EFESUS 5:4 - KITAB NU TUMPU ALLA LELE MA'IMAI'

⁴ Madi' mule' pantas hi komiu montaloakon potatae anu mahenyu, anu masala' ka' anu madi' mingkona. Ola ahi' komiu maunyo montalima kase hi Tumpu.

EFESUS 5:4 ပူးပေါင်းရင်းမြစ်များ

MAZMUR 33:1

O to mia-mian anu bala iman hondo, pontaligalaimo ka' lame'mo kalana nongoa'imo apaa na anu binaumo nu Tumpu; tionyo ahi' na mian anu madi' tageo' na kinyonyoanyo mompuji-puji' Tumpu.

MAZMUR 92:1

Nyanyian anu onyanyi i sinaa nu Sabat.

AMSAL 12:23

Mian anu pande madi' mombuulakon kapandeannyo; panyo mian anu ponga' mombebakon kaponga'annyo.

AMSAL 15:2

Potatae nu mian anu pande mombau da ilimu' lebe oka'ima'i panyo potaate nu mian anu ponga'isinyo ola ahi kaponga'an.

ANU MOMPOLELE POTATAE NU TUMPU 10:13

Ia montampu'uni motatae nu potatae anu madi' ko alati'nyo, panyo imihinyo mae potataenyo sumomo mian anu ulawon.

DANIEL 6:10

Sahingga i Tomundo' Darius nontekengimo sulat palentah aijo'.

MARKUS 7:22

mahenyu, baleko', mongalu, tiba mombau sangga'at anu to ide-idek, timbali matongot, madi' ko atulan, minsihip, mohang hangka-hangkat butong, ka' madi' opoko ajan.

YOHANES 6:23

Lapas aijo' daagi' ko to pia-piangkuka na duangan lengkat mae i kota Tiberias tinoka nadaduak koko tampat nu mian da'isan aijo' nongkaan roti salatan ilapas na Tumpu nompoita talima kaseh.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

2 KORINTUS 1:11

Opalesaya mami kalana do'a miu hi kami, sahingga Tumpu Allah po'ule' momposalamat kami da boli balaa'. Tumpu mombalakatimo kami salaku pontaami do'a anu nanjo'mo pinondo'akon mae kami, kalana aijo' manjoo' na mian montalima kase hi Tumpu Allah.

2 KORINTUS 9:15

Tionyo ahi' kita montalima kase hi Tumpu kalana anu binee'-Nyomo aijo' madi' ko gampanyo!

EFESUS 1:16

aku madi' ko kamingkotannyo na tolo talima kase hi Tumpu Allah mongkona belemiu. Sanggo miu saja' kusanggo de aku balado'amo.

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

KOLOSE 3:8

Panyo uuka aiya komiu tionyo ahi' mongalinmo hahan anu ma'idek anu daagi' itina' i butong miu: bolimo daagi' pusa, kabai moto idek, kabai kokinyonyoa mongka'ideki mian sangga'at. Boli hondo-hondo mosabat mae atina' i nganga' miu na potatae anu lewa' monguduli, kabai potatae anu mahumimi'.

1 TESALONIKA 3:9

Palias na kodaka'nyo na kami montalima kase hi Tumpu, kalana iwi-iwi' na kalame'an anu ingoa'anmo mami i ahop-Nyo kalana komiu.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.

FILEMON 1:8

Mokonyo aijo', salaku mian anu moto utus anu sa'a-sa'angu' na kapalesaya'an, aku timbali ahi' mompalentah kita Utus da mombau apaa na anu tionyo obau nu kita Utus.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

2 PETRUS 2:7

Panyo i Lot pinosalamat, kalana ia na montuluti pongka'oho' nu Tumpu; ia talalo hondo nongoa'i kasansala'an kalana kalakuan nu to mia-mian anu palaganta.

YUDAS 1:10

Panyo pinompopo'ise' nu mian haha aijo' nongkonamo iwi-iwi' apaa na anu madi' nu sumbu' nu aha. Aha pokakanamo sumo to bina-binatang anu madi' ko pikilannyo, anu ola monsumbu' hahan kalana kabiasa'annyo. Panyo hahan aijo'mo na nonsaduakon aha matemo.

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.