EFESUS 2:12 - KITAB NU TUMPU ALLA LELE MA'IMAI'

¹² Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

EFESUS 2:12 ပူးပေါင်းရင်းမြစ်များ

GALATIA 4:8

Uutu mae komiu madi' monsumbu' Tumpu, mokonyo aijo' tinimbalimo botuan nu to kua-kuasa' anu osangka sumo Tumpu, panyo sabenannyo misa' Tumpu anu sahondo-hondonyo.

KOLOSE 1:21

Naipuan mae komiu majo'on hi Tumpu. Komiu monsampo bali' Ia, kalana kalakuan ka' pikilan miu ma'idek.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

EFESUS 4:18

Pikilan nu aha pinintungmo. Aha madi'mo monsumbu' kantumuu'an anu binee' nu Tumpu. Kalana aha madi' ko anu nu pisumbu-sumbu' nu aha mongkona Tumpu. Aha sumo aijo' kalana bangilan.

YEHEZKIEL 37:26

Aku mombaumo sa'angu' na palajanjian tiba aha anu mompo amanmo aha sampe toka sidu-sidutu'. Itano' nu aha aijo' Ku baumo na Laigan-Ku anu tataapmo kiijo' mae sampe toka sidu-sidutu'.

1 TESALONIKA 4:5

Boli tumuu' mombatuki kahanda' nu napisu hi bengkele'um, sumo anu nu bau nu to mia-mian anu madi' monsumbu' Tumpu.

YOHANES 15:5

Akumo na kau' anggur, ka' komiu na to panga-panga'nyo. Mian anu saja' mosa'angu' tiba Aku, ka' Aku tiba ia, tionyo mimbua' mahampe; kalana de madi' tiba Aku, komiu madi' moko bau apa-apaa.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

ROMA 9:8

Aijo' poso'nyo saba' lee' i Abraham na timbali to ana-anak nu Tumpu, ola lee'nyo anu i hampeakon jina-jinanji'mo nu Tumpu; misa' iwi-iwi'mo na lee'nyo.

2 TAWARIKH 15:3

Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

SISIKON NU TO RASUL-RASUL 28:20

Ka' aijo'mo na sababnyo pinoitangku da mompahakabot tiba komiu da basisik tiba komiu; kalana aku tinalungku' monsawani anu Momposalamat ota-otanda'i nu bansa Israel.”

SISIKON NU TO RASUL-RASUL 3:25

Anu lewa' Jinanji' nu Tumpu anu pinotokakonmo nu to nabi-nabi aitumo toka hi to Utu-utus. I uno nu Palajanjian anu binau nu Tumpu tiba mompolee' miu, Tumpu notataemo hi Abraham sumo uuka, ‘Lengkat mae i lee' miu Kubalakatije iwi-iwi' na bansa i dunia aiya.’ Palajanjian aijo' bau kapentingan miu suele.

YEREMIA 17:13

O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

IBRANI 11:34

nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.

1 TIMOTIUS 1:1

Timotius, anakku anu totu-totu'u palesayamo hi Tumpu! Sulat aiya lengkat hi belengku i Paulus, rasul i Kristus Yesus anu pinalentahmo nu Tumpu, Pomposalamat kita ka' palentah i Kristus Yesus anu otaha'imaninto. O'amalakon da Tumpu Tuumanto ka' i Kristus Yesus Tumpunto mombee'i balakat, kalibosan ka' ka'ima'an hi beleyum.

2 TESALONIKA 2:16

O amalakon hi Tumpunto Yesus Kristus ka' Tumpu Tuumanto mongindeko' ka' mompohosonakon kinyonyoa miu da komiu timbali mongkalaja ka' mompolele apaa na anu ma'ima'. Kalana Tumpu mongkalibosi kita, ka' kalana kanonongan nu kinyonyoa-Nyo, Ia nompotimbalimo kita saja' sabaan ka' montaha'imani anu ma'ima'.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 4:22

Komiu mian nu Samaria monsombah anu madi' osumbu' miu, panyo kami mian nu Yahudi monsombah Ia anu osumbu' mami, kalana kasalamatan toka lengkat mae hi mian nu Yahudi.

