EFESUS 2:3 - KITAB NU TUMPU ALLA LELE MA'IMAI'

³ Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

EFESUS 2:3 ပူးပေါင်းရင်းမြစ်များ

KAJADIAN 5:3

Salatan i Adam umunnyo 130 mo na taun, ia nohumpakmo anak mo'ane anu monsasuhi mae butongnyo lantas sinanggohan-Nyomo i Set.

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

AYUB 14:4

Te toho' mule' na manusia anu baladosa' moko ala mompodaagi' anu talalo hondo ma'ima'?

AYUB 25:4

Te moko ala ahi' susi' na manusia i mata nu Tumpu Allah? Te moko ala ahi' na ia belesi, de nutoa nu Tumpu Allah?

MAZMUR 51:5

Kalana ku akuimo na kasala'an-kasala'anku, dosa'ku saja'mo sola' ku inau'.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

MARKUS 4:19

panyo kantumuu'an nu aha daagi' bata-bata ka' mongka'ima'i tumuu' sanang. Lupa-lupa na napisu minsoop i uno nu kinyonyoa nu aha. Kalana aijo' lele anu lengkat mae hi Tumpu ingipidanmo nu kinyonyoa nu aha da madi' mimbua'.

YOHANES 1:13

anu i hampeakon misa' nolengkat mae i mian, kalana tumuu' bu'ou aijo' lengkat mae hi Tumpu na pinolengkatannyo.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

SISIKON NU TO RASUL-RASUL 14:16

Tempo'nyo naipuan mae Tumpu nompojohokmo to bansa-bansa tumuu' mombatuki posi pongka'oho' nu aha.

ROMA 1:24

Mokonyo aitu Tumpu nompojohokmo aha nukuasai nu anu okamilui nu kinyonyoa nu aha da mombau anu mahenyu, sahingga aha mombau anu to ide-idek kona hi sangko mian.

ROMA 11:30

U'utu mae komiu madi' mohongo-hongo Tumpu. Panyo uuka aiya Tumpu nompoto'imo tukoonyo komiu pinobebasmo i kasala'an, kalana to mia-mian Yahudi madi'mo mohongo-hongo.

ROMA 13:14

O'asanakon hi Tumpu Yesus Kristus na mompotantu apaa na anu tionyo o bau miu. Ka' boli mombatuki kalakuan nu mian anu baladosa', kahanda' mati ko osai napisu.

ROMA 2:14

To mia-mian bansa sangga'at madi' monsumbu' atulan nu agama Yahudi. Panyo de posi kahanda' nu aha na mombau apaa na pinalentakon nu atulan aijo', posi kinyonyoa nu aha na timbali atulan nu aha, mau mule' aha madi' monsumbu' atulan nu agama Yahudi.

ROMA 5:10

De tempo'nyo kita nompaha idek ka' Tumpu, kita pinodame-Nyomo nu kinasilakaan nu Anak-Nyo, apaa mule' uuka aiya salatan pompahasumbu'anto ka' Tumpu po'ule'mo na'ima', matantumo kita oposalamat mule' i uno nu kantumuu'an i Kristus.

ROMA 5:9

Uuka aiya kita po'ule'mo na'ima' tiba Tumpu kalana tinokongmo nu kasilakan i Kristus; kalana aijo' kita tantumo suele oposalamat, madi'mo nukona nu tambuha' nu Tumpu kalana i Kristus.

ROMA 6:12

Bolimo daagi' mompobee' dosa' mongkuasai kantumuu'an anu madi' toka sidu-sidutu' aiya, da kita Utus bolimo mombatuki pongka'oho'um anu ma'idek.

ROMA 7:18

Kusumbu' madi' ko sa'angu' pe'e na anu ma'ima' i butongku; aijo'mo sipatku salaku mian. Kalana daagi' ko indi hi belengku mombau anu ma'ima', panyo aku madi' moko ala mombau.

ROMA 9:22

Sumo aijo'mo apaa na anu binau nu Tumpu. Ia ko kahanda' molubatakon tambuha'-Nyo ka' mompotoa kuasa-Nyo. Panyo Ia sabaan hi aha anu tionyo o hukum kalana nonsaduakonmo Ia motambuha'.

1 KORINTUS 4:7

Ihe na nompotimbali kita Utus molingkudui mian sangga'at? Te misa' iwi-iwi' apaa na anu i humpak nu kita Utus, lengkat hi Tumpu Allah? Jadi, kadaka' kahanda' mombuulakon butong, au'aitu apaa na anu daagi' hi kita Utus, aijo' misa' anu binee'?

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

EFESUS 2:2

Tempo'nyo aitu komiu nombatukimo kabiasa'an-kabiasa'an nu dunia aiya; bala alati' komiu nontulutimo anu mongkuasai langa, aijo'mo roh anu tempo' uuka nongkuasaimo kinyonyoa nu to mia-mian anu madi'mo nontuluti Tumpu.

EFESUS 4:22

Mokonyo aijo', ukatakonmo na mian anu nanau'mo tiba jalan pikilan nu kantumuu'an anu nanau'mo anu hau-haunyo ingide'anmo han anu oka'ima'i anu mompoponga'.

KOLOSE 1:21

Naipuan mae komiu majo'on hi Tumpu. Komiu monsampo bali' Ia, kalana kalakuan ka' pikilan miu ma'idek.

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

1 TESALONIKA 5:6

Kalana aijo' kita madi' timbali sahoyo-hoyotnyomo sumo mian sangga'at. Kita tionyo basadia ka' pikilanto tionyo matantu.

1 TIMOTIUS 6:9

Panyo mian anu mongka'oho' timbali kaya, tagodamo ka' nusegotimo nu sagala lupa na anu oka'ima'i, anu ponga' ka' mongidei. Anu oka'ima'i haha aijo' mombau mian timbali magalis ka' silaka.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

1 PETRUS 1:14

Otuluti na Tumpu, ka' bolimo tumuu' mombatuki pongka'oho' nu beleyum anu susumo naipuan mae, tempo'nyo belemiu ma'isa pe'e nonsumbu' Tumpu.

2 PETRUS 2:14

Aha madi' ko kapa'osannyo na mombau dosa', ka' anu nu ka'ima'i aha aijo'mo montoa boune anu lewa' masala'. Ka' mian anu sala'je palesaya ka' anu ma'isa talalo palesaya totu-totu'u, nugoda nu aha. Kinyonyoa nu aha inanayamo nu mangoa. Aha to mia-mian anu kinutukanmo!

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

1 YOHANES 2:16

Iwi-iwi na apaa anu daagi' i uno nu dunia aiya – anu nuka'ima'i nu kalakuan nu mian baladosa', anu otoa lantas oka'ima'imo ka' anu okabubuulakon – iwi-iwi' anu madi' nolengkat mae hi Tuuma, panyo nolengkat mae i dunia.

1 YOHANES 2:8

Mau mule' sumo aijo', palentah anu tinuliskumo aiya suele ahi' sala'je, kalana katotu'uannyo timbalimo otoa hi butong i Kristus ka' hi butong miu. Kalana kapintungan ko lapu-lapusnyomo ka' jingka anu totu'u momtampu'unimo majingka.