EFESUS 2:8 - KITAB NU TUMPU ALLA LELE MA'IMAI'

^8-9 Tumpu mongkalibosi komiu, aijo' na sababnyo Ia momposalamat komiu kalana komiu pinalesayamo hi Yesus. Kasalamatan miu atina' misa' posi hasin nu usaha miu. Aijo' te balakat nu Tumpu. Jadi, madi' ko samian pe'e na anu timbali mongkabubuulakon posi butongnyo mongkona han aijo'.

EFESUS 2:8 ပူးပေါင်းရင်းမြစ်များ

MATIUS 16:17

“Talalo untung hondo na beleyum, Simon anak i Yona!” na koonyo i Yesus. “Kalana misa' mian na nompotoiyakon han aijo' hi komiu, panyo Tuumang-Ku anu i suluga'.

MATIUS 20:9

Lantas tinokamo na anu nokalaja, mulai anu nokalaja lengkat i jam olima' ohani malom. Aha toto samian nontalima sa'angu' na doi salaka.

MARKUS 16:16

Mian anu madi' palesaya o hukum. Panyo mian anu palesaya o palamandikan, da salamat.

LUKAS 7:50

Panyo i Yesus notatae hi boune aijo', “Kalana beleyum palesaya hi beleng-Ku, beleyum oposalamat. Lako'mo ma'i-ma'ima'!”

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

YOHANES 6:35

“Akumo na roti anu mombee'i kantumuu'an,” tukoonyo i Yesus hi aha. “Mian anu toka hi beleng-Ku madi'mo mompo'ule' mo'ohop sidu-sidutu'. Ka' anu palesaya hi beleng-Ku madi'mo mompo'ule' megot sidu-sidutu'.

YOHANES 6:37

Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

YOHANES 6:44

Madi' ko samian pe'e moko ala toka hi beleng-Ku, de Tuuma anu nonsai mae Aku madi' nomboa mae ia hi beleng-Ku; ka' ihe na toka po'ule' Kupotumuu' i Sinaa Kakiamatan.

YOHANES 6:65

Lantas i Yesus po'ule' notatae, “Aijo' na sababnyo Ku poto'i hi komiu, saba' madi' ko samian pe'e moko ala toka hi beleng-Ku de madi' nupobee' nu Tuuma.”

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

SISIKON NU TO RASUL-RASUL 15:11

Panyo ola ahi' kita palesaya da kita nu posalamat kalana kalibosan nu Tumpu Yesus; sumo aitu mule' na aha.”

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

SISIKON NU TO RASUL-RASUL 16:31

Tinaaman i Paulus ka' i Silas, “Palesayamo hi Tumpu Yesus! Beleyum timbali salamat – beleyum ka' iwi-iwi' mian anu i laiganum!”

ROMA 10:14

Panyo mosia na mian timbali momoita tulung hi Tumpu de aha ma'isa palesaya? Ka' mosia na aha timbali palesaya hi Tumpu de aha ma'isa nohongo pa' mosia na Ia aijo'? Sumo aitu mule' mosia na aha timbali mohongo mongkona Tumpu, de madi' ko anu monsisikakon?

ROMA 10:17

Mokonyo aijo' to mia-mian timbali palesaya kalana aha mohongo lele, ka' lele o hongo kalana daagi' ko mian anu mompolele pa' mosia na i Kristus anjo'.

ROMA 4:16

Jadi janji' nu Tumpu aijo' mimpu'u i palesayanyo nu mian hi Tumpu. Aijo' na timbali sa'angu' bau pintoongan hi iwi-iwi' lee' i Abraham, taalu' janji' aijo' obee' hi aha salaku sa'angu' na taju anu halala' lengkat mae hi Tumpu; misa' ola hi aha anu tulu-tulutan i atulan nu agama Yahudi, panyo suele hi aha anu palesaya hi Tumpu pokakana sumo i Abraham palesaya hi Ia. Kalana i Abraham aijo' tuumanto, kita ingko-ingkot i uno nu kapalesaya'an.

ROMA 4:5

Panyo daagi' ko mian anu madi' montaha'imani posi usahanyo; ia mongasanakon butongnyo hi Tumpu anu nompoto'imo mian baladosa' opobebasmo i kasala'an. Kalana kapalesaya'annyo aijo' Tumpu nontalimamo mian aijo' salaku mian anu momposanang kinyonyoa nu Tumpu.

ROMA 9:16

Jadi kaputusan nu Tumpu aijo' madi' mintoong i kasanangan nu kinyonyoa nu mian, kabai anu nubau nu mian, panyo ola samata-mata kanonongan nu Tumpu toka hi mian anu pinile'an-Nyomo aijo'.

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

EFESUS 1:19

ka' palias na kodaka'nyo na kuasa nu Tumpu mokalaja hi kita anu palesayamo. Kuasa nu Tumpu aijo' pokakanamo sumo kuasa anu madi' ko gampanyo.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

EFESUS 2:5

sahingga tempo'nyo kita daagi' nate na rohaninto kalana kita saja' mombau kasala'an, Ia po'ule'mo nompotumuu' kita hingga-hinggat tiba i Kristus. Jadi, ola kalana ka'ima'an nu kinyonyoa nu Tumpu sahingga komiu pinosalamat-Nyomo.

FILIPI 1:29

Kalana Tumpu nombee'imo balakat hi komiu, misa' ola da palesaya hi Kristus, panyo singkona da mongoa'i sansala kalana i Kristus.

KOLOSE 2:12

Kalana salatan komiu pinalamandikanmo, komiu i lamunmo hingga-hinggat tiba i Kristus; ka' tiba palamandian aijo' mule', komiu po'ule'mo pinotumuu' suele hingga-hinggat tiba i Kristus, kalana komiu pinalesayamo i kuasa nu Tumpu anu nompo'ule'mo nompotumuu' i Kristus sinilaka.

2 TESALONIKA 1:9

Mian haha aijo' montalimamo hukuman kapatean anu sampe toka sidu-sidutu', nu alinmo nu Tumpu i sambiha'nyo ka' nusabatakonmo i kuasa-Nyo anu talasanggo;

IBRANI 6:4

Kalana daagi' ko to mia-mian anu noteba'mo, madi'mo opoko ala, po'ule' o ajan. Aha naipuan mae jinojoongmo i uno nu jingka anu no lengkat mae hi Tumpu, ka' nongoa'imo anu binee'-Nyomo. Aha mule' suele kinuasanmo nu Roh nu Tumpu.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.