ESTER 6:4 - KITAB NU TUMPU ALLA LELE MA'IMAI'

⁴ Lantas notataemo na i tomundo, “Ihe na anu ko pangkatnyo mokalaja hi belengku anu kiijo' i laigan nu tomundo uuka aiya?” I Haman sala'je ninsoop i popasan nu laigan i tomundo; ia ko kahanda' momoita kaloasan hi tomundo' da opokalayo'mo na i Mordekhai i ohi' anu pinotinjomo aijo'.

ESTER 6:4 ပူးပေါင်းရင်းမြစ်များ

ESTER 4:11

“Batu-batu mian pa' mo'ane kabai boune kalu madi' olaga mangadap hi tomundo, lantas sainto-tolo mangadapmo, saba' i popasan nu laigan i tomundo, mohumpakmo hukuman opatei. Aijo' na atulannyo, ka' iwi-iwi' na mian lengkat pe'e hi mian anu lewa' mompokinde'i i tomundo toka-toka hi mian da'isan anu kiijo' mae i to propinsi-propinsi, nonsumbu'mo han aijo'. Ola sa'angu' na jalan na madi' mohumpak hukuman aijo' anu i uno nu atulan aijo', aijo'mo de bisuannyo i tomundo mompotajumo tokonnyo mosoni' mokiijo' hi mian aijo'. De aijo' na jadi yo ia tumuu'. Panyo sambitu'onmo uuka aiya aku madi'mo toho' ilaga i tomundo.”

ESTER 5:1

I sinaa kino itolunnyomo na ia binapuasa', i Ester po'ule'mo nompusok baju'nyo salaku bengkele' nu tomundo lantas nambamo nokiijo' tinuminjo i popasan nu laigan nu tomundo i ahop nusabatan anu lewa' kasuhangan i tomundo. I Tomundo tempo'nyo aitu aijo' suha-suhang i kasuhangan nu tomundo mongahopi sabatan aijo'.

ESTER 5:14

Nohongo potatae aijo' bengkele'nyo ka' iwi-iwi' na to sanga-sangalunyo nombee'imo pikilan sumo uuka, “Pokaumo na mian mombau ohi' tangka-tangkas uampulu' ka' ohua' na meten. Lantas dodop subu-subu pomoitamo kaloasan hi tomundo da opokalayo'mo na i Mordekhai i ohi' aijo'. Tiba jalan anu sumo aijo' sanangmo na kinyonyoa nu beleyum mamba mongkaan.” Pikilan anu binee' nu aha aijo' ma'ima' hondo na tinutugan i Haman, kalana aijo' i sampamo nokibau ohi' bau pompokalayo'an aijo'.

ESTER 6:3

Pinokilawamo i tomundo, “Apaamo na binau pinoholomati ka' pinombalosi i Mordekhai anu nokalajamo ma'i-ma'ima' aijo'?” To posa-posaihon haha aijo' nontaami, “Ia madi' nohumpak apa-apaa.”

ESTER 6:5

Posaihon haha aijo' nontaami i tomundo, “i Haman na kiijo' i laigan nu tomundo ka' ia ko kahanda' mangadap hi belento Tomundo.” “Pokau mae da ia minsoop,” na koonyo i tomundo.

ESTER 7:9

Lantas koonyo i Harbona, sala'samian aha anu koko pangkatnyo aijo', “Kita Tomundo, kiijo' koko laigan i Haman ko ohi' bau pompokalayo'an kotangkasnyo 22 meten. Pinototonmo i Haman bau pompokalayo'annyo i Mordekhai, mian anu nompotumuu'mo nyawa i Tomundo.” Lantas pinalentahmo i tomundo, “Pokalayo'mo na i Haman i ohi' itina'!”

MAZMUR 2:4

Kiita' mae i kasuhangan-Nyo i suluga' Tumpu kinumojomo ka' mompisala'i apaa na anu tinanga'anmo nu aha.

MAZMUR 33:19

Ia na momposalamat aha da madi' silaka ka' mompotumuu' aha de tokamo mae na kasusa'an i anu okaan.

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.