EFESUS 3:6 - KITAB NU TUMPU ALLA LELE MA'IMAI'

⁶ Lahasia aijo', atina'mo: Montului Lele Ma'ima' aijo', mian anu misa' Yahudi suele mongoa'i to bala-balakat nu Tumpu anu naipuan mae pinotouka ola bau kapentingan nu mian Yahudi. To mia-mian anu misa' Yahudi pinotimbalimo ka' pinosoopmo sambu-sambutong, ka' suele mohumpakmo apaa na anu jinanji'mo nu Tumpu hi Kristus Yesus.

EFESUS 3:6 ပူးပေါင်းရင်းမြစ်များ

YEHEZKIEL 47:22

ka' tano' aijo' timbalimo belemiu na tumpunyo sampe toka sidu-sidutu'. Aha mian anu lengkat mae isalipu'an anu jojoongmo tataap atina' hi belemiu, ka' ko anakmo anu ihampe itina', tionyo ahi' suele mohumpak bahagian tano' aijo'. Aha o'anggapmo ahi sa'a-sa'angumo na bansa tiba bansa Israel, ka' aha suele mohumpakmo ahi' undian da timbali mohumpak tano' de mombagimo tano' na to tulu-tulunan nu bansa Israel.

1 KORINTUS 12:12

I Kristus aijo' sumo butong nu mian; butong aijo' sa'angu', panyo manjoo' na bagiannyo. Iwi-iwi' na bagiannyo aijo' mau mule' manjoo', panyo tinimbali sa'angu' na butong.

1 KORINTUS 12:27

Kita Utus iwi-iwi' hingga-hinggat aijo'mo na butong i Kristus, ka' komiu toto samian suele te bagian nu butong aijo'.

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

GALATIA 5:24

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

EFESUS 3:3

Tumpu nontaloakonmo lahasia nu tanga'an-Nyo ka' pinoto'inyomo mae hi belengku. (Mongkona han aiya noko tuliskumo i aita' mae kodo-kodo',

EFESUS 5:30

Osumbu'to na aijo', kalana kita tinonsoopmo i butong i Kristus.)

EFESUS 5:7

Jadi, boli hondo-hondo mosangalu tiba to mia-mian anu susumo aijo'.

KOLOSE 2:19

sahingga madi'mo daagi' mintoong hi Kristus anu tinimbalimo kapala. I uno nu pongatunan i Kristus, songko-songko na butong opotuu', ka' oposa'angu' nu to losu-losuannyo, ka' tumuu' mombatuki pongka'oho' nu Tumpu.

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

1 YOHANES 2:25

Ka' aiyamo na anu jinanji'mo i Kristus hi kita: Tumuu' kopian ka' sampe toka sidu-sidutu'.