EFESUS 1:1 - KITAB NU TUMPU ALLA LELE MA'IMAI'

¹ Mian anu palesayamo hi Tumpu kiijo' i Efesus, anu mohongo-hongo i Kristus Yesus!

EFESUS 1:1 ပူးပေါင်းရင်းမြစ်များ

NOMBILANGMO 12:7

Panyo madi' sumo posaihon-Ku i Musa. Olamo aijo' ia na mian anu tulu-tulutan madi' sumo mian sangga'at anu pinalesayamo hi beleng-Ku.

LUKAS 16:10

Mian anu timbali opalesaya i uno nu hahan anu ise', timbali opalesaya mule' i hahan anu daka'. Panyo mian anu madi' timbali opalesaya i hahan anu ise', madi' timbali opalesaya i hahan anu daka'.

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

SISIKON NU TO RASUL-RASUL 18:19

Salatan tinokamo i Efesus, i Paulus nompala'imo i Priskila ka' i Akwila, lantas ninsoopmo nokiijo' i laigan pogalejaan ka' binasisik tiba to mia-mian nu Yahudi i kiijo'.

SISIKON NU TO RASUL-RASUL 18:21

Mau pe'e sumo aitu, panyo tempo'nyo kahanda'mo mamba, ia notatae, “De Tumpu mompoloas, aku po'ule'je minsusule' mae i aiya.” Noko potatae sumo aitu, ia nambamo nompala'i Efesus.

SISIKON NU TO RASUL-RASUL 9:13

Tinaaman i Ananias, “Kita Tumpu, aku nohongomo da'isan na mian notatae mongkona mian aiya, anu talalo hondo binaunyo, hahan lewa' mongkabisa'i mian anu palesayamo hi Kita Tumpu kiijo' i Yerusalem.

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 1:7

Mokonyo aijo' aku nontulis toka hi komiu. O' amalakon da Tumpu Tuumanto ka' i Tumpu Yesus Kristus mombee'i balakat kopi-kopian hi komiu.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

1 KORINTUS 4:12

Kami pagala mombau apa-apaa molio kaanon. De kami ototobi'akon obalosi mami nu mondo'akon da obalakati; de kami osakisa, kami sabaan;

1 KORINTUS 4:17

Mokonyo aijo' sinaingkumo na i Timotius hi komiu. Salaku anu mombatuki i Kristus ia sumomo posi anakku, anu ku kukalibosi. Ia anak anu timbali opalesaya. Iaje na mompotuka' komiu mongkona jalan nu kantumuu'an anu binatukumo salatan aku pinalesayamo hi Kristus, aijo'mo jalan nu kantumuu'an anu pinogulu'kumo suele hi to jama-jama'at iyaya mae.

2 KORINTUS 1:1

To Utu-utus jama'at nu Tumpu i Korintus tiba iwi-iwi' mian anu palesayamo hi Tumpu songko-songko i Akhaya. Aku, i Paulus, rasul i Kristus Yesus, anu i hangkatmo kalana pongka'oho' nu Tumpu hingga-hinggat tiba Utusto i Timotius,

GALATIA 1:1

To Utu-utus jama-jama'at i da'erah Galatia, Aku, i Paulus, ka' iwi-iwi' moto utus Kristen anu tiba aku, montaha'imani ka' o amalakon da Tumpu Tuumanto ka' Tumpu Yesus Kristus mombee'i balakat ka'ima'an hi komiu. Aku tinimbali rasul misa' ola pongka'oho' nu manusia kabai kalana i hangkat nu manusia, panyo i Yesus Kristus ka' Tumpu Allah Tuumanto anu nompo'ule'mo nompotumuu' Ia sinilaka.

GALATIA 3:26

Kalana komiu pinalesayamo hi Kristus Yesus, sahingga komiu nosa'angu'mo tiba ia; ka' kalana aijo', komiu timbalimo to ana-anak nu Tumpu.

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.

GALATIA 3:9

I Abraham palesaya sahingga ia binalakatan. Sumo aitu mule' iwi-iwi' na mian palesaya, nubalakatije pokakana sumo i Abraham.

EFESUS 1:15

Mokonyo aijo' salatanmo pe'e aku nohongo tukoonyo belemiu pinalesayamo hi Tumpu Yesus, ka' komiu mongkalibosimo iwi-iwi' mian anu palesayamo hi Tumpu,

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

EFESUS 2:13

Panyo uuka, kalana komiu nosa'angu'mo tiba i Kristus Yesus, komiu anu naipuan mae majo'on, panyo kalana i Kristus sinilakamo jadi aijo'mo na nompo ohani.

EFESUS 2:6

Kalana kita nosa'angu'mo tiba i Kristus Yesus, Tumpu nompo'ule'mo nompotumuu' kita hingga-hinggat tiba Ia, da kita mompalentah suele hingga-hinggat tiba Ia i uno nu suluga'.

EFESUS 6:21

I Tikhikus, utusto posaihon anu tulu-tulutan hondo mombau kalaja nu Tumpu, momposumbu'je hi belemiu iwi-iwi na apaa mongkona aku, da osumbu' miu na kantumuu'anku tiba kalajangku.

KOLOSE 1:2

Salaku rasul i Kristus Yesus, – kalana ingangkatmo nu Tumpu Allah – aku, i Paulus hingga-hinggat tiba utusto i Timotius, monginde'i ka' nongamalakon da Tumpu Tuumanto mombee'i balakat ka' kabilahian hi komiu.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.