EFESUS 3:5 - KITAB NU TUMPU ALLA LELE MA'IMAI'

⁵ Naipuan mae lahasia aijo' madi' toho' pinosumbu' hi mian, panyo uuka Roh nu Tumpu nomponyata'mo hi to rasul-rasul ka' hi to nabi-nabi-Nyo.

EFESUS 3:5 ပူးပေါင်းရင်းမြစ်များ

YESAYA 52:15

Panyo uuka aiya manjoo' na bansa nongkabangangimo, to tomu-tomundo' madi'mo noko ala notatae kalana binangangmo. Aha saidi' mae montoaje ka' mangalati'mo apaa na anu momonanyo mae ma'isa ahi' sinumbu' nu aha.”

MATIUS 13:17

Jaga mae, da'isan na nabi ka' mian anu tulut hi Tumpu mongkahanda'i montoa anu tinoa miu uuka aiya, panyo aha madi' montoa. Aha mongka'oho' mohongo apaa na anu i hongo miu uuka aiya, panyo aha madi'mo daagi' mohongo.”

MATIUS 20:7

To mia-mian aijo' nontaami, ‘Madi' ko mian anu mombee'i pakalaja'an hi kami.’ ‘Desumo aijo'’, koonyo nu tumpu nu ale' aijo', ‘lako'mo na komiu mokalaja i ale' nu anggurku.’

MATIUS 23:34

Hongo ima-ima': Aku monsaije hi komiu to nabi-nabi, to mia-mian pande, ka' to gulu-gulu'; sambahagian lengkat hi aha o pateije miu, ka' sambahagian anu sangga'at o salibje miu. Daagi' ko anu o sakisaje miu i uno nu laigan pogalejaan, ka' komiu mahantumput lengkat i sa'angu' na kota mokiijo' i kota sangga'at.

LUKAS 10:24

Kalana inau': Manjoo' na nabi tiba Tomundo mongindi montoa anu tinoa miu tempo' uuka aiya, panyo aha madi' montoa. Aha mongindi mohongo anu i hongo miu tempo' uuka aiya, panyo aha madi' mohongo.”

LUKAS 11:49

Aijo' na sababnyo Kapandean nu Tumpu notatae, ‘Ku saije mamba hi aha na to nabi-nabi ka' to posa-posaihon-Ku; sambagian o patei ka' sambagian o sakisa!’

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

SISIKON NU TO RASUL-RASUL 10:28

Lantas ia notatae hi aha, “Posi to Utu-utus monsumbu' saba' mian nu Yahudi o tewa' nu agamanyo na mamba molenga kabai mompahasumbu' tiba to mia-mian lengkat i bansa sangga'at. Panyo Tumpu nompotoamo hi belengku, saba' aku madi' timbali monsangka mau pe'e ihe pahengas kabai madi' timbali o kaan.

ROMA 16:25

O puji' na Tumpu! Matangkas na Kuasanyo nompohosonmo palesaya nu kita Utus sumo anu tinulismo i Lele Ma'ima' anu lengkat mae hi Tumpu, anu pinolelengkumo mongkona i Yesus Kristus. Aku nompolele lele aijo' sumo anu pinonyata'mo nu Tumpu Allah; aijo'mo tanga'an nu Tumpu anu no atu-atumo na taun na kopinnyo ma'isa sinumbu' nu mian.

1 KORINTUS 2:10

Panyo Roh nu Tumpu na nomponyata'mo hi kita. Roh nu Tumpu aijo' na nonselidiki iwi-iwi' apaa, toka-toka i tanga'an nu Tumpu pe'e anu talalo mapohowini.

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.

EFESUS 3:9

ka' mule' da montului aku iwi-iwi' na mian monsumbu' mosia na Tumpu, anu Nompotimbalimo dunia aiya mombaumo tanga'an-Nyo anu daagi' pe'e daulu' kalam pinohowinimo i dunia aiya.

2 PETRUS 3:2

Ku poto'i da belemiu monginau' iwi-iwi' na potatae anu naipuan mae tinaloakonmo nu to nabi-nabi nu Tumpu, ka' palentah suele lengkat mae hi Tumpu, Tomundo anu Momposalamat, anu pinotokamo hi belemiu nu to rasul-rasul.

YUDAS 1:17

Panyo to utu-utusku anu okanonongi, o inau' apaa na anu naipuan mae tinaloakonmo nu to rasul-rasul nu Tumpunto i Yesus Kristus.