EFESUS 3:2 - KITAB NU TUMPU ALLA LELE MA'IMAI'

² Tantu komiu nohongomo Tumpu, kalana ka'ima'an nu kinyonyoa-Nyo, nombee'imo aku kalaja aiya bau kapentingan miu.

EFESUS 3:2 ပူးပေါင်းရင်းမြစ်များ

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 11:13

Panyo uuka aiya lebe ma'ima' aku basisik hi to Utu-utus anu misa' Yahudi! Sapinnyo uuka, salaku Rasul hi to bansa-bansa anu misa' Yahudi, aku talalo hondo mongangga'i kalajangku.

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

1 KORINTUS 4:1

Kami aijo'mo to posa-posaihon i Kristus anu mangaku mompolele tanga'an nu Tumpu anu ma'isa sinumbu' nu dunia.

GALATIA 1:13

Tantu komiu nohongomo mongkona kantumuu'anku u'utu mae salaku mian anu montoongi agama Yahudi. Komiu nonsumbu'mo mosia na kosigonyo na aku nongkabisa'i jama'at nu Tumpu ka' mosia na kobaaninyo na aku nompagala nombahangusa'i aha.

EFESUS 1:10

Tanga'annyo aijo' da iwi-iwi' na apaa, mau anu i suluga' mau anu i dunia, mosa'angu'mo tiba i Kristus salaku kapala. Ka' han aijo' nu potimbalije nu Tumpu de tokamo na tempo'nyo.

EFESUS 3:7

Tumpu nombee'imo balakat aku – aiyamo kalaja – da mompolele Lele Ma'ima' aijo'. Aku nontalima balakat aijo' nontului kuasa nu Tumpu anu nokalaja i uno nu butongku.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

EFESUS 3:9

ka' mule' da montului aku iwi-iwi' na mian monsumbu' mosia na Tumpu, anu Nompotimbalimo dunia aiya mombaumo tanga'an-Nyo anu daagi' pe'e daulu' kalam pinohowinimo i dunia aiya.

EFESUS 4:21

Komiu nohongomo mongkona Ia! Ka' salaku anu saja' mombatuki Ia, komiu pinogulu'mo singkona mongkona sipat-sipat nu Tumpu anu daagi' hi Ia!

EFESUS 4:7

Kita toto samian mohumpakmo pa' apaa na nukahanda'i nubee' i Kristus.

KOLOSE 1:6

Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

1 TIMOTIUS 1:11

Ajalan aijo' daagi' i uno nu Lele Ma'ima' ka' anu mompolele pinalesayakonmo hi belengku, aijo'mo Lele Ma'ima' lengkat mae hi Tumpu anu opopodaka' ka' anu patut o puji'.

1 TIMOTIUS 1:4

Taloakon hi aha da bolimo daagi' mompajuli to sisi-sisik anu baleko', ka' to sisi-sisik anu pinolengkatannyo madi' ko kamingkotannyo. Iwi-iwi' aijo' ola saja' molubatakon painggagan, ka' madi' mompopodaka' makisut nu Tumpu anu ola timbali osumbu' de palesayamo hi Ia.

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

2 TIMOTIUS 1:11

Da Lele Ma'ima' aijo' opolele Tumpu nohangkatmo aku da tinimbali rasul ka' gulu'.