ESTER 4:16 - KITAB NU TUMPU ALLA LELE MA'IMAI'

¹⁶ “Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

ESTER 4:16 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

KAJADIAN 43:14

O amalakon da Tumpu Allah Anu Daka'hondo na kuasanyo mompotimbali gubernur itina' molibos hi belemiu sahingga ia mongka'oho' monsule'akon mae i Benyamin ka' i Simeon hi belemiu. Mongkona aku aiya, de aku memang madi'mo ahi' ko to ana-anakku yo bemanau'.”

2 SAMUEL 10:12

Pohoson na kinyonyoa ima-ima'! Imbo' babaani mae na kita mahampate montinjohakon bansanto tiba to kota-kota' nu Tumpu Allah. O'amalakon da Tumpu mombaumo apa-apaa na anu nu kahanda'i.”

2 TOMU-TOMUNDO' 7:4

De kita minsoopmo mokiijo' i kota' kita silakamo nu ohop; ka' de kita lewa' jojoong i aiya, kita suele silakamo. Sahanyo kita mamba mokiijo' i kemah nu mian Siria. De aha tahahumo pusa, kita nupatei nu aha. Panyo ihe na monsumbu' kita madi' opoposia.”

2 TAWARIKH 20:3

I Yosafat nabuhukmo lantas ia binalado'amo nompoita pokinde' hi Tumpu. Lapas aijo' pinalentahkonnyomo da iwi-iwi' na mian da'isan bapuasa'.

EZRA 8:21

Lantas i sohipi' nu Kaunyo Ahawa aijo' pinoto'ingkumo tukoongku iwi-iwi' tionyo ahi' bapuasa' ka' mangaku kasala'an hi Tumpu Allah. Kami binalado'amo da kami nujagai nu Tumpu hau-haunyo lumajang aijo', ka' montoa mae kami, to ana-anak mami ka' apa-apaa na anu mami.

ESTER 4:15

Sahingga pinolelemo i Ester hi Mordekhai sumo uuka,

ESTER 4:17

Lantas nambamo na i Mordekhai ka' binaunyomo apaa na anu pinotunnyomo mae i Ester hi ia.

ESTER 4:3

Ka' suele i songko-songko na propinsi, to mia-mian nu Yahudi sinusa'mo ka' lewa'mo i humang salatan ihongomo nu aha na anu binebakonmo i tomundo. Aha binapuasa'mo lewa'mo i humang ka' notusa'mo, ka' mule' manjoo'na aha nompusokmo hude kalung ka' lewa'mo nale' i abu'.

ESTER 5:1

I sinaa kino itolunnyomo na ia binapuasa', i Ester po'ule'mo nompusok baju'nyo salaku bengkele' nu tomundo lantas nambamo nokiijo' tinuminjo i popasan nu laigan nu tomundo i ahop nusabatan anu lewa' kasuhangan i tomundo. I Tomundo tempo'nyo aitu aijo' suha-suhang i kasuhangan nu tomundo mongahopi sabatan aijo'.

ESTER 9:31

Sulat aijo' suele mongkakeha'akon da aha ka' lee' nu aha saja' molame'akon sinaa monginau' Purim kona i tempo'nyo hondo-hondo madi' timbali sala', susumo aha lewa' molame'akon puasa' ka' lewa'mo mombau adat nu tomate. Aijo'mo na isinyo nu sulat i Mordekhai ka' i Ester Bengkele' i tomundo.

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

YEREMIA 36:9

Ibitu'on kino osio'nyomo ka' itaun kino olima'nyomo na i Yoyakim tomundo' nu Yehuda nompalentah mian da'isan binapuasa'mo da nu Kanonongi mae nu Tumpu. Mian anu jojoong i Yerusalem tiba aha to mia-mian anu tinokamo lengkat mae ikota-kota' Yehuda, iwi-iwi' binapuasa'mo.

DANIEL 2:18

Pinokaunyomo na aha da balado'a hi Tumpu kiita i suluga da Ia ko kalibosan mae hi aha ka nompotukamo lahasia nu ipion aijo'. Tiba jalan aijo' aha madi' ohukum mate hingga-hinggat tiba anu to pande-pande sangga'at.

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

LUKAS 9:24

Kalana mian anu monggagan mompintoongi kantumuu'annyo, tionyo molapus na kantumuu'annyo. Panyo mian anu mombee' kantumuu'an bau kapalaluan-Ku, aijo' na momposalamat ia.

YOHANES 19:22

Panyo i Pilatus nontaami, “Anu tinuliskumo, tataap o potulis.”

SISIKON NU TO RASUL-RASUL 10:7

Salatan nambamo na malaikat anu bina-binasisik ka' i Kornelius aijo', i Kornelius nolaga ua'aha na mian posaihonnyo i uno nu laigan ka' samian na suludadu anu saja' monsangalui ia ka' pa'agama.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 21:13

Panyo tinaamannyo, “Apaa na gunanyo kita Utus humaang sumo aiya sahingga monsaduakon kinyonyoangku ma'idekan? Aku noko sadiamo misa' ola da o hakop i kiijo' mae, panyo maumo o patei pe'e kalana i Tumpu Yesus.”

SISIKON NU TO RASUL-RASUL 27:33

Tempo'nyo ma'isa pe'e binete' na sinaa, i Paulus nompoto'imo da aha iwi-iwi' mongkaanmo. I Paulus notatae, “Sampulu'mo ka' opat na sinaa na kopinnyo kita Utus iwi-iwi' ola saja' jinojoong i uno nu buhuk, ka' madi' nongkaan apa-apaa.

SISIKON NU TO RASUL-RASUL 9:9

Tinolun sinaa na kopinnyo ia madi'mo daagi' noko ala nontoa ka' sapinnyo aijo' ia madi'mo toho' nongkaan kabai monginum.

ROMA 16:4

Aha kiniboli' sinilakamo kalana mongka'oho' momposalamat aku. Aku montalima kaseh hi aha – ka' misa' ola aku, panyo iwi-iwi' na jama'at bansa sangga'at anu misa' Yahudi suele montalima kaseh hi aha.

FILIPI 2:30

Bau kapalaluan nu kalaja i Kristus, ia kiniboli' sinilakamo; ia nombatoniakonmo nyawanyo bakasmo da silaka asan montulungi aku salaku mowakini mae komiu.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

1 SAMUEL 19:5

Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”