EFESUS 6:9 - KITAB NU TUMPU ALLA LELE MA'IMAI'

⁹ To Utu-utus anu tinimbalimo tuan! Tionyo ahi' komiu montiho sumo aijo' suele kona hi to posa-posaihon. Boli talalo masigo. Jaga saba' komiu ka' to posa-posaihon miu haha aijo' hingga-hinggat daagi' ko sa'angu' na bagi tumpuan, aijo'mo Tumpu anu i suluga'. Ia madi' montoa ohup nu mian.

EFESUS 6:9 ပူးပေါင်းရင်းမြစ်များ

NEHEMIA 5:5

Te misa' kami ahi' suele mian nu Yahudi? Te misa' anak mami pokakana ahi' tiba to ana-anak nu Yahudi sangga'at? Maumo sumo aijo' paya' bemanau' kami nompobee'mo ahi' to ana-anak mami binabotuanmo. Ka' mule' daagi'mo ko to ana-anak mami anu toto lalangkoyang pinobalukmo binau botuan. Kami madi'mo moko ala mombau apa-apaa kalana ale' nu sosu'anon mami sangga'at ka' ale' nu anggur pinogademo mami.”

AYUB 34:19

Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

MAZMUR 140:12

Bakas da mian anu talalomo buhingison na mompalentah nutokai mae nu balaa', boli opobee' na mian anu lewa' mompobau-bau jojoong i dunia aiya.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 47:6

Naipuan mae Aku nontambuha'imo mian anu palesayamo hi beleng-Ku, aha madi'mo daagi' Ku anggap Aku na tumpunyo, Lantas aha Ku bee'mo hi beleyum, ka' beleyum madi'mo nongkaliboso aha, ka' mule' to tu'a-tu'anyo pinosansalamo nu beleyum taha-tahahu.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

DANIEL 3:6

Ihehe na madi' montuluti palentah aiya lau-laus olumbu'akon i apu anu hau-haunyo noakmo.”

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 22:10

Saba' to posa-posaihon aijo' nambamo. Aha nokiijo' i jala-jalan anu ewa, lantas nolimu' iwi-iwi' na mian anu kinabot nu aha, anu ma'ima' mau anu ma'idek. Sahingga nobuke' na laigan nu bau-bauon po'osoan aijo' tiba to mia-mian anu i laga.

MATIUS 22:8

Lapas aijo' ia nolaga to poka-pokauhonnyo, lantas notatae, ‘Bau-bauon po'osoan sinadiamo, panyo aha anu i laga madi' pantas.

MATIUS 24:48

Panyo de posaihon aijo' ma'idek, ia motatae i uno nu kinyonyoanyo,

MATIUS 24:51

Saba' posaihon-posaihon aijo' pinahandokeakon totu-totu'u nu tuannyo ka' ingalin nokiijo' i tampat nu to mia-mian anu palangues. Aha humaang ka' mongoa'i sansala i kiijo' mae.”

MATIUS 7:12

O bau na mian sangga'at sumo apaa na anu oka'ima'i nu bau nu aha hi komiu. Aijo'mo na batunyo nu atulan i Musa, ka' pangajalan nu to nabi-nabi.”

LUKAS 6:31

Obau na kalakuan hi mian sangga'at sumo anu oka'ima'i miu, nubau nu aha hi komiu.

YOHANES 13:13

Komiu molaga Aku Gulu' ka' Tumpu. Memang ahi' sumo aijo'.

SISIKON NU TO RASUL-RASUL 10:34

Lantas i Petrus notatae, “Uuka aiya aku totu-totu'u sininsumbu'mo taalu' Tumpu mombau iwi-iwi' mian pokakana.

ROMA 2:11

Kalana Tumpu mompoposia iwi-iwi' mian pokakana.

1 KORINTUS 7:22

Kalana samian na posaihon anu palesayamo hi Tumpu, aijo' mian nu Tumpu anu bebas. Ka' samian anu bebasmo anu palesayamo hi Tumpu, aijo'mo posaihon i Kristus.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

KOLOSE 3:25

Ka' mau mule' ihe na anu mombau kasala'an, tionyo ahi' monsimbu iwi-iwi' na kasala'annyo aijo'; kalana Tumpu madi' mompile'i ohup nu mian.

KOLOSE 4:1

To Utu-utus anu tinimbali tuan! O palentah ahi' adi-adin ka' obau hodi-hodi' na kinyonyoa hi to posa-posaihon miu. Soba tutugi kalana komiu suele daagi' ko samian na tuan i suluga'.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

YAKOBUS 2:8

Komiu nombaumo anu totu'u, de komiu nontulutimo atulan nu Kalaja'an anu tuli-tulis i uno nu ayat nu Kitab nu Tumpu aiya, “Okalibosi na sangko mian, sumo komiu mongkalibosi posi butong miu.”

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.

1 SAMUEL 15:17

I Samuel notataemo, “Te misa' belento Tomundo' tinimbalimo pamalentah hi aha to tulu-tulunan nu bansa Israel maumo ahi' belento Tomundo'mongakui butong nu belento madi' penting? Belento Tomundo' pinile'anmo nu Tumpu da timbali Tomundo hi aha Israel.