ESTER 3:15 - KITAB NU TUMPU ALLA LELE MA'IMAI'

¹⁵ To paka pokauhon sampamo namba nomboa sulat haha aijo' hi to pro-propinsi nu kalaja'an. Ka' mule' pinalentahmo i tomundo, da palentah aijo' obebakonmo suele i Susan, puso nu kota Persia. Ilapas na aijo' i tomundo ka' i Haman lewa'mo kinosusuhang ka' lewa'mo binatawa' nu anggur, panyo kota' Susan ginago'mo kalana lele anu ihongomo nu aha aijo'.

ESTER 3:15 ပူးပေါင်းရင်းမြစ်များ

KAJADIAN 37:25

Tempo'nyo aha hau-haunyo mongkaan, monti-montiik tinoa nu aha to mia-mian nu Ismael anu badagang hau-haunyo mamba lengkat mae i Gilead mokiijo'mo i Mesir. To unta-unta nu aha ko sake'nyo to lampa-lampa ka' kismis.

1 TOMU-TOMUNDO' 14:27

Ka' salaku binau pombolosi i Tomundo' Rehabeam noki baumo to kanta-kanta tambaga ka' pinoki jagannyomo hi to sulu-suludadu anu monjagai sabatan daka' laigan nu tomundo'.

ESTER 1:10

I sinaa kino ipitunnyomo, i tomundo lewa'mo binatawa' sahingga ingoa'annyo i lame'mo hondo. Kalana aitu ilaganyomo na aha popitu' anu ko pangkatnyo da samata-mata momposadia ka' mongulus ia; aha aijo'mo i Mehunam, i Bizta, i Harbono, i Bigta, i Abagta, i Zetar, ka' i Karkas.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

ESTER 8:15

Lapas aijo' i Mordekhai nompala'imo laigan nu tomundo puso-pusok na baju' pesalin buhitnyo mobilu' ka' mopute', jubah mingkamumu' hude lenan ma'ima' hondo ka' songko' mosoni' nu kalaja'an anu ma'ima' hondo. Kota Susan nontaligalaimo kalana ilame'mo.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

AMSAL 1:16

Aha madi' moko ala momohokot de ma'isa mombau anu ma'idek. Aha ko tanga'an da sampamo mompatei.

AMSAL 29:2

De bisuannyo mian anu adin na mompalentah, mian da'isan bilahimo. Panyo de bisuannyo mian anu ma'idek na kinyonyoanyo na balakuasa, mian da'isan monta'up kasansala'an.

AMSAL 31:4

Inau' na i Lemuel! Monginum anggur ka' kinatageanmo monginum anu moko palangu, madi'mo pantas na timbali anu balakuasa.

AMSAL 4:16

Mian anu ma'idek na kinyonyoanyo madi' to hoyot de ma'isa pe'e aha mombau anu ma'idek. Aha madi' matatundu' de ma'isa monsilakai mian sangga'at.

HOSEA 7:5

Sinaa pombauanmo bau-bauon i tomundo' tiba to paga-pagawenyo pino inumanmo nu aha anggur sampe aha nalangumo, ka' nombaumo hahan anu ponga'. Ahennyo i tomundo' aijo' binalasanangmo tiba to mia-mian anu palalente.

AMOS 6:6

Belemiu monginum anggur i galas anu ingisian buke-buke' ka' belemiu mompake minya-minya' anu manohong, panyo belemiu madi' molibos na kinyonyoa i kahansunan nu Israel.

YOHANES 16:20

Palesayamo, komiu humaangje ka' montando'i, panyo dunia ola lame'. Komiu susa' na kinyonyoa, panyo kasusa'anum aijo' timbalije kalame'an.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.