EFESUS 4:9 - KITAB NU TUMPU ALLA LELE MA'IMAI'

⁹ Jadi, de otaloakon “Ia noliba'mo” alati'nyo Ia momonanyo nintau'mo tinoka i tampat anu talalo i aluknyo i dunia aiya.

EFESUS 4:9 ပူးပေါင်းရင်းမြစ်များ

KAJADIAN 11:5

Sahingga nintau'mo mae na Tumpu nontoa kota ka' menara anu pinotinjomo nu manusia.

MAZMUR 139:15

Salatan bungkungku iwi-iwi' pinotimbalimo, pinokopiananmo na nompoguntang i ma'alum nu tinangku, panyo no'insu'mo ikiijo' madi' ku sumbu-sumbu', aku madi' sulu-sulu' sahingga madi' nutoa nu Belento.

MAZMUR 63:9

Ku toongi na Belento dodo-dodo, lima nu Belento na nonsakanmo mae aku.

MAZMUR 8:5

te apaamo na manusia aijo' sahingga nu inau' nu Belento na ia ihe na ia, sahingga nupotuu' nu Belento?

NOSABATMO 19:20

Tumpu nintatau'mo aita' i bawo nu Bungkutnyo nu Sinai, ka' nolagamo i Musa da mokiita'mo i bawo nu bungkutnyo aijo'. Lantas i Musa nindakomo,

AMSAL 30:4

Iya na manusia anu toho'mo noliba' ka' nintatau' mae lengkat isuluga? Pa' toho'mo ia nongkongkomi mombun i uno nu limanyo ka' molupi' uee i uno nu baju'nyo, kabai nompotataap mo bata-batas nu dunia? Ihe na ia, ka' ihe na anaknyo? Tantu nusumbu' nu beleyum!

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

YEHEZKIEL 31:14

Iwi-iwi' aijo' jadimo da otampu'uni uuka aiya madi'mo daagi' ko kau' anu tumuu' sumo aijo' na kotangkasnyo; madi'mo daagi ko tuu' nu kau' anu montoka-toka kundom maumo ahi' mohumpak uee anu molabi-labi. Iwi-iwi' tionyo ahi' silaka susumo manusia anu madi' tumuu' batu ka' sihukmo mosa'angu' tiba to mia-mian anu nintatau'mo i dunia nu mian anu sinilakamo.”

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 6:33

Kalana roti anu binee' nu Tumpu aijo'mo ia anu nintatau' lengkat mae i suluga' ka' mombee'i kantumuu'an hi mian i dunia.”

YOHANES 6:38

Kalana Aku nintatau' mae lengkat i suluga', misa' mombau anu posi pongka'oho'ku, panyo pongka'oho'-Nyo nu anu nonsai mae Aku.

YOHANES 6:41

To mia-mian nu Yahudi nontampu'unimo mompisala'i Yesus, kalana Ia notatae: “Aku roti anu nintau' mae lengkat i suluga'.”

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

YOHANES 6:58

Aiyamo na roti anu nintatau' mae lengkat i suluga': misa' roti sumo anu kinaan nu mompolee' miu. Kalana noko kaan roti aijo', aha i natemo. Panyo mian anu mongkaan roti aiya, tumuu' sampe toka sidu-sidutu'.”

YOHANES 6:62

Pa' mosia na katimbaliannyo saidi' mae de komiu montoamo Anak nu Mian moliba'mo minsusule' i tampat pinolengkatan-Nyo mae?

YOHANES 8:14

I Yesus nontaami, “Mau mule' Aku mombee'i katalangan mongkona posi butong-Ku, katalangan-Ku aijo' totu'u; kalana Ku sumbu' na pinolengkatan-Ku mae ka' moya na kalambanan-Ku. Komiu madi' monsumbu' lengkat mae iya na Aku tinoka ka' moya na Aku mamba.

IBRANI 2:7

I tempo' anu madi' pinin Belento nompotimbalimo ia gagana' tinau'akon i aluknyo nu malaikat. Belento nombee'mo pangkat hi ia anu opopodaka' ka' o'adati,

IBRANI 2:9

Panyo kita nontoamo i Yesus ko kuasa! Ia pinotimbalimo gagana' i aluknyo nu malaikat ola i tempo' anu sasaingoni', da kalana kanonongan nu kinyonyoa nu Tumpu Ia timbali silaka bau pontokong mian iwi-iwi'. Kita nontoamo uuka aiya Ia binee'anmo pangkat anu talasanggo ka' o'adati kalana Ia nongoa'imo kasansala'an sampe sinilaka.