ESTER 4:14 - KITAB NU TUMPU ALLA LELE MA'IMAI'

¹⁴ Mian nu Yahudi tionyo ahi ko anu montulungi maumo pa' oposia sahingga madi' osilakai. Panyo de beleyum ola momohokot i han anu susumo aiya, beleyum saidi' mae silaka ka' mule' utus mae nu tuuma nu beleyum madi'mo daagi' ko tuusanannyo. Ihe na monsumbu' i hahan susumo aiya sahingga beleyum pinile'anmo binau bengkele' nu tomundo!”

ESTER 4:14 ပူးပေါင်းရင်းမြစ်များ

KAJADIAN 22:14

I Abraham nonsanggohimo tampat aijo', “Tumpu nontoukaimo anu opalalui.” Ka' sampe uuka aiya mian montaloakonmo, “Aita' i bungkutnyo nu Tumpu, Tumpu nontoukaimo anu opalalui.”

2 TOMU-TOMUNDO' 13:5

Tumpu nombe'imo samian anu bau molaya' hi aha mian nu Israel anu molapasakon aha i kakuasa'an nu Siria sahingga aha tumuu' madi'mo ko anu mompoposia susumo u'utu mae.

2 TOMU-TOMUNDO' 19:3

Sumo uuka na potuunon i Hizkia anu pinotoka nu aha hi Yesaya. “Sinaa uuka aiya sinaa nu mian susa'; kita aiya i hukumo ka' ingambanganmo. Kita aiya sumomo boune anu kahanda'mo mompohampe anak panyo butongnyo i lundengmo.

EZRA 9:9

Tempo'nyo kami daagi' binotuanan, belento madi' nompojohok kami. Belentomo na nontulungi kami da kinalibosanmo nu to tomu-tomundo Persia ka' pinobee'mo tumuu' ka' po'ule'mo mombau Laigan nu belento anu ohunyo na daagi' aijo'. Belento nonjagaimo kami aiya i Yehuda ka' i Yerusalem.

NEHEMIA 6:11

Panyo tinaamanku, “Aku aiya misa' mian anu mongka'oho' mopalai. Salaku mian anu madi' ko pangkatnyo i Laigan nu Tumpu madi' timbali minsoop, boli-boli aku silaka. Madi', aku madi' mongka'oho'!”

ESTER 2:15

Jadi tinokamo na gililan i Ester mangadap hi tomundo. – i Ester anak i Abihael ka' mototominsan tiba i Mordekhai anu nohangkatmo salaku posi anaknyomo; i Ester nukabangangi hondo nu mian anu montoa ia. Tempo'nyo ia nambamo nangadap hi tomundo, i Ester nompusok baju' susumo anu pinoto'imo i Hagai anu mongkapalai laigan nu tomundo anu kajojoongan nu to bou-boune.

ESTER 2:17

I Ester nomposanangmo hondo kinyonyoa ka' nompolame'mo hondo i tomundo, ilingkuduannyomo na to lalangkoyang sangga'at. Mokonyo aijo' talalo hondo nuka'ima'i i tomundo na ia. Sahingga pinosongko'mo i tomundo na songko' nu kalaja'an hi Ester ka' pinotimbalinyomo na ia Bengkele' nu tomundo nombolosakon i Wasti.

ESTER 2:7

Ia daagi' ko tominsan, samian na langkoyang anu handa hondo ka' matimpo hondo na butongnyo, sanggonyo i Ester, panyo ponsangohi nu aha Ibrani i Hadasa. Tuuma ka' tinanyo i lantengmo lantas ia i hangkatmo binau anak i Mordekhai ka' pinotuu'nyomo susumo anaknyomo ahi'.

ESTER 4:13

Jadi i Mordekhai nompotuunmo pokinde' sumo uuka hi Ester, “Boli taha'iman na beleyum ugaat madi' opoposia, pa' ola ahi' mian nu Yahudi sangga'at, kalana beleyum jojoong i laigan nu tomundo!

ESTER 4:15

Sahingga pinolelemo i Ester hi Mordekhai sumo uuka,

AYUB 9:18

Madi'mo pinobee'-Nyo na aku ningkinyonyoa maumo ola sangkinihap, ka' mule' pinaka tuangan-Nyomo na aku nu kasansala'an anu talalomo hondo.

ANU MOMPOLELE POTATAE NU TUMPU 3:7

tempo'nyo da mombeak, ka' tempo'nyo mongka'ut, tempo'nyo ola momohokot, ka' tempo'nyo motatae.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YEREMIA 30:11

Aku tokamo mae ka' belemiu Ku posalamatmo. Bansa-bansa, tampat pinongga'a-ga'atakonan-Ku belemiu iwi-iwi' Ku silakaimo, panyo belemiu na madi' ahi' Ku bau sumo aijo'. Memang belemiu madi' ahi' bebas ihukuman panyo hukuman anu Ku bee' hi belemiu na adin ahi' sosok tiba anu sahondo-hondonyo. Aku, Tumpu notataemo.”

YEREMIA 46:28

Jadi bolimo daagi' mabuhuk, o mian anu palesayamo hi beleng-Ku Aku tokamo mae momposalamat belemiu. To bansa-bansa, tampat pipinongga'a-gaa'takonan-Kumo belemiu iwi-iwi' Ku silakaimo, panyo belemiu na madi' ahi' sumo aijo'. Memang belemiu madi' ahi' bebas ihukuman panyo hukuman-Ku anu onabu'akon hi belemiu na adin ahi' madi' mompahasala' tiba anu tinantukanmo. Aku, Tumpu, notataemo.”

IMAMAT 26:42

Ku inau'mo na palajanjian-Ku hi Yakub, hi Ishak ka' hi Abraham. Aku po'ule'mo mongkobu'oui palajanjian-Ku, aijo'mo mombee'i tano' aijo' hi bansang-Ku.

MATIUS 16:18

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

MATIUS 24:22

De Tumpu madi' mompokodo' tempo'nyo; saba' madi' ko samian pe'e anu salamat. Panyo kalana mian, anu palesayamo hi Ia Tumpu, nompokodo'mo tempo'nyo aijo'.

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

TO MIA-MIAN KOPIAN 15:6

Aha mian nu Filistin nambamo noleleki pa' ihe na nombau han aijo'. Lantas pinoto'imo nu mian hi aha tukoonyo i Simson na nombau, kalana moniannyo kiijo' i Timna nombee'mo bengkele' i Simson hi samian na sangalu i Simson. Kalana aijo' pinapuanmo nu aha mian nu Filistin na boune aijo' tiba aha salaigan nu tuumanyo sampe i ningkot.

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.

1 SAMUEL 17:29

Tinaaman i Daud, “Apaa na kasala'anku? Aku ola mompokilawa!”