ESTER 5:14 - KITAB NU TUMPU ALLA LELE MA'IMAI'

¹⁴ Nohongo potatae aijo' bengkele'nyo ka' iwi-iwi' na to sanga-sangalunyo nombee'imo pikilan sumo uuka, “Pokaumo na mian mombau ohi' tangka-tangkas uampulu' ka' ohua' na meten. Lantas dodop subu-subu pomoitamo kaloasan hi tomundo da opokalayo'mo na i Mordekhai i ohi' aijo'. Tiba jalan anu sumo aijo' sanangmo na kinyonyoa nu beleyum mamba mongkaan.” Pikilan anu binee' nu aha aijo' ma'ima' hondo na tinutugan i Haman, kalana aijo' i sampamo nokibau ohi' bau pompokalayo'an aijo'.

ESTER 5:14 ပူးပေါင်းရင်းမြစ်များ

2 SAMUEL 16:21

Tinaaman i Ahitofel, “Lako' hi ambahue' nu tuuma nu belento Tuanku haha kiijo' anu jinojoong mae nonjagai laigan nu tomundo' ka' poduhusmo hi aha. Da nusumbu' nu aha mian Israel iwi-iwi' na palabuatan nu belento Tuanku, sahingga belento Tuanku o'anggapmo sampo bali' nu tuuma nu belento Tuanku. Sahingga iwi-iwi' na aha anu monsagalui belento Tuanku lebemo baani.”

1 TOMU-TOMUNDO' 21:25

Madi' toho' ko mian anu totu-totu'umo na kinyonyoanyo mombau anu ma'idek i mata nu Tumpu susumo anu binaumo i Ahab. Iwi-iwi' na anu ma'idek aijo' bibinaunyomo aijo' pokinde' i Izebel bengkele'nyo.

1 TOMU-TOMUNDO' 21:7

“Beleyum tomundo' nu Israel!” na pinontaami i Izebel. “Pobulamo ka' pongkaanmo. Posanangmo na kinyonyoa nu beleyum kalana ku bee'mo na ale' nu anggur i Nabot aijo' hi beleyum!”

ESTER 6:4

Lantas notataemo na i tomundo, “Ihe na anu ko pangkatnyo mokalaja hi belengku anu kiijo' i laigan nu tomundo uuka aiya?” I Haman sala'je ninsoop i popasan nu laigan i tomundo; ia ko kahanda' momoita kaloasan hi tomundo' da opokalayo'mo na i Mordekhai i ohi' anu pinotinjomo aijo'.

MAZMUR 37:14

Mian anu ma'idek na kinyonyoanyo mongkeatmo bajaknyo ka' mompeletakonmo pana'nyo da opateimo na mian anu kasiasi ka' anu kantumuu'annyo sansala, da okolotmo na mian anu kantumuu'annyo ma'ima.

MAZMUR 37:32

Mian anu ma'ima' na kinyonyoanyo saja' nu doyoni nu mian anu ma'idek na kinyonyoanyo anu moliomo kasampatan da mompateimo ia.

MAZMUR 9:15

da ku puji' na Belento i ahop nu mian anu jojoong i Yerusalem. Aku montaligalaimo kalana lame'mo kalana Belento nomposalamatmo aku.

AMSAL 1:18

panyo to mia-mian anu ma'idek na kinyo nyoanyo aijo' ola ahi' mompokona bihan da posi butong nu aha na nukona – bihan anu monsilakai aha.

AMSAL 4:16

Mian anu ma'idek na kinyonyoanyo madi' to hoyot de ma'isa pe'e aha mombau anu ma'idek. Aha madi' matatundu' de ma'isa monsilakai mian sangga'at.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

ROMA 3:15

Langkas nu aha malia'mo, de kahanda'mo monsakisa ka' mompatei mian.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.