EFESUS 6:4 - KITAB NU TUMPU ALLA LELE MA'IMAI'

⁴ To Utu-utus anu timbalimo tuuma! Boli mompoposia to ana-anak miu, sahingga ma'idekanmo na kinyonyoa nu aha. Ola ahi' opidaka'i na aha nu atulan ka' pangajalan nu Tumpu.

EFESUS 6:4 ပူးပေါင်းရင်းမြစ်များ

KOLOSE 3:21

To Utu-utus anu tinimbalimo tuuma! Boli monsakiti kinyonyoa nu to ana-anak miu, sahingga aha maha polibosanmo.

AMSAL 22:6

Pangajali na samian na anak ijala-jalan nu kantumuu'an anu patut hi ia; sahingga de toka'mo na tempo'nyo de ia langkai'mo kabai bengkele'mo kantu-kantumuu'annyo montulutimo sumo aijo.

AMSAL 29:15

Pangajalan pokinde' mompotimbali mian da pande. Anak anu saja' obatukakon hi pongka'oho'nyo saidi' mae mongambangi tinanyo.

AMSAL 19:18

Atun ima-ima' na anak nu beleyum kalana daagi kotempo mongima-imani apa-apaa, de madi', alati'nyo beleyum mongka'ima'imo da ia silakamo.

PO'ULE' INGULIT 6:7

Opogulu'akon hi to ana-anak nu belemiu. Belemiu tionyo ahi' mombisalakon i uno nu laigan, kabai i sambiha'nyo nu laigan, tempo'nyo milawe ka' tempo'nyo mokalaja.

AMSAL 29:17

O'ajan na anak nu beleyum, sahingga ia saidi mae mombee' ka'amanan hi beleyum, ka' timbali momposanang kinyonyoa nu beleyum.

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

PO'ULE' INGULIT 4:9

Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

2 TIMOTIUS 1:5

Aku tonginau' i kapalesaya'anum anu totu-totu'u hi Kristus, pokakana sumo kapalesaya'an nu kele'um i Lois ka' tinaum i Eunike. Ka' kupalesaya hondo-hondo beleyum mule' palesaya sumo aijo'.

AMSAL 22:15

Pantasnyomo na to ana-anak mombau hahan anu madi' totu'u, panyo pondoke moko ala mongajan aha da obabali'i na kalakuan.

1 TAWARIKH 28:20

Lapas aijo' i Tomundo' Daud notatae mule' hi Salomo anaknyo momo'ane, “Beleyum tionyo ahi' totu-totu'u na kinyonyoa ka' baani. Tampuunimo na kalaja ka' boli bata-bata maumo pa'apaa na o ahopi. Tumpu Allah anu ku ku sombah na montulungi beleyum. Ia madi' mompojohok beleyum. Ia saja' montoa kapalaluan nu beleyum sahingga iwi-iwi' na kalaja aijo' timbalimo, ka' madi'mo ko anu obau.

YESAYA 38:19

Ola mian anu daagi' tutuu' na mompuji' Belento, susumo anu kubaumo sinaa aiya. To tu'a-tu'anyo monsisikakon hi to ana-anaknyo kanonongan nu Belento anu taha-tahahumo hondo, o, Tumpu.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

1 TAWARIKH 29:19

Bee'iakon na i Salomo, anaku momo'ane da mongka'ima'i totu-totu'u montuluti iwi-iwi' napalentah nu Belento ka' mombau laigan ponsomban belento Tumpu, kalana posadiaonnyo pinodaagi'kumo.”

EFESUS 6:3

aijo'mo: “Da belemiu monta'up ka'ima'an ka' mantan na umun miu i dunia”.

TO MIA-MIAN KOPIAN 13:12

Lantas pinokilawa i Manoah, “De anu pinoto'i nu belento tuan aijo' saidi' mae jadimo, apaa na anu tionyo ahi' nubau nu anak aijo'? Mosia na kantumuu'annyo saidi' mae?”