ESTER 3:11 - KITAB NU TUMPU ALLA LELE MA'IMAI'

¹¹ I tomundo' notataemo hi ia, “Bansa aijo' ka' suele doinyo ku bee'mo hi beleyum. Baumo pa'apaa na anu nu oa'i ma'ima' hi aha.”

ESTER 3:11 ပူးပေါင်းရင်းမြစ်များ

ESTER 3:10

Nohongo lele aijo', ingulatakonmo i tomundo aijo' i kangkam nu limanyo na sinsing bau ponsap sulat anu obebakon da opalesaya nu mian, lantas binee'nyomo hi Haman anu monsampobali' hondo bansa Yahudi.

ESTER 3:12

Jadi kinona i tanggan sampulu'mo ka' totolu' bitu'onnyo anu momona, ilagamo i Haman na to gulu-gulutulis i tomundo. Aha pinalentahnyomo montulis sulat susumo koonyo nu palentah i tomundo, lantas sulat aijo' po'ule' tinulis i basa' nu bansa iwi-iwi' anu nusumbu' nu to bansa-bansa sangga'at anu opake bau basisik i kalaja'an aijo'. Sulat aijo' tinulis, nontekengi i Tomundo Ahasyweros ka' sinap nu sisingnyo, lantas pinakatumo lia-lia' namba hi to mia-mian anu balakuasa, hi gubernur, hi to pangka-pangkat anu matangkas na pangkatnyo i songko-songko na propinsi. Isinyo nu sulat aijo', aijo'mo palentah da toka i tanggan kosampulu'nyomo ka' totolu' bitu'on Adar, iwi-iwi' na bansa Yahudi, anu tu'amo kabai anu daagi' to ana-anak, boune kabai to momo'ane opateimo madi' ko ampunnyo, ka' halata' nu aha o'alamo.

MAZMUR 73:7

Kiijo' i uno nu kinyonyoa nu aha tombulokmo maena kalakuan anu ma'idek, aha saja' mompopikilakon tanga'an anu toto ide-idek.

YEREMIA 26:14

Mongkona butongku aiya, memang i unomo nu kakuasa'an nu belemiu da mombaumo maumo ahi' pa' apaa na anu nu kahanda'i nu belemiu.

YEREMIA 40:4

Uuka aiya ku bukaimo na lante' besak aiya da madi'mo opungu na lima nu beleyum ka' ku pobebasmo na beleyum. De beleyum mongka'oho', beleyum timbali mamba i Babel ka' aku sabole-bole mompotuu' beleyum. Panyo de beleyum madi' ahi' mamba yo madi' ahi' mongkuka. Isongko-songko na lipu' aiya beleyum bebas na mamba maumo ahi' pa' moya na nu ka'ima'i.”

LUKAS 23:25

ka' nolapasakon mian anu pinoita nu aha, aijo'mo mian anu tinalungku' kalana nangamu' ka' nompatei. Lapas aijo' i Yesus binee'nyomo hi aha, da nubau nu aha yayamo pongka'oho' nu aha.