EFESUS 4:1 - KITAB NU TUMPU ALLA LELE MA'IMAI'

¹ Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

EFESUS 4:1 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 5:24

Kalana kantumuu'an i Henokh saja'mo nompaha kona tiba Tumpu Allah, ia nolapusmo kalana binoamo nu Tumpu Allah.

YEREMIA 38:20

Tinaamanku, “Madi'”, “Belento Tomundo' madi' mule' obee' hi aha. Ku kakase sabole-bole da belento Tomundo' montuluti potuunon nu Tumpu; saidi' mae iwi-iwi' jadi ma'ima', ka' mule' belento Tomundo madi' ahi opatei.

SISIKON NU TO RASUL-RASUL 9:31

Sahingga jama'at i songko-songko na Yudea, Galilea ka' i Samaria madi'mo binata-bata. Roh nu Tumpu na nontulungi da nabuhuk hi Tumpu, sahingga to jama-jama'at aijo' nompaka majumo ka' nompaka da'isanmo.

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

1 KORINTUS 4:16

Mokonyo aijo' kupoita da komiu sabole-bole mombatuki sonto'ku.

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

GALATIA 4:12

To Utu-utus! Ku poita hondo-hondo da komiu timbali pokakana sumo aku. Kalana aku suele tinimbalimo sumo komiu. Komiu madi' nombau kasala'an apa-apaa hi belengku.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

EFESUS 4:4

Ola sa'angu' na butong ka' sa'angu' na Roh. Sumo aitumo mule' na komiu i laga da ola sa'angu' na anu otaha'imani ka' mule' pokakana.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

FILIPI 3:14

Mokonyo aijo' aku sapopopadeka'nyo mompanjolongi anu okahanda'i i ka'ahenannyo mae da mohumpak ka'untungan, aijo'mo kantumuu'an i suluga'; makisut aijo' na Tumpu nolaga kita palesaya hi Kristus Yesus.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

KOLOSE 2:6

To Utu-utus nontalimamo i Kristus Yesus salaku Tumpu. Mokonyo aijo' tionyo ahi' komiu tumuu' mosa'angu'mo tiba Ia,

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

1 TESALONIKA 2:12

Kami mompokinde'i komiu, ka' kami mongkakeha'i komiu, ka' kami mompakisa da komiu tumuu' sumo aijo' sahingga momposanang kinyonyoa nu Tumpu. Kalana Tumpu nolagamo komiu da timbali mian i Dunia Bu'ou nu Tumpu ka' mongoa'i Kasanangan-Nyo.

2 TESALONIKA 1:11

Mokonyo aijo' kami saja' mondo'akon komiu. Kami balado'a da Tumpu mompotimbali komiu moko ala tumuu' mombatuki pongka'oho'-Nyo, kalana makisut aijo' sahingga Ia nolagamo komiu. O amalakon da Tumpu mongkuasai komiu mombatuki pongka'oho'nyo da mombau anu ma'ima' ka' mompokopiani iwi-iwi' na kalajanyo anu binaumo miu kalana pinalesayamo hi Kristus.

2 TIMOTIUS 1:9

Tumpu momposalamat kita ka' molaga kita da timbali mian-Nyo anu palesayamo. Binaunyo na aijo' misa' mintoong i apaa na anu binauntomo, panyo mintoong i posi kahanda'-Nyo tiba balakat-Nyo. Ia mombee'i kita balakat-Nyo nontulu hi Kristus Yesus ma'isa pe'e dunia aiya pinotimbali.

TITUS 2:10

kabai montomang. Tionyo ahi' aha saja' mompotoa sipat anu ma'ima' ka' tulu-tulutan, da kalana sipat nu aha aijo' mian mompuji pangajalan mongkona Tumpu anu Momposalamat kita.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

2 PETRUS 1:3

Tumpu nontoongimo kuasanyo salaku Tumpu da mombee'mo hi kita iwi-iwi na apaa anu opalalui i kantumuu'anto mombau palentah nu Tumpu. Ia nombau aijo' osumbu'to i han apaa na anu binaumo i Yesus Kristus, anu nolagamo kita da mongoa'i kuasanyo ka' kanonongan-Nyo.

2 YOHANES 1:5

Kalana aijo', Pontina'on, ku poita sabole-bole da kita iwi-iwi' mompaha kali-kalibosi. Anu ku poto'i aiya misa' sa'angu' na palentah anu sala'je; palentah aiya binee'mo hi kita salatanmo pe'e kita nontampu'unimo pinalesaya.