ESTER 2:18 - KITAB NU TUMPU ALLA LELE MA'IMAI'

¹⁸ Ilapas na aijo' i tomundo nombau mo bau-bauon anu daka' hondo salaku bau pompopodaka'nyo i Ester ka' nolaga tinaangnyomo na to mia-mian anu pangkat mokalaja ko hi ia ka' to pega-pegawenyo. Binebakonnyomo na sinaa anu madi'mo timbali mokalaja hi songko-songko na kalaja'an ka' nombagi-bagiakonmo palasen manjoo' hondo.

ESTER 2:18 ပူးပေါင်းရင်းမြစ်များ

KAJADIAN 29:22

Lantas i Laban nombaumo bau-bauon po'osoan ka' nongundangmo iwi-iwi' mian i kota aijo'.

NEHEMIA 8:11

Ka' suele mian nu Lewi haha aijo' nompo uli-ulitmo na mongindeke' mian da'isan, “Bolimo susa' na kinyonyoa i sinaa anu tinantukanmo aiya.”

ESTER 1:7

I tomundo' nomposadiamo anggur manjoo' hondo anu tinatuakon i galas mosoni' anu monga-ngahan na buhitnyo.

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

NYANYIAN ANU TALASANGGO 3:11

Posabatmo mae na belemiu to lalangkoyang nu Sion, tonto'i na i Tomundo' Salomo nomposongko'mo makota' anu pinosongko'mo nu tinanyo isinaa pinonika'an ia isinaa ia ilame'mo.

NYANYIAN ANU TALASANGGO 5:1

Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

MATIUS 22:2

tukoo-Nyo, “De Tumpu mompalentah, ka'ada'annyo sumomo kantuang aiya: Samian na tomundo nombau bau-bauon po'osoan nu anak mo'anenyo.

MARKUS 6:21

Ahennyo i Herodias nohumpak tempo' inompolabot sinaa nu kinahampean i Herodes. Tempo'nyo aijo' i Herodes nombau lamean ka' nolaga iwi-iwi' na anu ko pangkat matangkas i kalaja'an, to sulu-suludadu ka' mule' to tu'a-tu'anyo nu mian Galilea.

LUKAS 14:8

“De komiu opaso i bau-bauon po'osoan, boli toka sumuhang i kadela anu o angga'i. Kalana boli-boli daagi' ko samian anu lebe o adati molingkudui beleyum singkona pinaso.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.

ANU PINOTO'I HI YOHANES 19:9

Lantas malaikat aijo' notataemo hi belengku, “O tulis na aiya: ‘Mohumpak ka'ima'an na anu i lagamo mamba i bau-bauon pinonika'an Anak nu Domba aijo'.’ ” Lapas mule' malaikat aijo' nompaka potatae mule', “Aiyamo na lele anu totu'u lengkat mae hi Tumpu.”

1 SAMUEL 25:8

Soba pokilawa hi aha tantu nu pototu'uje nu aha. Kalana aijo' ku kakaase da suludadungku timbali otalima na toka i laigan nu belento boli opoposia kalana kakona i sinaa daka' aiya na kami tinoka mae aiya. Bee'i mae na to posa-posaihon nu belento aiya ka' suele hi belengku, i Daud, sangalu nu belento anu mompahakona hondo tiba belento, yayamo pa' apaa na anu ohalala'akon mae nu belento.”