EFESUS 5:5 - KITAB NU TUMPU ALLA LELE MA'IMAI'

⁵ Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

EFESUS 5:5 ပူးပေါင်းရင်းမြစ်များ

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

SISIKON NU TO RASUL-RASUL 20:32

Uuka aiya ku bee'mo na komiu hi Tumpu da Ia na mompotuu' komiu ka' da komiu mintoong i lele nu balakat nu Tumpu Allah. Tumpu ko kuasa da mompohosonakon komiu ka' mombee'i komiu to bala-balakat anu noko posadia-Nyomo hi iwi-iwi' mian anu palesayamo hi Ia.

SISIKON NU TO RASUL-RASUL 8:21

Beleyum madi' ko hak mombatuki pakalaja'an mami, kalana kinyonyoaum madi' totu'u hi Tumpu.

GALATIA 5:19

Anu nu kahanda'i nu sipat nu manusia onyata' i palabuatan masala', pahengas ka' madi' halus obau;

GALATIA 5:21

ka' madi' sanang hi samian, saja' malangu, saja' mombau bau-bauon, ka' sangga-sangga'atnyo. Mongkona iwi-iwi' aijo' ku pokinde'i na komiu uuka aiya susumo aku nompokinde'imo komiu u'utu mae, tukoongku to mia-mian anu nombaumo hahan anu sumo aijo', madi'mo timbali oposoop mian anu palesayamo hi Tumpu.

EFESUS 5:3

Komiu te mian anu palesayamo hi Tumpu. Mokonyo aijo' han masala' ka' anu ma'idek ka' madi' mingkona, kabai mule' mangoa anu madi' pantas hi komiu. Boli sampe mian sangga'at ko pikilan montaloakon tukoonyo komiu mombau hahan anu sumo aijo'.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

YOSUA 7:21

To bala-balang anu ihumpakto nahampate, sala'sa'angu' tinoangku jubah anu ma'ima' hondo, anu kina'ut nu aha Babilonia, ka' suele salaka ku gantang ohua' na kilogram ka' sangkolong na mosoni' mintonga' na kilogram ko labinyo sangkiding. Kinamiluankumo hondo na balang haha aijo', sahingga ingalangkumo ka' pinosulukumo i uno nu tano' kiijo' i kemah-ku; salaka kaiyong i aluknyo hondo-hondo.”

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.