ESTER 2:23 - KITAB NU TUMPU ALLA LELE MA'IMAI'

²³ Palakala aijo' pinalesamo, ka' inyata'mo taalu' memang totu'umo ahi' apaa na anu pinoto'imo aijo'. Ua-ua'aha na mian aijo' binee'anmo hukuman pinokalaya'. Apaa na anu jinadimo aijo' tinulismo i kitab sisikon nu kalaja'an, susumo apaa na anu pinalentahkonmo i tomundo.

ESTER 2:23 ပူးပေါင်းရင်းမြစ်များ

KAJADIAN 40:19

Daagi' tolun sinaa aiya i tomundo mompalentahmo mian mompolo ubak nu beleyum lantas mompokalayo'mo bangk'e nu beleyum i sa'angu' na ohi', ka' to tomo-tomonsi' tokamo mae montoluki antok nu beleyum.”

KAJADIAN 40:22

Panyo anu mongkalesang roti i hukumo pinatean. Iwi-iwi' aijo' tinimbalimo susumo anu tinaloakonmo i Yusuf.

EZRA 4:15

da opalentah nu belento Tomundo soba otoa i daputan na sanggo nu to mia-mian anu kiijo' tuli-tulis naipuan pe'e mae aijo'mo mompolee' nu belento Tomundo. I kiijo'je na belento Tomundo monsumbu' taalu' kota' Yerusalem memang saja' mombau ka'idekan hi pamalentah ka' naipuan pe'e mae saja' mompolugi' to tomu-tomundo ka' suele mompolugi' anu mompalentah Propinsi. Mian anu jojoong i kiijo' mahan hondo na opalentah. Mokonyo aijo' kota' aijo' ingideanmo.

ESTER 10:2

Iwi-iwi' na palabuatan anu ingusahakonnyo singka-singkap talasanggo ka' anu okabangangi ka' suele sisikon mosia na ia nohangkatmo i Mordekhai tinimbali pangkat anu matangkas, tinulismo i uno nu kitab sisikon nu to tomu-tomundo' Persia tiba Media.

ESTER 5:14

Nohongo potatae aijo' bengkele'nyo ka' iwi-iwi' na to sanga-sangalunyo nombee'imo pikilan sumo uuka, “Pokaumo na mian mombau ohi' tangka-tangkas uampulu' ka' ohua' na meten. Lantas dodop subu-subu pomoitamo kaloasan hi tomundo da opokalayo'mo na i Mordekhai i ohi' aijo'. Tiba jalan anu sumo aijo' sanangmo na kinyonyoa nu beleyum mamba mongkaan.” Pikilan anu binee' nu aha aijo' ma'ima' hondo na tinutugan i Haman, kalana aijo' i sampamo nokibau ohi' bau pompokalayo'an aijo'.

ESTER 6:1

Pihi-pihi aitu suele i tomundo madi'mo tinohoyot. Kalana aijo' pinokipoitakonnyomo da o'alamo mae na kitab pinontulisan sisikon nu kalaja'an ka' pinalentahnyomo na mian nombasa'akon.

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

MALEAKHI 3:16

Lantas aha to mia-mian anu mongkabuhuk Tumpu notatae hi samian ka' samian. Nu hongo nu Tumpu ka' mule' nu palahatikan apaa na anu nu taloakon nu aha. To mia-mian anu moholomati Ia ka' mule' mongkabuhuk Ia otulismo na sanggo-Nyo, i sa'angu' na kitab anu bau pontulisan anu kiita i ahop-Nyo.

YOSUA 8:29

Tomundo nu kota aijo' sinegot ka' pinokalayo'mo i kau' anu pinototon ka' pinojohokmo ikiijo' sampe mamalom. Salatan sinaa nakakinsapmo, i Yosua nompokaumo mian da mongala bangke'nyo aijo' ka' ingalinmo i ahop nu sabatan daka' nu kota. Lapas mae aijo' tinambulanmo nu batu manjo-manjoo' hondo. Batu haha aijo' daagi' kiijo' sampe tempo' uuka aiya.