EFESUS 5:2 - KITAB NU TUMPU ALLA LELE MA'IMAI'

² Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

EFESUS 5:2 ပူးပေါင်းရင်းမြစ်များ

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

NOSABATMO 29:18

Osombahkon iwi-iwi' na domba lakinyo aijo' i mezbah, salaku koloban anu otunui. Hongohisnyo aijo' momposanangmo kinyonyoang-Ku.

NOSABATMO 29:25

Lantas ala na roti aijo' hi aha ka' potunu i mezbah, potudu aita i koloban anu otunui aijo'. Hongohisnyo nu koloban haha aijo' momposanangmo kinyonyoang-Ku.

IMAMAT 1:13

Lantas mian aijo' tionyo ahi' mombaso'i isi nu kompongnyo ka' pa'a nu binatang aijo'. Lapas aijo' imam tionyo ahi' monsombahkonmo iwi-iwi' hi Tumpu ka' mompotunu aijo' i mezbah. Hongohisnyo nu koloban anu pinotunu aijo' momposanangmo kinyonyoa nu Tumpu.

IMAMAT 1:17

Lapas mae tomonsi' aijo' tionyo ahi' o sampan i pu'un nu polipiknyo panyo polipiknyo madi' timbali opolaus na monsampan. Lantas tomonsi' aijo' tionyo ahi' opotunu aijo' i mezbah. Hongohis nu koloban aijo' momposanangmo kinyonyoa nu Tumpu.

IMAMAT 1:9

Lantas mian aijo' tionyo ahi' mombaso'i isi nu kompongnyo tiba pa'anyo nu sapi' aijo', ka' imam anu mokalaja tionyo ahi' mompotunu iwi-iwi'. Hongohisnyo nu koloban anu pinotunumo aijo' momposanangmo kinyonyoa nu Tumpu.

IMAMAT 3:16

Imam anu mokalaja tionyo ahi' mompotunu iwi-iwi' aijo' i mezbah. Hongohisnyo nu koloban anu okaan aijo' momposanangmo kinyonyoa nu Tumpu. Iwi-iwi' na lompo'nyo nu binatang aijo' osombahkon hi Tumpu.

AMOS 5:21

Tumpu notatae, “Ku ka'ideki ka' to'uamo na montoa belemiu molame-lame'akon agama nu belemiu!

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

YOHANES 13:34

Palentah bu'ou Kubee' hi komiu: Pompaha kali-kalibosi samian ka' samian. Sumo Aku mongkalibosi komiu, sumo aijo' suele na komiu tionyo mompaha kali-kalibosi.

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 4:25

I Yesus aijo' binee'mo da o patei kalana dosa-dosa'to, lantas Ia po'ule' pinotumuu' nu Tumpu da mompotimbali kita po'ule' mompaha maima' tiba Tumpu.

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

ROMA 8:37

Madi'! Ola o i uno iwi-iwi' aijo' kita mohumpakmo ka'untungan anu sukup lengkat hi Ia anu mongkalibosi kita!

1 KORINTUS 16:14

Iwi-iwi' na anu obau miu, obau kalana mongoa'i molibos.

1 KORINTUS 5:7

Alin pe'e na ragi anu pininmo aijo', aijo'mo ragi nu dosa', da komiu timbali sumo anu ginalo'anmo bu'ou, belesi' i ragi nu dosa' anu pininmo, ka' memang kusumbu' komiu sumo aijo'mo. Kalana lamean nu Paskah-nto pinosadiamo, saba' i Kristusmo na tinimbali sumo domba nu Paskah-nto, anu kinolobanakonmo.

2 KORINTUS 2:14

Panyo talima kase hi Tumpu! Ia saja' nolaya' kami nombatuki balondaan i kamenangan i Kristus kalana kami tumuu' nosa'angu'mo tiba Ia. Tumpu nompake kami da lele mongkona i Kristus tolele sumo nohong anu monohongi iyaya mae.

2 KORINTUS 2:15

Kalana kami sumo nohong nu kamangian anu manohong, anu pinapuanmo i Kristus bau kapalaluan nu Tumpu. Toka hi to mia-mian anu hau-haunyo mongahopi kahansunan, kami aiya sumo nohong nu kapatean anu mompatei; panyo toka hi to mia-mian anu hau-haunyo oposalamat, kami sumo nohong anu momboa kantumuu'an. Yo, ihe na anu timbali moko ganapi kalaja aiya?

