ESTER 5:11 - KITAB NU TUMPU ALLA LELE MA'IMAI'

¹¹ Lantas i Haman nolabi-labimo na notatae hi aha ka' nontakabunakonmo kakaya'annyo, konjoo'nyo nu to ana-anaknyo to momo'ane, pangkatnyo anu daka', anu binee' i tomundo, ka' mule' pangkatnyo anu matangkas aijo' anu molingkudui anu ko pangkatnyo sangga'at.

ESTER 5:11 ပူးပေါင်းရင်းမြစ်များ

KAJADIAN 31:1

I Yakub nohongomo to ana-anak i Laban nontaloakonmo sumo uuka, “I Yakub nongalamo iwi-iwi' halata' nu tuumanto. Iwi-iwi' na kakayannyo nolengkat mae i halata' nu tuumanto.”

ESTER 1:4

Inganom na bitu'on na kinopinnyo na i tomundo' lewa' nompotoa kakaya'annyo anu kiijo' ilaigan nu tomundo' ka' mule' ko ima'nyo ka' mule' katalasanggoan nu kalaja'annyo.

ESTER 3:1

Madi' pinin ilapas na aijo', i Tomundo Ahasyweros nohangkatmo samian sanggonyo i Haman binau perdana mantri. I Haman anak i Hamedata lee' mae i Agag.

ESTER 8:15

Lapas aijo' i Mordekhai nompala'imo laigan nu tomundo puso-pusok na baju' pesalin buhitnyo mobilu' ka' mopute', jubah mingkamumu' hude lenan ma'ima' hondo ka' songko' mosoni' nu kalaja'an anu ma'ima' hondo. Kota Susan nontaligalaimo kalana ilame'mo.

MAZMUR 49:6

Aku madi' mabuhuk de nu tokaimo mae nu kasusa'an, kabai de aku nu tumbuhimo mae nu sampobali' anu ma'idek.

MAZMUR 49:7

Aha aijo' talalo ahi' montakabunakon kakaya'an nu aha ka' mombuulakon halata' nu aha.

MAZMUR 52:9

“Aijo'mo na mian anu madi' mihohung' hi Tumpu, panyo montaha'imani kakaya'annyo anu nanjoo'mo hondo ka' moliomo kasangan ibalang anu sola' ingagoannyo hi mian.”

YESAYA 10:8

Ia nombuulakonmo butongnyo, ka' notatae, “To tale-talenga'ku ka to tomu-tomundo'!

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

MARKUS 10:24

Anu saja' mombatuki Ia, binangang na nohongo potatae i Yesus aijo'. Panyo i Yesus notatae mule', “To ana-anaku, memang susa' na timbali minsoop mian anu palesayamo hi Tumpu!

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.