EFESUS 2:6 - KITAB NU TUMPU ALLA LELE MA'IMAI'

⁶ Kalana kita nosa'angu'mo tiba i Kristus Yesus, Tumpu nompo'ule'mo nompotumuu' kita hingga-hinggat tiba Ia, da kita mompalentah suele hingga-hinggat tiba Ia i uno nu suluga'.

EFESUS 2:6 ပူးပေါင်းရင်းမြစ်များ

MATIUS 26:29

Palesayamo: Aku madi' mompo'ule' monginum anggur aijo' sampe toka i tempo'nyo Aku monginumje anggur anu bu'ou hingga-hinggat tiba komiu i Dunia Bu'ou nu Tuumang-Ku.”

LUKAS 12:37

Palias na ko untungnyo na to posa-posaihon anu tinokan hau-haunyo montanda'i tuannyo toka. Palesayamo: Tuan aijo' nosadia'imo, ka' nompokaumo posaihon haha aijo' sumuhang, lantas ia mombee'imo apaa na anu palalu hi aha.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 14:3

De lapasmo na Aku mamba montoukai tampat miu, Aku po'ule'je mae minsusule' ka' molabot komiu, da iyana kajojoongan-Ku, i kiijo' suele na kajojoongan miu.

EFESUS 1:1

Mian anu palesayamo hi Tumpu kiijo' i Efesus, anu mohongo-hongo i Kristus Yesus!

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

EFESUS 2:13

Panyo uuka, kalana komiu nosa'angu'mo tiba i Kristus Yesus, komiu anu naipuan mae majo'on, panyo kalana i Kristus sinilakamo jadi aijo'mo na nompo ohani.

KOLOSE 1:18

Iamo na kapala nu butong-Nyo, aijo'mo jama'at, kalana Ia na pinolengkatan nu kantumuu'an nu jama'at aijo'. Iamo na anak anu tumpe, anu sini-sinilaka ka' momonanyo po'ule' pinotumuu', da ola posi Ia na anu timbali tahahumo penting molingkudui iwi-iwi na apaa.