EFESUS 5:3 - KITAB NU TUMPU ALLA LELE MA'IMAI'

³ Komiu te mian anu palesayamo hi Tumpu. Mokonyo aijo' han masala' ka' anu ma'idek ka' madi' mingkona, kabai mule' mangoa anu madi' pantas hi komiu. Boli sampe mian sangga'at ko pikilan montaloakon tukoonyo komiu mombau hahan anu sumo aijo'.

EFESUS 5:3 ပူးပေါင်းရင်းမြစ်များ

MAZMUR 10:3

Mian anu ma'idek na kinyonyoanyo sinombongmo nu tanga'annyo anu ma'i-ma'idek, miana nu mangoa nontotobi'akonmo ka' madi'mo nontalima Tumpu.

MAZMUR 119:36

Balakatiakon mae na aku da ko kahanda' montuluti atulan nu Belento, da boli mule' ko kahanda' lebe penting na timbali kaya.

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

NOSABATMO 23:13

O'intomakon iwi-iwi' apaa na anu tinaloakon-Kumo hi belemiu. Boli monsombah to pilo-pilogot sangga'at, monsanggo pe'e sanggonyo madi' timbali.”

AMSAL 28:16

Anu balakuasa monsansalai mian sangga'at madi' ko pikilan anu ma'ima'; anu balakuasa mongkaddeki anu madi'adin mompalentah motau-taun.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

IMAMAT 15:18

De lapasmo moduhus mau mo'ane kabai boune tionyo ahi' mindii' panyo aha tataap mahumimi' sangkutnyo sinaa makakinsapmo.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

NOMBILANGMO 25:1

Hau-haunyo bansa Israel jinojoongmo i Bangka'nyo nu Sitim, to momo'ane nu aha nasala'mo tiba to bou-boune nu aha Moab anu jojoong ikiijo'.

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

SISIKON NU TO RASUL-RASUL 15:20

Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

SISIKON NU TO RASUL-RASUL 20:33

Ma'isa toho' aku nongkamilui doi kabai pakean lengkat hi toto samian.

ROMA 1:29

Kinyonyoa nu aha nobuke'mo nu anu toto ma'i-ma'idek, anu madi' totu'u; nobuke'mo nu mangoa, kabusikan tiba saja' mongoa'i singgi; nobuke'mo nu kahanda' mompai patei, mahantuda', mongakali tiba mongingu. Aha mongka'ima'i solaa' monsisik mian sangga'at,

ROMA 16:2

Otalima na ia sumo sala' samian anu pinalesayamo hi Tumpu. Memang sumo aijo'mo na to mia-mian anu palesayamo hi Tumpu, tionyo mompaha toa-toa samian ka' samian. Otulungi na ia de ia mompalalui da otulungi miu mae na ia, kalana ia nontulungimo da'isan na mian – ka' suele aku.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

1 KORINTUS 10:8

Kita madi' timbali masala' susumo aijo' anu binau nu sambagian aha. Kalana uampulu' totolu' na madala na mian aijo' hi aha i nate i uno nu sansina kalana nombaumo han aijo'.

1 KORINTUS 5:1

Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!

1 KORINTUS 6:13

Daagi' mule' ko anu notatae tukoonyo, kaanon bau pongisi kompong, ka' kompong pinotouka bau pongisian kaanon. Panyo ohu-ohua' aijo' madi' nutalima nu Tumpu. Butong nu mian madi' timbali opake mombau palabuatan masala', panyo opake bau pohongo-hongo Tumpu. Ka' Tumpu na mompotuu' butong aiya.

1 KORINTUS 6:18

Opimpali na mombau palabuatan masala'. Kalana iwi-iwi' na dosa' sangga'at anu nubau nu mian, obau i sambiha' nu butong nu mian aijo'. Panyo mian anu momba-mombau anu ma'idek sumo-sumomo mombau dosa' i posi butongnyo.

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

EFESUS 5:12

Kalana hahan anu nu nubau nu aha opohowini aijo', mau pe'e ola mombisalakon mongambangimo.)

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

1 TESALONIKA 4:3

Aiyamo na kahanda' nu Tumpu: Da komiu tumuu' samata-mata hi Ia, susi' mati kojo'on hi iwi-iwi' palabuatan masala'.

1 TESALONIKA 4:7

Tumpu nolagamo kita misa' da kita tumuu' masala', panyo da kita tumuu' ihan momposanang kinyonyoa-Nyo.

1 TIMOTIUS 2:10

Panyo, ola ahi' to bouboune mompakei butongnyo nu palabuatan anu ma'ima' sumo anu patut hi boune de mogrejamo hi Tumpu.