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

GALATIA 1:4

Mohongo-hongo pongka'oho' nu Tumpu Tuumanto, i Kristus nombee'mo butong-Nyo kinolobanakon pinontokong to dosa-dosa'to, da kita nu posalamat i tempo' anu ma'idek aiya.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

EFESUS 3:19

anu de ola kapandean nu mian madi' opoko sumbu' hondo-hondo. Ku'amalakon da komiu monsumbu' kalibosan i Kristus aijo', sahingga tabiat nu Tumpu mobuke'mo ma'i-ma'ima' hi komiu.

EFESUS 4:15

Madi' sumo aijo'! Panyo ola ahi' kita tionyo momponyata' hahan anu totu'u nu kinyonyoa anu mongkalibosi hondo, sahingga i uno nu iwi-iwi' na han kita kopipinnyo timbalimo talakana' pokakana sumo i Kristus anu timbalimo kapalanto.

EFESUS 4:2

Tionyo ahi' komiu saja' mati aluk na kinyonyoa, motatae madi' ko pesa-pesa ka' sabaan. Potoa na kalibosanum montulungi samian ka' samian.

EFESUS 5:15

Mokonyo aijo', opokopiani ima-ima' na gau' nu kantumuu'an miu. Boli tumuu' sumo to mia-mian ponga'; tumuu'mo sumo to mia-mian anu pande.

EFESUS 5:25

Langkai', kalibosi na bengkele'um, pokakana sumo i Kristus mongkalibosi jama'at, ka' nongkulubanakonmo butong-Nyo kalana jama'at aijo'.

PO'ULE' INGULIT 27:6

kalana mezbah anu opotinjo bau ponsomban Tumpu Allah nu belemiu tionyo batu anu daagi' ti'a-ti'angu' na obau. Aita' i batu aijo' tionyo ahi' ponsombahkonan nu belemiu koloban anu opotunu.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

KOLOSE 3:14

Ka' anu talalo hondo penting, aijo'mo: Komiu tionyo ahi' mompaha kali-kalibosi, kalana kalibosan aijo' na momposa'angu' to Utu-utus iwi-iwi' sahingga timbali mian anu sahondo-hondonyo.

1 TESALONIKA 4:9

Madi'mo daagi' palalu na kami montulis sulat toka hi komiu mosia na komiu tionyo mongkalibosi to Utu-utus anu sa'a-sa'angu' na kapalesaya'an. Komiu suele ingajanmo nu Tumpu da mompaha kali-kalibosi.

1 TIMOTIUS 2:6

Ia samian na manusia anu nombee'mo butong-Nyo da mompobebas iwi-iwi' na mian i to dosa-dosa' nu aha. Tiba jalan aijo' Tumpu Allah nompoto'imo tempo'nyo anu tinantukanmo, kalana Ia mongkahanda'i da iwi-iwi' na mian oposalamat.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 8:3

Batu-batu Imam Daka' i hangkat da monsombahkon koloban kabai anu osombahkon hi Tumpu. Sumo aitu mule' na Imam Daka' to; Ia tionyo daagi' ko apa-apaa anu osombahkon.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.

IBRANI 9:23

Tiba han anu sumo aijo' to paka-pakakas anu mongibalatakon hahan anu i suluga' palalu oposusi'. Panyo hahan anu memang i suluga' aijo' mompalalui ahi' koloban anu lebe ma'ima'.

IBRANI 9:26

Kalana desumo aitu, aijo' alati'nyo saja' pino'uli-ulit-Nyo na nongoa'i kasansala'an salatanmo pe'e dunia aiya pinotimbali. Panyo bukuti'nyo, uuka aiya i tempo' anu i mihinyomo aiya, Ia tinoka ola ninsan da mompobelesi dosa', aijo'mo nongkolobanakonmo posi butong-Nyo.

1 PETRUS 4:8

Mompaha kali-kalibosi totu-totu'u samian ka' samian, aijo' na lebe molingkudui iwi-iwi' kalana de mompaha kali-kalibosi belemiu suele timbali mompaha ampu-ampuni.

1 YOHANES 3:16

Tiba jalan anu sumo aiya kita nonsumbu'mo mosia na mongkalibosi sangko mian: I Kristus nombee'mo butong-Nyo kalana kita. Kalana aijo', kita suele tionyo ahi' mombee' kantumuu'anto kalana to Utu-utusto!

1 YOHANES 3:23

Anu pinalentahkon-Nyomo hi kita atina'mo: Kita tionyo ahi' palesaya hi Anak-Nyo, aijo'mo i Yesus Kristus ka' kita tionyo ahi' mompaha kali-kalibosi, susumo anu pinalentahkonmo i Kristus hi kita.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.