ESTER 4:11 - KITAB NU TUMPU ALLA LELE MA'IMAI'

¹¹ “Batu-batu mian pa' mo'ane kabai boune kalu madi' olaga mangadap hi tomundo, lantas sainto-tolo mangadapmo, saba' i popasan nu laigan i tomundo, mohumpakmo hukuman opatei. Aijo' na atulannyo, ka' iwi-iwi' na mian lengkat pe'e hi mian anu lewa' mompokinde'i i tomundo toka-toka hi mian da'isan anu kiijo' mae i to propinsi-propinsi, nonsumbu'mo han aijo'. Ola sa'angu' na jalan na madi' mohumpak hukuman aijo' anu i uno nu atulan aijo', aijo'mo de bisuannyo i tomundo mompotajumo tokonnyo mosoni' mokiijo' hi mian aijo'. De aijo' na jadi yo ia tumuu'. Panyo sambitu'onmo uuka aiya aku madi'mo toho' ilaga i tomundo.”

ESTER 4:11 ပူးပေါင်းရင်းမြစ်များ

ESTER 1:19

Kalana aitu, opoita mami da belento Tomundo sampa mongala kaputusan mongkona i Wasti Bengkele' nu Belento Tomundo. Kaputusan aijo' opotimbalimo atulan nu Persia ka' Media da madi'mo timbali obali'i. Lapas aijo' bee'mo na pangkat hi Wasti salaku bengkele' nu Belento hi boune sangga'at anu lebe ma'ima' nakinyonyoanyo molingkudui ia.

ESTER 2:14

Ia oboa hi i laigan kajo-kajojoongan i tomundo' de pihimo, ka' dodop ia oboamo i laigan sangga'at nu tomundo ka' nu palakaimo i Saasgas, mian anu binee'anmo kalaja samata-mata mompalakai to amba-ambahue' nu tomundo. Langkoyang aijo' madi'mo po'ule' mangadap hi tomundo, ia po'ule'je mangadap de kahanda'mo nulaga i tomundo ka' nusanggomo na sanggonyo.

ESTER 4:10

Panyo i Ester po'ule' mule' nonsai ia namba hi Mordekhai ka' nompotuun sumo uuka,

ESTER 4:12

Lantas pinoto'imo i Hatah hi Mordekhai na potuunon i Ester aijo'.

ESTER 6:4

Lantas notataemo na i tomundo, “Ihe na anu ko pangkatnyo mokalaja hi belengku anu kiijo' i laigan nu tomundo uuka aiya?” I Haman sala'je ninsoop i popasan nu laigan i tomundo; ia ko kahanda' momoita kaloasan hi tomundo' da opokalayo'mo na i Mordekhai i ohi' anu pinotinjomo aijo'.

ESTER 8:4

Tinangkakonmo i tomundo na tokonnyo moso-mosoni' aijo' nokiijo' hi Ester, lantas tinuminjomo na i Ester ka' notatae,

DANIEL 2:9

da mohukumo belemiu iwi-iwi' tiba jalan anu pokakana de belemiu madi' moko ala mompoto'i mae ipion aijo' hi belengku. Belemiu nosangaja'mo da saja' moleko'i ka' monggule-gule mae aku, osangka nu belemiu saba' aku timbali mongabali' katantuanku, Soba poto'imo mae na ipion aijo' sahingga kusumbu' talu' belemiu moko ala ahi' montalangkan alati'nyo.”

1 PETRUS 3:7

Ka' komiu mule' suele to langka-langkai' nu mian, tionyo ahi' tumuu' mangalati' totu-totu'u hi bengkele' miu, ka' sinsumbu' saba' aha atina' mian anu madi' mahoson, o adati na mongatun aha, kalana aha mohingga-hinggat tiba belemiu montalimaje balakat kantumuu'an anu mingkaliangan lengkat mae hi Tumpu. Obau na aiya, da belemiu timbali balado'a.