ESTER 8:16 - KITAB NU TUMPU ALLA LELE MA'IMAI'

¹⁶ Mian nu Yahudi sinanangmo madi'mo nabuhuk, binilahimo ka' ilame'mo.

ESTER 8:16 ပူးပေါင်းရင်းမြစ်များ

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

ESTER 9:17

Han aijo' jinadi i tanggan sampulu' ka' totolu' bitu'on Adar. Dodododopnyo mule' i tangga kinosampulu'nyomo ka' opat, aha sabenannyo madi'mo timbali mompatei, panyo molame'akonmo ahi' sinaa aijo'.

MAZMUR 112:4

Jingka monjingkaimo i uno nu pikat kona hi mian anu hodi' na kinyonyoanyo, kona hi mian anu adin, pangkalibosi ka' manonong.

MAZMUR 118:27

Tumpu, aijo'mo na Tumpu Allah, Ia manonong hondo hi kita. Inda mambamo da kita balonda molame'akon ka' montoongi panga' nu kau' ko honnyo, ka' montiikubi mezbah nu Tumpu.

MAZMUR 18:28

Mian anu madi' mintige-tige nuposalamat nu Belento, panyo mian anu lewa' kobubuun nupatundu' nu Belento.

MAZMUR 30:12

Haangku pinojadimo nu Belento tarian anu lame' Ingalamo nu Belento na kasusa'an nu kinyonyoangku ka' pinobuke'anmo nu Belento na aku nu kalame'an.

MAZMUR 97:11

Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

AMSAL 11:10

Kota' anu lame' de hi mian anu madi' tageo' na kinyonyoanyo pohumpakan dale' i unonu polioan; panyo mian da'isan montaligalaimo de mian anu ma'idek na kinyonyoanyo silakamo.

AMSAL 28:12

De mian anu manonong na balakuasa, iwi-iwi' na mian mongoa'i ka'sanangan, de mian anu ma'idek na kinyonyoanyo na mompalentah, mian da'isan matisulukmo.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.