ESTER 6:6 - KITAB NU TUMPU ALLA LELE MA'IMAI'

⁶ Salatan i Haman ninsoopmo, i tomundo notataemo hi ia, “Daagi' ko mian anu kahanda' ku bee'i salaku bau poholomati anu daka' hondo. Apaa na anu kahanda' ku bau hi ia?” Koonyo i Haman i uno nu kinyonyoanyo, “Ihe mule na o holomati daka hondo i Tomundo? Pasti akumo!”

ESTER 6:6 ပူးပေါင်းရင်းမြစ်များ

ESTER 1:15

Koonyo i tomundo hi aha popitu' haha aijo', “Aku nonsaimo to posa-posaihonku namba hi Wasti Bengkele'ku da mompoboa mae id toka mae hi belengku. Panyo ia madi' nongka'oho' mae. De koonyo nu atulan hukuman, apaa na anu tionyo pookonanto hi ia?”

ESTER 5:11

Lantas i Haman nolabi-labimo na notatae hi aha ka' nontakabunakonmo kakaya'annyo, konjoo'nyo nu to ana-anaknyo to momo'ane, pangkatnyo anu daka', anu binee' i tomundo, ka' mule' pangkatnyo anu matangkas aijo' anu molingkudui anu ko pangkatnyo sangga'at.

ESTER 6:11

Lantas i Haman nongalamo baju' ka' kuda aijo' ka' pinopusoknyomo hi Mordekhai. Salatan i Mordekhai nonsake'imo ajahan aijo' pinolondemo i Haman nontulu lapangan i uno nu kota' ka' lewa' ilobo'akonnyo, “Potoakon, sumo aiya na tomundo mongangga'i mian anu nu holomati i tomundo!”

ESTER 6:5

Posaihon haha aijo' nontaami i tomundo, “i Haman na kiijo' i laigan nu tomundo ka' ia ko kahanda' mangadap hi belento Tomundo.” “Pokau mae da ia minsoop,” na koonyo i tomundo.

ESTER 6:7

Mokonyo aitu tinamanyo, “Kahanda'nyo mianitina o'alapimo baju' pesalin anu biasa nu pusok i Tomundo. Lantas ajahan i Tomundo obungu-bungai nu bunga-bunga anu pontandai kalaja'an.

ESTER 6:9

Samian na anu daka' na pangkatnyo i negara aiya, anu tulunan mae nu mian daka' aijo' na tionyo opopusoki baju' ka' iamo aijo' na nu holomati i Tomundo, lantas opolondimo na mian aijo' monsake'i ajahan i Tomundo montulu lapangan i uno nu kota'. Mian anu daka' na pangkatnyo aijo' na lumajang mamba momona ka' molobo'akon daka-daka', ‘Sumo aiya na i tomundo' mongangga'i mian anu nu holomati.’ ”

MAZMUR 35:27

O'amalakon da mian anu kahanda' montoa aku opobee' na montaligalai ka' balame-lame'. O'amalakon da aha sabole-bole saja' montaloakon, “Totu'u ahi' talasanggo na Tumpu! Ia mongkahanda'i da salamat ahi' na posaihon-Nyo!”

AMSAL 1:32

Mian anu madi' ko anu nu pisumbu-sumbu' saidi' mae silakamo kalana madi' mompajuli aku, ka' mian ponga' saidi' mae mohopu'mo kalana madi' mompajuli aku.

AMSAL 16:18

Mian anu takabun mohumpak kahansunan; kobubuun ahennyo madi'mo ohalagai.

AMSAL 18:12

Mian anu takabun saidi mae madi'mo ohalagai, mian anu madi'buulon oholomati.

AMSAL 30:13

Daagi' ko mian anu mongoa'i butongnyo talalo hondo manonong memang talalo hondo manonong!

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

OBAJA 1:3

Beleyum ingakalanmo nu kinyonyoa nu beleyum anu sombo-sombong atina'. Puso nu kota' nu beleyum atina' te bungkutnyo nu batu anu maharon; kajojoongan nu beleyum aita mae ibawo nu bongkutnyo anu matangkas. Kalana aijo' belemiu binapikinmo, Ihe na moko ala mompatundu' Aku?

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

LUKAS 14:9

Sahingga tumpu nu laigan anu nompaso komiu ohua' aijo', boli-boli toka hi komiu ohua' ka' motatae, ‘Tabea', tampat aiya pinotoukamo hi anu pinaso aijo'.’ Desumo aitu ma'ambangmo hondo na beleyum, sahingga tionyo ahi' mamba sumuhang i tampat anu talalo hondo i hikunyo.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.