belemiu, maumo pa' iya mae. Toto samian nulakatmo kalana mabuhukmo de mohongomo belemiu.’ ”

YOSUA 2:11

Salatan ihongomo mami na lele haha aijo' kami nabuhukmo hondo. Iwi-iwi' na mian aiya hi kami madi'mo ko anu binaani kalana nohongomo belemiu. Tumpu Allah nu belemiu totu-totu'u Tumpu Allah Anu Daka' na Kuasanyo aita' i langit ka' aiya i dunia.

YOSUA 2:9

ka' notatae hi aha, “Ku sumbu' Tumpu nombee'mo lipu' aiya hi belemiu. Iwi-iwi' na mian aiya nabuhukmo hi belemiu.

1 SAMUEL 25:8

Soba pokilawa hi aha tantu nu pototu'uje nu aha. Kalana aijo' ku kakaase da suludadungku timbali otalima na toka i laigan nu belento boli opoposia kalana kakona i sinaa daka' aiya na kami tinoka mae aiya. Bee'i mae na to posa-posaihon nu belento aiya ka' suele hi belengku, i Daud, sangalu nu belento anu mompahakona hondo tiba belento, yayamo pa' apaa na anu ohalala'akon mae nu belento.”