LUKAS 1:72

Da mompotoa ka'ima'an nu kinyonyoa-Nyo hi mompolee'to, janji'-Nyo anu belesi' tionyo Nupodaagi'.

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

YEHEZKIEL 13:9

Aku mohukumo belemiu, o, to nabi-nabi anu nontaloakonmo kila-kila'an anu leko' samata-mata ka' sola' mompotutugakon iwi-iwi na anu tinoa! Belemiu madi'mo timbali mombee'i kaputusan i uno nu rapat-rapat nu aha mian anu palesayamo hi beleng-Ku. Sanggo nu belemiu ogarismo i uno nu daftar nu aha mian Israel ka' mule' belemiu madi'mo daagi' minsusule' itano' kinahampean nu belemiu. Sahingga nu sumbu'je nu belemiu taalu' Akumo ahi' na Tumpu Anu Matangkas na Kuasanyo.

YEREMIA 14:8

Ola-olanyomo Belento na anu taha'imani nu Israel, anu nomposalamatmo kami da madi' silaka. Panyo kadaka' Belento sumomo mian anu isalipu'an mae aiya ilipu' mami, sumomo mian anu ilumambanan ola' sinso' male' sampahu lantas mambamo?

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YESAYA 44:6

Aiyamo na potatae nu Tumpu Anu Daka' na Kuasanyo, Tomundo' ka' anu monjagai aha Israel, “Aku Tumpu Anu Sa'a-sa'angu'nyomo, anu momonanyomo pe'e mae ka' anu saidi' mae imihinyo.

EZRA 4:3

Panyo i Zerubabel, i Yosua tiba to pola-polaya' nu aha toto sa'anakan haha aijo' nontaami, “Kami madi' pilenje otulungi nu belemiu na mombau Laigan nu Tumpu Allah mami. Posi kamimo na mombau susumo anu pinalentahkonmo i Kores, tomundo nu Persia, hi kami.”

NOMBILANGMO 18:19

Sampe toka sidu-sidutu', iwi-iwi' na palasombahan anu samata-mata binoamo nu aha mian Israel hi beleng-Ku, Ku bee'mo hi beleyum ka' hi to ana-anak nu beleyum to momo'ane ka' to bou-boune. Atulan aijo' opake sampe toka sidu-sidutu' ka' baumo pompokododo palajanjian anu sabole-bole obaunto tiba lee' nu belemiu.”

YESAYA 61:5

O, bansaku, mian anu i salipu'an aha montulutije palentah nu belemiu ka' monjagaije potu'on nu belemiu ka' mongkalajakonje ale' nu anggur nu belemiu.

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YEHEZKIEL 47:22

ka' tano' aijo' timbalimo belemiu na tumpunyo sampe toka sidu-sidutu'. Aha mian anu lengkat mae isalipu'an anu jojoongmo tataap atina' hi belemiu, ka' ko anakmo anu ihampe itina', tionyo ahi' suele mohumpak bahagian tano' aijo'. Aha o'anggapmo ahi sa'a-sa'angumo na bansa tiba bansa Israel, ka' aha suele mohumpakmo ahi' undian da timbali mohumpak tano' de mombagimo tano' na to tulu-tulunan nu bansa Israel.

SISIKON NU TO RASUL-RASUL 2:39

Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”

EFESUS 2:19

Mokonyo aijo', komiu madi'mo minsoop hi mian anu i salipu'an kabai mian anu i sambiha'nyo. Komiu uuka aiya nohingga-hinggatmo mian anu palesayamo hi Tumpu. Komiu tinimbalimo sampoto utusan hi Tumpu.

IBRANI 8:6

Panyo uuka i Yesus nohumpakmo pangkat imam anu lebe talasanggo molingkudui anu kinalajamo nu to ima-imam haha aijo'. Kalana palajanjian anu pinodaagi'mo nu Tumpu hi mian atina'mo na palajanjian anu lebe ma'ima' kalana mimpu'u i janji' nu hahan anu lebe ma'ima'.

NOSABATMO 12:45

Mian anu i salipu'an mae kabai anu toka mae molio tambo, madi' timbali mongkaan.