ESTER 2:14 - KITAB NU TUMPU ALLA LELE MA'IMAI'

¹⁴ Ia oboa hi i laigan kajo-kajojoongan i tomundo' de pihimo, ka' dodop ia oboamo i laigan sangga'at nu tomundo ka' nu palakaimo i Saasgas, mian anu binee'anmo kalaja samata-mata mompalakai to amba-ambahue' nu tomundo. Langkoyang aijo' madi'mo po'ule' mangadap hi tomundo, ia po'ule'je mangadap de kahanda'mo nulaga i tomundo ka' nusanggomo na sanggonyo.

ESTER 2:14 ပူးပေါင်းရင်းမြစ်များ

KAJADIAN 34:19

Sahingga i Sikhem malia-lia' na nongganapi poitaon aijo' kalana ia nongka'ima'imo i Dina. Hi aha iwi-iwi' sampoto utusannyo, i Sikhem-mo na anu talalo opopodaka'.

ESTER 2:13

De ihemo na langkoyang mangadap hi tomundo, ia nompusokmo baju' yayamo baju' anu nu ka'ima'i.

ESTER 2:15

Jadi tinokamo na gililan i Ester mangadap hi tomundo. – i Ester anak i Abihael ka' mototominsan tiba i Mordekhai anu nohangkatmo salaku posi anaknyomo; i Ester nukabangangi hondo nu mian anu montoa ia. Tempo'nyo ia nambamo nangadap hi tomundo, i Ester nompusok baju' susumo anu pinoto'imo i Hagai anu mongkapalai laigan nu tomundo anu kajojoongan nu to bou-boune.

ESTER 4:11

“Batu-batu mian pa' mo'ane kabai boune kalu madi' olaga mangadap hi tomundo, lantas sainto-tolo mangadapmo, saba' i popasan nu laigan i tomundo, mohumpakmo hukuman opatei. Aijo' na atulannyo, ka' iwi-iwi' na mian lengkat pe'e hi mian anu lewa' mompokinde'i i tomundo toka-toka hi mian da'isan anu kiijo' mae i to propinsi-propinsi, nonsumbu'mo han aijo'. Ola sa'angu' na jalan na madi' mohumpak hukuman aijo' anu i uno nu atulan aijo', aijo'mo de bisuannyo i tomundo mompotajumo tokonnyo mosoni' mokiijo' hi mian aijo'. De aijo' na jadi yo ia tumuu'. Panyo sambitu'onmo uuka aiya aku madi'mo toho' ilaga i tomundo.”

YESAYA 43:1

O, Israel sumo uuka na koonyo nu Tumpu, “Akumo na nompotimbali ka' nontali'mo beleyum, boli mabuhuk, beleyum memang Ku posalamatmo! Aku nolagamo beleyum sinanggo na sanggo nu beleyum, beleyum Akumo na tumpu-Nyo.

YESAYA 45:4

Beleyum ilagang-Kumo ka' binee'an-Kumo pangkat, maumo ahi' beleyum madi' nonsumbu' Aku. Binee'an-Kumo pakalaja'an na beleyum da montulungimo Israel posaihon-Ku, kalana aha bansa anu pinile'an-Kumo.

PO'ULE' INGULIT 21:14

De saidi' mae beleyum madi'mo mongka'ima'i ia, beleyum timbali monsai ia mamba yayamo pa' moya na kalambanannyo. Ia madi' timbali nu bau susumo posaihon kabai nu pobalukmo kalana pinakisamo nu beleyum na ia noduhus tiba beleyum.”