ESTER 2:17 - KITAB NU TUMPU ALLA LELE MA'IMAI'

¹⁷ I Ester nomposanangmo hondo kinyonyoa ka' nompolame'mo hondo i tomundo, ilingkuduannyomo na to lalangkoyang sangga'at. Mokonyo aijo' talalo hondo nuka'ima'i i tomundo na ia. Sahingga pinosongko'mo i tomundo na songko' nu kalaja'an hi Ester ka' pinotimbalinyomo na ia Bengkele' nu tomundo nombolosakon i Wasti.

ESTER 2:17 ပူးပေါင်းရင်းမြစ်များ

ESTER 1:11

Pinalentahnyo na aha aitu da mamba mompoboa mae i Wasti Bengkele'nyo ka' momposongko' mae songko' nu kalaja'an. Bengkele' nu tomundo aijo' handa hondo, i tomundo kahanda' mompotoa kahandanyo aijo' hi to mia-mian anu kopangkat matangkas ka' hi to mia-mian anu i laganyomo i bau-bauon aijo'.

ESTER 2:16

Sumo aitu mule' i taun ko popitu'nyomo na i Ahasyweros nompalentah kakonamo i bitu'on kino sampulu'nyomo, aijo'mo i bitu'on Tebet. I Ester binoamo nangadap hi Tomundo Ahasyweros kiijo' i laigan nu tomundo kajo-kajojoongannyo.

ESTER 4:14

Mian nu Yahudi tionyo ahi ko anu montulungi maumo pa' oposia sahingga madi' osilakai. Panyo de beleyum ola momohokot i han anu susumo aiya, beleyum saidi' mae silaka ka' mule' utus mae nu tuuma nu beleyum madi'mo daagi' ko tuusanannyo. Ihe na monsumbu' i hahan susumo aiya sahingga beleyum pinile'anmo binau bengkele' nu tomundo!”

AMSAL 21:1

Pokakana susumo Tumpu nongatun uee nukaunyo da mo'ili, montuluti pongka'oho'Nyo, sumo aitu mule' na la mongatun pikilan nu tomundo.

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.