EFESUS 5:6 - KITAB NU TUMPU ALLA LELE MA'IMAI'

⁶ Boli komiu nu akali nu to sisi-sisik anu madi' mimbatu. Kalana anu hahan aijo'mo na monsaduakon Tumpu montambuha'i to mia-mian anu madi' tulu-tulutan hi Ia.

EFESUS 5:6 ပူးပေါင်းရင်းမြစ်များ

2 TOMU-TOMUNDO' 18:20

Pa' koyum ola potatae na timbalimo sumomo kapandean ka' kahosonan nu suludadu? Ihemo na nu taha'imani, sahingga beleyum baanimo na mongewa Asyur?

MAZMUR 78:31

Tumpu notambuha'mo ka' nompahampateakonmo aha; pinateannyo na to mia-mian Israel anu ma'isa langkai' ka' bengkele' ka' anu toto babaani.

YEREMIA 27:9

Boli mompotombihing aha to nabi-nabi kabai maumo ahi' pa' ihe na anu montewa belemiu tundu' hi tomundo' Babel, maumo ahi' aha mangaku nontalimamo pokinde' anu pino ipi mae, nu to roh-roh anu madi' otoa-toa, kabai kalana nompakemo kahosonan nu pangatahuan.

YEREMIA 29:31

mompolele mongkona i Semaya hi iwi-iwi' na mian nu Israel anu binoamo i Babel'. Sumo uuka na lele aijo', “I Semaya binasisikmo hi beleyum susumo au' aitu ia samian na nabi; padahan Aku, Tumpu na madi' nompalentah ia. Kalana ia nonsaduakonmo belemiu da pinalesaya i potate anu madi' totu'u,

YEREMIA 37:9

Aku, Tumpu, mompokinde'i belemiu, da boli mongakali posi butong nu belemiu kalana balapikinmo au' aitu aha mian nu Babel nambamo ka' madi'mo daagi' po ule' minsusule' mae. Kalana memang aha tionyo ahi' minsusule' mae.

MIKHA 3:5

Bansaku ingakalanmo nu to nabi-nabi anu lewa'mo nongkila-kilakon, mohumpakmo anu ma'ima' na mian anu lewa' mombee'i doi, panyo mongka'ideki ka' madi'mo mompalahatikan mian anu madi' mombee'i apa-apaa. Aha to nabi-nabi anu susumo aijo' Tumpu notatae,

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 24:4

I Yesus nontaami, “Jaga mae, boli sampe komiu o akali.

MARKUS 13:22

Kalana anu momposalamat bale-baleko' ka' to nabi-nabi baleko' tokamo saidi' mae. Aha mombau palabuatan-palabuatan anu talalo hondo daka', ka' hahan anu okabangangi bau pongakali de timbali, mian nu Tumpu suele.

MARKUS 13:5

“Obala'ingati”, tinaaman i Yesus, “boli sampe komiu nu akali.

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

KOLOSE 2:4

Kupoto'i na aiya, da mau mule' ihe na motatae sumomo gula' hi komiu, komiu madi' nupoko akali nu aha.

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

KOLOSE 3:6

Hahan anu sumo aijo' na monsaduakon tambuha' nu Tumpu kona hi to mia-mian anu madi' montuluti Ia.

2 TESALONIKA 2:3

Mau mule' mosiamo boli mompojohok mian mongakali komiu. Kalana ma'isa pe'e toka na Sinaa aijo', tionyo timbali na han aiya momonanyo: Da'isan na mian anu molalin i kapalesaya'an sangga'at, mompojalomo i Kristus; ka' Mian anu Ma'idek tinantukanmo minsoop i nalaka tokamo mae mompotoa butongnyo.

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

IBRANI 3:19

Uuka aiya sinumbu'tomo, saba' aha madi' timbali minsoop, kalana aha madi' palesaya hi Tumpu.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.