ESTER 6:11 - KITAB NU TUMPU ALLA LELE MA'IMAI'

¹¹ Lantas i Haman nongalamo baju' ka' kuda aijo' ka' pinopusoknyomo hi Mordekhai. Salatan i Mordekhai nonsake'imo ajahan aijo' pinolondemo i Haman nontulu lapangan i uno nu kota' ka' lewa' ilobo'akonnyo, “Potoakon, sumo aiya na tomundo mongangga'i mian anu nu holomati i tomundo!”

ESTER 6:11 ပူးပေါင်းရင်းမြစ်များ

EZRA 6:13

Palentah i Tomundo Darius aijo' binau i Tatnai ma'i-ma'ima', salaku gubernur Efrat sasu Kinsoban, tiba to sanga-sangalunyo i Syetar-Boznai.

ESTER 6:10

Lantas notataemo na i tomundo' hi Haman, “Palia-lia', ala mae na baju' ka' ajahan aijo' ka' bee' na apa-apaa anu bau pohomati i Mordekhai, mian nu Yahudi aijo'. Obau susumo anu tinaloakonumo u'uka, madi' timbali sa'angu' na madi' obau. Ia nu tokai kiijo' suha-suhang i ahop nu sabatan i laigan nu tomundo.”

ESTER 6:12

Lapas aijo' i Mordekhai po'ule'mo ninsusule' i sabatan daka' i laigan nu tomundo. Panyo i Haman sampamo ninsusule'. Ia madi'mo mongka'oho' nutoa nu mian, kalana ia na'ambangmo hondo sahingga kinukumbungannyomo na ohupnyo.

ESTER 8:15

Lapas aijo' i Mordekhai nompala'imo laigan nu tomundo puso-pusok na baju' pesalin buhitnyo mobilu' ka' mopute', jubah mingkamumu' hude lenan ma'ima' hondo ka' songko' mosoni' nu kalaja'an anu ma'ima' hondo. Kota Susan nontaligalaimo kalana ilame'mo.

ESTER 9:3

Pakalaus iwi-iwi' na to mia-mian anu matangkas na pangkatnyo i propinsi, to gubernur-gubernur, to kapa-kapala da'erah, ka' anu ko pangkatnyo i kalaja'an nonsangaja'imo mian nu Yahudi kalana iwi-iwi' nabuhukmo hi Mordekhai.

AMSAL 27:18

Ihe na mongkalesang kau' saidi 'mae mongkaan bua'nyo, Posaihon ohalagai de monsumbu' mongala kinyonyoa nu tuannyo.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

LUKAS 1:52

To Tomu-tomundo tinauhakon-Nyo na pangkatnyo ka' mian loloison i hangkatakon.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.