ESTER 2:15 - KITAB NU TUMPU ALLA LELE MA'IMAI'

¹⁵ Jadi tinokamo na gililan i Ester mangadap hi tomundo. – i Ester anak i Abihael ka' mototominsan tiba i Mordekhai anu nohangkatmo salaku posi anaknyomo; i Ester nukabangangi hondo nu mian anu montoa ia. Tempo'nyo ia nambamo nangadap hi tomundo, i Ester nompusok baju' susumo anu pinoto'imo i Hagai anu mongkapalai laigan nu tomundo anu kajojoongan nu to bou-boune.

ESTER 2:15 ပူးပေါင်းရင်းမြစ်များ

ESTER 2:14

Ia oboa hi i laigan kajo-kajojoongan i tomundo' de pihimo, ka' dodop ia oboamo i laigan sangga'at nu tomundo ka' nu palakaimo i Saasgas, mian anu binee'anmo kalaja samata-mata mompalakai to amba-ambahue' nu tomundo. Langkoyang aijo' madi'mo po'ule' mangadap hi tomundo, ia po'ule'je mangadap de kahanda'mo nulaga i tomundo ka' nusanggomo na sanggonyo.

ESTER 2:16

Sumo aitu mule' i taun ko popitu'nyomo na i Ahasyweros nompalentah kakonamo i bitu'on kino sampulu'nyomo, aijo'mo i bitu'on Tebet. I Ester binoamo nangadap hi Tomundo Ahasyweros kiijo' i laigan nu tomundo kajo-kajojoongannyo.

ESTER 2:3

Soba belento Tomundo mohangkat mian anu obee'i kalaja i songko-songko na propinsi nu kalaja'an aiya da molioi to lalangkoyang anu handa hondo lantas nuboa mae nu aha mo'uuka i laigan nu tomundo kajojoongan nu to bou-boune aiya i kota' Susan. I Hagai, anu binee'anmo kalaja samata-mata mongkapalai aha salaigan i tomundo anu kajo-kajojoongan nu to bou-boune; ia mongulus aha ka' lewa' mompalakai da handa.

ESTER 8:1

I sinaamo aijo' suele na i Tomundo Ahasyweros nombee' hi Bengkele'nyo i Ester iwi-iwi na halata' i Haman, sampobali' anu daka' hondo nu aha mian Yahudi. I Ester nompoto'imo hi tomundo tukoonyo i Mordekhai tominsannyo, sahingga lengkat i aitu i Mordekhai binee'anmo hak mangadap hi tomundo mau madi' pilenje olaga.

ESTER 9:29

Ka' mule', hingga-hinggat tiba sulat i Mordekhai; i Ester Bengkele' nu tomundo anak i Abihail nontulismo suele sulat ko ohua'nyo anu lebe mompokeemakon isi nu sulat i Mordekhai mongkona Purim aijo'.

AMSAL 15:33

Mabuhuk hi Tumpu atina'mo na tampu'unannyo nu pangajalan anu ma'ima', panyo madi' kobubuun na kinyonyoa na obau pe'e ahi' momona atina'je ka' kaholomatan.

NYANYIAN ANU TALASANGGO 6:9

Panyo ola ahi' sa'angu' na malapati'ku na anu lewa' ku indi, anak sa'a-sa'angu'nyo anu nu kalibosi hondo nu tinanyo. To lalangkoyang montoa ia ka' mompuji ia, to bengke-bengkele' nu Tomundo' tiba to amba-ambahue' bangang na montoa ia.

NYANYIAN ANU TALASANGGO 8:10

Aku aiya sumomo sa'angu' na pagan mesen, ka' susungku na baumo menaranyo, Sindua'anku nonsumbu'mo saba' hi iamo na aku mohumpak kabilahian.

SISIKON NU TO RASUL-RASUL 7:10

ka' nolapasakonmo ia i iwi-iwi' na kasusa'annyo. Tumpu nombee'imo ia kapandean tempo'nyo ia nangadap hi Firaun tomundo nu Mesir, sahingga i Firaun nompotimbali ia Gubernur i lipu' Mesir ka' nongkuasaimo Laigan Daka' i Firaun.