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

2 TIMOTIUS 3:2

Mian mosi pentingkanmo butongnyo, me saja' mongkamata doi, kobubuun ka' mongka'ima'i sisik anu madi' kogunanyo. Aha mongka'ima'i mompopo'ise' mian, panggaga hi tuumanyo, madi' monsumbu' montalima kase ka' mongka'ideki hahan rohani.

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

TITUS 1:7

Polaya' nu jama'at atina'mo mian anu mongatun pakalaja'an nu Tumpu, ia madi' timbali ko kasala'annyo. Ia madi' timbali kobubuun kabai saja' pusa, kabai saja' malangu, kabai mongka'ima'i mahantuda', kabai kinyonyoa saja' mompopikilakon doi.

TITUS 2:3

Sumo aitu mule' tionyo ahi' beleyum mompokinde'i to bou-boune anu bengkele'mo da kalakuan nu aha sosok tiba apaa na anu patut hi mian anu tumuu' samata-mata bau kapentingan nu Tumpu. Aha madi' timbali mompitana'i mian sangga'at ka' madi' timbali katagean i inumon anu moko palangu. Aha tionyo ahi' mongajanakon hahan anu ma'ima',

IBRANI 12:16

Obala'ingati da boli ko anu tumuu' lewa' masala' kabai madi' mongangga'i hahan rohani, susumo anu binaumo i Esau. Pinobaluknyomo na haknyo salaku anak tumpe, ola kalana samangko' na anu o kaan.

YOSUA 7:21

To bala-balang anu ihumpakto nahampate, sala'sa'angu' tinoangku jubah anu ma'ima' hondo, anu kina'ut nu aha Babilonia, ka' suele salaka ku gantang ohua' na kilogram ka' sangkolong na mosoni' mintonga' na kilogram ko labinyo sangkiding. Kinamiluankumo hondo na balang haha aijo', sahingga ingalangkumo ka' pinosulukumo i uno nu tano' kiijo' i kemah-ku; salaka kaiyong i aluknyo hondo-hondo.”

1 PETRUS 5:2

da belemiu molaya' tompukan nu domba anu pinalesayakonmo nu Tumpu hi belemiu. Oposanang na kinyonyoa de molaya' aha susumo anu nukahanda'i nu Tumpu, ka' boli maboat na kinyonyoa. Boli mule' belemiu mokalaja kahanda' da mohumpak dale', panyo kalana komiu totu-totu'u mongka'oho' mongkalesang.

2 PETRUS 2:10

utamanyo to mia-mian anu montuluti apaa na anu nu kamilui nu aha, aijo'mo napisu anu mahenyu ka' anu monjojoa kakuasa'an nu Tumpu. Baani ka' takabun hondo na to gulu-gulu' anu madi' totu'u haha aijo' sahingga aha madi' bata-bata na monjojoa Tumpu anu opopodaka' kiita' i suluga'!

2 PETRUS 2:14

Aha madi' ko kapa'osannyo na mombau dosa', ka' anu nu ka'ima'i aha aijo'mo montoa boune anu lewa' masala'. Ka' mian anu sala'je palesaya ka' anu ma'isa talalo palesaya totu-totu'u, nugoda nu aha. Kinyonyoa nu aha inanayamo nu mangoa. Aha to mia-mian anu kinutukanmo!

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

ANU PINOTO'I HI YOHANES 2:14

Mau mule' sumo aitu daagi' ko to pia-piangkuka na han anu madi' Ku ka'ima'i hi belemiu: Daagi' ko sambahagian na mian atina' hi belemiu anu nontulutimo apaa na anu ingajanakonmo i Bileam. I Bileam nompogulu'mo i Balak mosia na monabu'akon mian nu Israel i uno nu dosa'; aijo'mo pagala monsale'i aha mongkaan kaanon anu sinombahkonmo hi pilogot ka' mombau hahan masala'.

ANU PINOTO'I HI YOHANES 2:21

Binee'-Kumo na ia na kasampatan da balatobatmo i to dosa-dosa'nyo, panyo ia madi' mongka'ima'i montibahakon hahan masala' aijo'.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.

ANU PINOTO'I HI YOHANES 9:21

Aha mule' madi' mompala'i to hahan anu ma'idek, aijo'mo lewa' mompatei, to panga-pangatahuan, masala' ka' lewa' montomang.

1 SAMUEL 8:3

Panyo aha madi'mo nontiho kalakuan nu tuuma nu aha, panyo ola molio posi kauntungan nu aha. Aha mongala doi bau pontamboi palakala, ka' mongulus palakala nu mian madi' adin.